ಬೆಂಗಳೂರು: ಬೆಂಗಳೂರಿನ ಶಿವಾನಂದ ವೃತ್ತದಲ್ಲಿನ ಸಿದ್ದರಾಮಯ್ಯ ನಿವಾಸಕ್ಕೆ ಹರಿಹರ ಶಾಸಕ ರಾಮಪ್ಪ ಅವರು ಭೇಟಿ ನೀಡಿದರು. ಕಾಂಗ್ರೆಸ್ ನ 7 ಜನ ಶಾಸಕರಿಗೆ ಟಿಕೆಟ್ ಮಿಸ್ ಆಗಲಿದೆ ಎಂಬ ಮಾಹಿತಿ ಹಿನ್ನೆಲೆ ಇಂದು ಟಿಕೆಟ್ ಆಕಾಂಕ್ಷಿ ಆಗಿರುವ ಹರಿಹರ ಶಾಸಕ ರಾಮಪ್ಪ ಅವರು ಇಂದು ಸಿದ್ದರಾಮಯ್ಯ ಅವರನ್ನು ಭೇಟಿ ಮಾಡಲು ನಿವಾಸಕ್ಕೆ ಆಗಮಿಸಿದರು. ಮೊದಲ ಪಟ್ಟಿಯಲ್ಲಿ ತಮ್ಮ ಹೆಸರು ತಡೆಯುವ ಆತಂಕ ಎದುರಾದ ಹಿನ್ನೆಲೆ,
ಇಂದು ಬೆಂಗಳೂರಿಗೆ ಆಗಮಿಸಿದ್ದಾರೆ. ಸಿಇಸಿ ಸಭೆ ಬಳಿಕವೂ ಸ್ಪಷ್ಟ ಸಂದೇಶ ಸಿಗದ ಹಿನ್ನೆಲೆ, ಸಿದ್ದರಾಮಯ್ಯ ಭೇಟಿಗೆ ಶಾಸಕ ರಾಮಪ್ಪ ಅವರು ಆಗಮಿಸಿದರು. ಆದರೆ ಸಿದ್ದರಾಮಯ್ಯ ವಿಶ್ರಾಂತಿಯಲ್ಲಿರುವ ಕಾರಣಕ್ಕೆ ರಾಮಪ್ಪ ಭೇಟಿ ಆಗಲು ಸಾಧ್ಯವಾಗಿಲ್ಲ. ಆದರೆ ಇಂದು ಸಿದ್ದರಾಮಯ್ಯರನ್ನ ಭೇಟಿ ಮಾಡಿಯೇ ಕ್ಷೇತ್ರಕ್ಕೆ ತೆರಳಲು ರಾಮಪ್ಪ ನಿರ್ಧರಿಸಿದ್ದಾರೆ. ಇನ್ನೂ ಟಿಕೆಟ್ ಮಿಸ್ ಆಗುವ ಆತಂಕದ ಹಿನ್ನೆಲೆ ನಿನ್ನೆ ಸಿದ್ದರಾಮಯ್ಯರನ್ನ ಅಖಂಡ ಶ್ರೀನಿವಾಸ್ ಮೂರ್ತಿ ಅವರು ಭೇಟಿ ಮಾಡಿ ಚರ್ಚೆ ನಡೆಸಿದರು.
