ಸ್ಯಾಂಡಲ್‌ವುಡ್‌ ನ ಸ್ಟಾರ್ ಡೈರೆಕ್ಟರ್ ತರುಣ್ ಸುಧೀರ್ ಹಾಗೂ ನಟಿ ಸೋನಲ್ ಹಸೆಮಣೆ ಏರ್ತಿದ್ದಾರೆ. ಸೋನಲ್ ಹಾಗೂ ತರುಣ್ ಆಗಸ್ಟ್ 10 ಹಾಗೂ 11ರಂದು ವೈವಾಹಿಕ ಜೀವನಕ್ಕೆ ಕಾಲಿಡ್ತಿದ್ದಾರೆ. ಕಳೆದ 15 ದಿನಗಳ ಹಿಂದಷ್ಟೇ ತಮ್ಮ ಮದುವೆ ಗುಟ್ಟನ್ನು ಬಿಟ್ಟುಕೊಟ್ಟ ಸೋನಲ್ ಹಾಗೂ ಸುಧೀರ್ ಗುರುಹಿರಿಯರ ಸಮ್ಮುಖದಲ್ಲಿ ಹೊಸ ಬಾಳಿಗೆ ಅಡಿ ಇಡಲು ರೆಡಿಯಾಗಿದ್ದಾರೆ. ಅಂದ ಹಾಗೆ ಆಗಸ್ಟ್ 11 ಮತ್ತೊಂದು ವಿಶೇಷ ಕೂಡ ಇದೆ.
ಸೋನಲ್ ಮಂಥೆರೋ ಜೀವನದಲ್ಲಿ ಆಗಸ್ಟ್-11 ತುಂಬಾನೆ ಸ್ಪೆಷಲ್ ಡೇ.ಯಾಕಂದರೆ ಆಗಸ್ಟ್11ರಂದು ಸೋನಲ್ ಹುಟ್ಟು ಹಬ್ಬ. ಇದೀಗ ಮದುವೆ ದಿನವೇ ಹಸೆಮಣೆ ಏರಲು ಸೋನಲ್ ಸಜ್ಜಾಗಿದ್ದಾರೆ. ಈ ಮೂಲಕ ತರುಣ್ ಸೋನಲ್ ಗೆ ವಿಶೇಷವಾದ ಉಡುಗೊರೆಯನ್ನು ನೀಡ್ತಿದ್ದಾರೆ.
ಪ್ರತಿ ವರ್ಷ ಸೋನಲ್ ಮಂಥೆರೋ ತಮ್ಮ ಜನ್ಮ ದಿನ ಸೆಲೆಬ್ರೇಟ್ ಮಾಡುತ್ತಾರೆ. ಹಾಗಾಗಿಯೇ ಈ ವರ್ಷದ ಬರ್ತ್‌ ಡೇ ಇನ್ನೂ ಸ್ಪೆಷಲ್ ಆಗಿರುತ್ತದೆ. ಕಾರಣ, ಸೋನಲ್ ಮಂಥೆರೋ ಈ ಸಲದ ಬರ್ತ್‌ ಡೇ ದಿನವೇ ಮದುವೆ ಆಗುತ್ತಿದ್ದಾರೆ.
ಅದೇ ರೀತಿ ಮದುವೆ ವಿಚಾರವನ್ನ ಕೂಡ ತರುಣ್ ಸುಧೀರ್ ಪಕ್ಕಾ ಪ್ಲಾನ್ ಮಾಡಿದ್ದಾರೆ. ಪ್ರತಿ ಹಂತದಲ್ಲೂ ಒಂದು ವಿಶೇಷ ಇಟ್ಟಿದ್ದಾರೆ ಅನಿಸುತ್ತದೆ. ಅದಕ್ಕೆ ಪರಿಸರ ಸ್ನೇಹಿತ ಲಗ್ನಪತ್ರಿಕೆನೇ ಸಾಕ್ಷಿ ಆಗಿದೆ. ಬೆಂಗಳೂರಿನ ನೆಚ್ಚಿನ ನವರಂಗ ಥಿಯೇಟರ್‌ನಲ್ಲಿ ಪ್ರೀವೆಡ್ಡಿಂಗ್ ಫೋಟೋ ಶೂಟ್ ಮಾಡಿಸಿರೋದು ಮತ್ತೊಂದು ವಿಶೇಷ ಅನಿಸುತ್ತದೆ. ಅಂತೆಯೇ ಮದುವೆ ಕೂಡ ವಿಶೇಷ ಹಾಗೂ ವಿಭಿನ್ನವಾಗಿರಲಿದೆ ಎಂದೇ ಹೇಳಲಾಗುತ್ತಿದೆ.
