ಬಾಲಿವುಡ್ ಖ್ಯಾತ ನಟಿ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್ ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಅಮ್ಮನಂತೆ ತಾನು ಕೂಡ ಖ್ಯಾತ ನಟಿಯಾಗ್ಬೇಕು ಎಂದು ಜಾನ್ವಿ ಸಾಕಷ್ಟು ಕಷ್ಟ ಪಡ್ತಿದ್ದಾರೆ. ಈ ಮಧ್ಯೆ ನಟಿ ಬಾಯ್ ಫ್ರೆಂಡ್ ಜೊತೆ ತಿರುಪತಿಗೆ ತೆರಳಿದ್ದು ತಿಮ್ಮಪ್ಪನಿಗೆ ವಿಶೇಷ ಪೂಜೆ ಸಲ್ಲಿಸಿದ್ದಾರೆ.
ಶ್ರೀದೇವಿ ಅವರ 61ನೇ ಜನ್ಮದಿನವಾದ ಹಿನ್ನೆಲೆ ಪುತ್ರಿಯರಾದ ಜಾನ್ವಿ ಕಪೂರ್ ಮತ್ತು ಖುಷಿ ಕಪೂರ್ ಇಬ್ಬರು ತನ್ನ ತಾಯಿಯನ್ನು ನೆನಪಿಸಿಕೊಂಡಿದ್ದಾರೆ. ಇಬ್ಬರೂ ತಮ್ಮ ತಾಯಿಯೊಂದಿಗೆ ತಮ್ಮ ಬಾಲ್ಯದ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಇದಲ್ಲದೇ ಜಾನ್ವಿ, ತಾಯಿ ಶ್ರೀದೇವಿ ಅವರ ಜನ್ಮದಿನದಂದು ಗೆಳೆಯ ಶಿಖರ್ ಪಹಾಡಿಯಾ ಅವರೊಂದಿಗೆ ತಿರುಮಲ ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ.
ಶಿಖರ್ ಜೊತೆ ವೆಂಕಟೇಶ್ವರ ಸ್ವಾಮಿಯ ಆಶೀರ್ವಾದ ಪಡೆದರು. ಈ ಸಂದರ್ಭದಲ್ಲಿ ಜಾನ್ವಿ ಹಳದಿ ಬಣ್ಣದ ಸೀರೆ ಅದಕ್ಕೆ ಮ್ಯಾಚ್ ಆಗುವಂತೆ ಗ್ರೀನ್ ಕಲರ್ ಬ್ಲೌಸ್ ಧರಿಸಿದ್ದರು. ಅಲ್ಲದೆ ಹೆವಿ ಸೊಂಟದ ಪಟ್ಟಿಯನ್ನು ನಟಿ ಧರಿಸಿದ್ದರು. ಅಮ್ಮನ ಶ್ರೀದೇವಿ ಸ್ಟೈಲ್ ನಲ್ಲಿ ದೇವಸ್ಥಾನಕ್ಕೆ ಆಗಮಿಸಿದ್ರು. ಶಿಖರ್ ವೈಟ್ ಕಲರ್ ಟ್ರೆಡಿಷನಲ್ ಡ್ರೆಸ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಶಿಖರ್ ಮಹಾರಾಷ್ಟ್ರದ ಮಾಜಿ ಸಿಎಂ ಸುಶೀಲ್ ಕುಮಾರ್ ಶಿಂಧೆ ಅವರ ಮೊಮ್ಮಗನಾಗಿದ್ದಾನೆ. ಜಾನ್ವಿ ಮತ್ತು ಶಿಖರ್ ಬಹಳ ದಿನಗಳಿಂದ ಜೊತೆಯಲ್ಲಿ ಓಡಾಡ್ತಿದ್ದು, ಇಬ್ಬರು ಡೇಟಿಂಗ್ ಮಾಡ್ತಿದ್ದಾರೆ ಎನ್ನಲಾಗ್ತಿದೆ. ಅನೇಕ ಬಾರಿ ಜಾನ್ವಿ ಜೊತೆ ಶಿಖರ್ ತಿರುಮಲ ದೇವಸ್ಥಾನಕ್ಕೆ ಭೇಟಿ ನೀಡಿದ್ರು. ಈ ಬಾರಿ ಕೂಡ ಜಾನ್ವಿ ಜೊತೆ ದರ್ಶನಕ್ಕೆ ಆಗಮಿಸಿದ್ರು. ವಿಐಪಿ ದರ್ಶನದ ಸಮಯದಲ್ಲಿ ತಿಮ್ಮಪ್ಪನ ದರ್ಶನ ಪಡೆದು ವಾಪಸ್ ಆಗಿದ್ದಾರೆ.
ಜಾನ್ವಿ ಕಪೂರ್ ಮತ್ತು ಶಿಖರ್ ಪಹಾಡಿಯಾ ದೇವರ ದರ್ಶನ ಪಡೆದ ಬಳಿಕ, ತಿರುಮಲ ತಿರುಪತಿ ದೇವಸ್ಥಾನದ ಅಧಿಕಾರಿಗಳು ವೆಂಕಟೇಶ್ವರನ ರಂಗನಾಯಕ ಮಂಟಪದಲ್ಲಿ ರೇಷ್ಮೆ ಶಾಲು ಹೊದಿಸಿ ದೇವರಿಗೆ ಕಾಣಿಕೆ ನೀಡಿದ್ರು. ಜಾನ್ವಿ ಪ್ರತಿ ವರ್ಷ ತನ್ನ ತಾಯಿಯ ಜನ್ಮದಿನದಂದು ತಿರುಮಲ ದೇವಸ್ಥಾನಕ್ಕೆ ಬರುತ್ತಾರೆ. ಇದೇ ವೇಳೆ ಜಾನ್ವಿ ತಮ್ಮ ಇನ್ ಸ್ಟಾಗ್ರಾಂ ನಲ್ಲಿ ಮೂರು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.
ಮೊದಲ ಚಿತ್ರ ತಿರುಮಲ ತಿರುಪತಿ ದೇವಸ್ಥಾನದ ಮೆಟ್ಟಿಲುಗಳದ್ದು, ಎರಡನೆಯ ಫೋಟೋ ಆಕೆಯ ಬಾಲ್ಯದ್ದಾಗಿದೆ. ಅವಳು ತನ್ನ ತಾಯಿ ಶ್ರೀದೇವಿಯ ಮಡಿಲಲ್ಲಿ ಕುಳಿತಿದ್ದಾರೆ. “ಜನ್ಮದಿನದ ಶುಭಾಶಯಗಳು ಅಮ್ಮ…ಐ ಲವ್ ಯೂ ಎಂದು ಜಾನ್ವಿ ಬರೆದುಕೊಂಡಿದ್ದಾರೆ.
ಇನ್ ಸ್ಟಾ ಸ್ಟೋರೀಸ್ ವಿಭಾಗದಲ್ಲಿ ಇಬ್ಬರು ಸಹೋದರಿಯರು ತಮ್ಮ ತಾಯಿ ಶ್ರೀದೇವಿಯ ಮಡಿಲಲ್ಲಿ ಕುಳಿತಿರುವ ಫೋಟೋ ಫ್ರೇಮ್ ನ ಚಿತ್ರವನ್ನು ಸಹ ಖುಷಿ ಹಂಚಿಕೊಂಡಿದ್ದಾರೆ. ಫೋಟೋದಲ್ಲಿ ಜಾನ್ವಿ ತಮಾಷೆಯ ಪೋಸ್ ನೀಡುತ್ತಿದ್ದಾರೆ. ಶ್ರೀದೇವಿ ಅವರ ಪತಿ ಮತ್ತು ಚಲನಚಿತ್ರ ನಿರ್ಮಾಪಕ ಬೋನಿ ಕಪೂರ್ ಕೂಡ ಶ್ರೀದೇವಿ ಫೋಟೋ ಹಂಚಿಕೊಂಡಿದ್ದಾರೆ. “ಜನ್ಮದಿನದ ಶುಭಾಶಯಗಳು ಮೈ ಜಾನ್” ಎಂದು ಬರೆದಿದ್ದಾರೆ.
ನಟಿ ಶ್ರೀದೇವಿ ಹಾಗೂ ಬೋನಿ ಕಪೂರ್ ಮುದ್ದಿನ ಮಗಳು ಜಾನ್ವಿ ಕಪೂರ್, ಖುಷಿ ಕಪೂರ್ ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ಬಾಲಿವುಡ್ ನ ಜನಪ್ರಿಯ ನಟಿ ಜಾನ್ವಿ, ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲೂ ತನ್ನದೇ ಚಾಪು ಮೂಡಿಸಿದ್ದಾರೆ. ಜೂನಿಯರ್ ಎನ್ಟಿಆರ್ ಜೊತೆ ದೇವರ ಸಿನಿಮಾ ಮಾಡಿದ್ದಾರೆ. ಸಿನಿಮಾ ಹಾಡುಗಳು ರಿಲೀಸ್ ಆಗಿದ್ದು, ಸೂಪರ್ ಹಿಟ್ ಆಗಿದ್ದು ಸದ್ಯದಲ್ಲೇ ಸಿನಿಮಾ ತೆರೆಗೆ ಬರಲಿದೆ.
