ಕಿಚ್ಚ ಸುದೀಪ್ ಹಾಗೂ ಶಿವರಾಜ್ ಕುಮಾರ್ ನಟನೆಯ ದಿ ವಿಲನ್ ಸಿನಿಮಾದಲ್ಲಿ ನಟಿಸಿದ್ದ ಖ್ಯಾತ ನಟಿ ಆ್ಯಮಿ ಜಾಕ್ಸನ್ ಇಟಲಿಯಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಮಗ ಹುಟ್ಟಿದ ಆರು ವರ್ಷಗಳ ನಂತರ ಆ್ಯಮಿ ಅವರು ಗಾಸಿಪ್ ಗರ್ಲ್ ಸ್ಟಾರ್ ಎಡ್ ವೆಸ್ಟ್‌ವಿಕ್ ಅವರನ್ನು ವಿವಾಹವಾದರು.
ಇಟಲಿಯಲ್ಲಿ ನಟ ಇಡ್ ವೆಸ್ಟ್ವೀಕ್ ಜೊತೆ ಮೋಹಕ ಸುಂದರಿ ಆ್ಯಮಿ ಜಾಕ್ಸನ್ ಮದುವೆಯಾಗಿರುವ ಫೋಟೋ ಸದ್ಯ ಇಬ್ಬರ ಇನ್ಸ್ಟಾಗ್ರಾಮ್ನಲ್ಲಿ ಹರಿದಾಡುತ್ತಿವೆ. ಗಾಸಿಪ್ ಗರ್ಲ್ ಅಂತಲೇ ಫೇಮಸ್ ಆಗಿರುವ ನಟ ಇಡ್ ವೆಸ್ಟ್ವೀಕ್ ಆ್ಯಮಿ ಜಾಕ್ಸನ್ ಜೊತೆ ವಿವಾಹವಾಗಿರುವ ಫೋಟೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡು ಈಗಷ್ಟೇ ಪ್ರಯಾಣ ಶುರುವಾಗಿದೆ ಎಂದು ಬರೆದುಕೊಂಡಿದ್ದಾರೆ.
ಆ್ಯಮಿ ಹಾಗೂ ಇಡ್ ವೆಸ್ಟ್ ವೀಕ್ ಅವರ ಮದುವೆ ಮಂಟಪವನ್ನು ಸುಂದರವಾದಿ ಬಿಳಿ ಹೂವುಗಳಿಂದ ಅಲಂಕರಿಸಲಾಗಿತ್ತು. ಅಲ್ಲದೆ ಆ್ಯಮಿ ಹಾಗೂ ಇಡ್ ವೆಸ್ಟ್ ವೀಕ್ ಧರಿಸಿದ್ದ ವಸ್ತ್ರಗಳು ಕೂಡ ಸಂಪೂರ್ಣವಾಗಿ ಬಿಳಿ ಬಣ್ಣದಿಂದ ಕೂಡಿಸಿದ್ದು ನೋಡುಗರನ್ನು ಮಂತ್ರ ಮುಗ್ದಗೊಳಿಸಿವೆ.
ಇನ್ನೊಂದು ಕ್ಲಿಕ್‌ನಲ್ಲಿ, ಎಡ್ ಆ್ಯಮಿಯನ್ನು ನೋಡುತ್ತಿರುವಾಗ ಆಕೆಯ ಕಣ್ಣುಗಳು ಕ್ಯಾಮರಾದತ್ತ ನೋಡುವಂತೆ ಕಂಡುಬಂದಿದೆ. ಮದುವೆಯ ಫೋಟೋಗಳನ್ನು ಶೇರ್ ಮಾಡಿದ ಆ್ಯಮಿ ಜಾಕ್ಸನ್ “ಪ್ರಯಾಣ ಇದೀಗ ಪ್ರಾರಂಭವಾಗಿದೆ” ಎಂಬ ಕ್ಯಾಪ್ಶನ್ ಬರೆದು ವೆಡ್ಡಿಂಗ್ ರಿಂಗ್ ಎಮೋಜಿಯನ್ನು ಸೇರಿಸಿದ್ದರು.
ಈ ಜೋಡಿ ಸ್ಟಾರ್ ಸೆಲೆಬ್ರಿಟಿಗಳ ಡ್ರೀಮ್ ವೆಡ್ಡಿಂಗ್ ಸ್ಪಾಟ್ ಇಟಲಿಯಲ್ಲಿಯೇ ಮದುವೆಯಾಗಿದ್ದಾರೆ. ಮದುವೆಯಾಗಿ ಅಲ್ಲಿಗೆ ಹೋಗುವ ಮೊದಲು, ಆ್ಯಮಿ ಎಡ್ ಅವರೊಂದಿಗೆ ವಿಮಾನದಲ್ಲಿದ್ದ ಫೋಟೋಗಳನ್ನು ಹಂಚಿಕೊಂಡರು. ನಾವು ಮದುವೆಯಾಗೋಣ ಬೇಬಿ ಎಂದು ಎಂದು ಶೀರ್ಷಿಕೆ ನೀಡಿದರು.
ಮದುವೆಗೆ ಮುಂಚಿತವಾಗಿ, ದಂಪತಿಗಳು ಐಷಾರಾಮಿ ವಿಹಾರ ನೌಕೆಯಲ್ಲಿ ವಿವಾಹಪೂರ್ವ ಪಾರ್ಟಿಯನ್ನು ಆಯೋಜಿಸಿದ್ದರು. ಈ ಲಕ್ಷುರಿ ಪಾರ್ಟಿಯ ಫೋಟೋಗಳನ್ನು, ವಿಡಿಯೋಗಳನ ಗ್ಲಿಂಪ್‌ಗಳನ್ನು ಉದ್ಯಮಿ ರೋಹಿಣಿ ಅಯ್ಯರ್ ಅವರು Instagram ಶೇರ್ ಮಾಡಿದ್ದರು. ನಟಿ ಆ್ಯಮಿ ಜಾಕ್ಸನ್ ಸುಂದರವಾದ ಬಿಳಿ ನಿಲುವಂಗಿಯನ್ನು ಧರಿಸಿ ವಿಹಾರ ನೌಕೆಯ ಕಡೆಗೆ ನಡೆಯುತ್ತಿರುವುದು ಕಂಡುಬಂದಿದೆ.
ಆ್ಯಮಿ ಅವರ ಮಗ ಆಂಡ್ರಿಯಾಸ್ ಅವರು ಮಾಜಿ ಗೆಳೆಯ ಜಾರ್ಜ್ ಪನಾಯೊಟೌ ಅವರ ಪುತ್ರ. ಎಡ್ ಈ ವರ್ಷದ ಜನವರಿಯಲ್ಲಿ ಸ್ವಿಟ್ಜರ್ಲೆಂಡ್‌ನ ಜಿಸ್ಟಾಡ್‌ನಲ್ಲಿ ಆ್ಯಮಿ ಜಾಕ್ಸನ್‌ಗೆ ಪ್ರಪೋಸ್ ಮಾಡಿದ್ದು ಫೋಟೋಗಳು ವೈರಲ್ ಆಗಿದ್ದವು. ಶೀರ್ಷಿಕೆಯಲ್ಲಿ ರಿಂಗ್ ಎಮೋಜಿಯೊಂದಿಗೆ ಚಿತ್ರಗಳನ್ನು ಹಂಚಿಕೊಂಡ ಆ್ಯಮಿ ಜಾಕ್ಸನ್, “ಹೆಲ್ ಯಸ್” ಎಂದು ಬರೆದಿದ್ದರು.
