ಕೆಲವರಿಗೆ ಊಟವಾದ ತಕ್ಷಣವೇ ಏನಾದರೂ ತಿನ್ನಬೇಕು ಎನ್ನುವಷ್ಟು ಹಸಿವಾಗುತ್ತಾ ಇರುತ್ತದೆ. ಅವರು ಮತ್ತೆ ಏನಾದರೂ ತಿನ್ನುವರು. ಇದರಿಂದಾಗಿ ದೇಹದ ತೂಕ ಅತಿಯಾಗಿ ಏರಿಕೆ ಆಗುವುದು ಮತ್ತು ಇನ್ನಿಲ್ಲದೆ ಸಮಸ್ಯೆಗಳು ಬರುವುದು. ಇದು ಕೂಡ ಮಧುಮೇಹದ ಲಕ್ಷಣವಾಗಿರಬಹುದು ಮತ್ತು ಈ ಪರಿಸ್ಥಿತಿಯನ್ನು ವೈದ್ಯಕೀಯ ಭಾಷೆಯಲ್ಲಿ ಹೈಪರ್ಫೇಜಿಯಾ ಎಂದು ಕರೆಯುವರು.
ಹೈಪರ್ಫೇಜಿಯಾ ಎನ್ನುವುದು ತುಂಬಾ ಪ್ರಬಲ ಹಾಗೂ ನಿರಂತರ ಹಸಿವಾಗುವಂತಹ ಪ್ರಕ್ರಿಯೆಯಾಗಿದ್ದು, ಇದನ್ನು ಆಹಾರ ಸೇವನೆಯಿಂದ ತಣಿಸಲು ಸಾಧ್ಯವಾಗದು. ಮಧುಮೇಹದಿಂದ ಉಂಟಾಗುವಂತಹ ಹೈಪರ್ಫೇಜಿಯಾ ಇನ್ಸುಲಿನ್ ಉತ್ಪತ್ತಿ ಮತ್ತು ಕಾರ್ಯದ ಸಮಸ್ಯೆಯಿಂದಾಗಿ ಬರುವುದು.
ಇದು ಟೈಪ್ 1 ಹಾಗೂ ಟೈಪ್2 ಮಧುಮೇಹದಿಂದ ಬರುವುದು. ಸಕ್ಕರೆಯುಕ್ತ ಮತ್ತು ಅಧಿಕ ಕಾರ್ಬೋಹೈಡ್ರೇಟ್ಸ್ ಇರುವ ಆಹಾರದ ಬಯಕೆ ಆಗುವುದು ಇದರಲ್ಲಿ ಸಾಮಾನ್ಯ. ಇದರಿಂದಾಗಿ ಅತಿಯಾಗಿ ತಿನ್ನುವ ಸಮಸ್ಯೆ ಕಾಡುತ್ತದೆ.
ಹೈಪರ್ಗ್ಲೈಸೀಮಿಯಾ ಮತ್ತು ಹೈಪರ್ಫೇಜಿಯಾ ನಡುವೆ ನೇರ ಸಂಬಂಧವಿದೆ. ರಕ್ತದಲ್ಲಿನ ಗ್ಲುಕೋಸ್ ನ್ನು ಅಂಗಾಂಶಗಳಿಗೆ ಸಾಗಿಸಿ, ಶಕ್ತಿಯಾಗಿ ಪರಿವರ್ತಿಸುವಂತಹ ಕೆಲಸವನ್ನು ಹಾರ್ಮೋನ್ ಆಗಿರುವಂತಹ ಇನ್ಸುಲಿನ್ ಮಾಡುತ್ತದೆ. ಮಧುಮೇಹದಿಂದಾಗಿ ದೇಹವು ಇನ್ಸುಲಿನ್ ನ್ನು ಉತ್ಪತ್ತಿ ಮಾಡುವುದಿಲ್ಲ ಅಥವಾ ಇದನ್ನು ಬಳಸಲು ಅಸಮರ್ಥವಾಗುವುದು. ಇದರ ಪರಿಣಾಮವಾಗಿ ಗ್ಲುಕೋಸ್ ಅಂಗಾಂಶಗಳಿಗೆ ಸಾಗದೆ ಇರುವುದು. ಇದರಿಂದ ದೇಹದಲ್ಲಿ ಯಾವುದೇ ಶಕ್ತಿಯು ಉತ್ಪತ್ತಿಯಾಗದೆ ವ್ಯಕ್ತಿಯು ಊಟ ಮಾಡಿದ ಬಳಿಕವೂ ಹಸಿವಿನ ಭಾವನೆಯಲ್ಲೇ ಇರುತ್ತಾನೆ.
ಊಟದ ಬಳಿಕವೂ ಹಸಿವಾದರೆ, ಆಗ ಆ ವ್ಯಕ್ತಿಯು ಅತಿಯಾಗಿ ತಿನ್ನುವ ಪರಿಣಾಮ ರಕ್ತದಲ್ಲಿನ ಸಕ್ಕರೆ ಮಟ್ಟ ಏರಿಕೆ ಆಗುವುದು ಮತ್ತು ಇದರಿಂದ ಇನ್ಸುಲಿನ್ ಸಮಸ್ಯೆಯು ಉಂಟಾಗುವುದು. ರಕ್ತದಲ್ಲಿನ ಸಕ್ಕರೆ ಮಟ್ಟವು ಅಧಿಕವಾಗಿದ್ದರೆ, ಆಗ ಇದರಿಂದ ಹೆಚ್ಚು ತಿನ್ನಬೇಕು ಎನ್ನುವ ಬಯಕೆ ಬರುವುದು ಮತ್ತು ಹಸಿವು ಕೂಡ ಹೆಚ್ಚಾಗುವುದು. ಸಕ್ಕರೆ ತಿನ್ನುವ ಬಯಕೆಯು ಅಧಿಕವಾಗುವುದು .
ರಕ್ತದಲ್ಲಿನ ಸಕ್ಕರೆ ಮಟ್ಟವು 140 ಎಂಜಿ/ಡಿಎಲ್ ಇದ್ದರೆ ಆಗ ಅದನ್ನು ಸಾಮಾನ್ಯ ಎಂದು ಕರೆಯಲಾಗುತ್ತದೆ. ಆದರೆ ಅತಿಯಾಗಿ ಹಸಿವು ಆದರೆ, ಆಗ ಇದನ್ನು ಮಧುಮೇಹದ ಲಕ್ಷಣಗಳು ಎಂದು ಕರೆಯಲಾಗುತ್ತದೆ. ಈ ವೇಳೆ ರಕ್ತದಲ್ಲಿನ ಸಕ್ಕರೆ 250 ಎಂಜಿ/ಡಿಎಲ್ ಇರುವುದು. ಇದು ತುಂಬಾ ಅಪಾಯಕಾರಿ ಎಂದು ವೈದ್ಯರು ಹೇಳುತ್ತಾರೆ.
ಒಮ್ಮೆ ಸಕ್ಕರೆ ಮಟ್ಟವು 250 ಎಂಜಿ/ಡಿಎಲ್ ಗಿಂತ ಹೆಚ್ಚಾದರೆ ಆಗ ರಕ್ತದಲ್ಲಿನ ಅಧಿಕ ಸಕ್ಕರೆ ಮಟ್ಟದ ಲಕ್ಷಣಗಳು ಏರಿಕೆ ಆಗುವುದು. ದೀರ್ಘಕಾಲ ತನಕ ಇದು ಹಾಗೆ ಉಳಿದರೆ, ಆಗ ಇದರಿಂದ ಆಹಾರದ ಬಯಕೆಯು ತುಂಬಾ ಪ್ರಬಲವಾಗುವುದು.
ನಿಯಮಿತವಾಗಿ ಆಹಾರ ಸೇವನೆ ಮಾಡಿದರೆ, ಅತಿಯಾಗಿ ಹಸಿವಾಗುವುದು.
ಅತಿಯಾದ ಬಾಯಾರಿಕೆ
ತೀವ್ರವಾದ ಆಹಾರದ ಬಯಕೆ
ನಿರಂತರ ಮೂತ್ರ ವಿಸರ್ಜನೆ
ಅತಿಯಾಗಿ ಆಹಾರ ಸೇವನೆ
ತೂಕ ಹೆಚ್ಚಳ
ನಿಶ್ಯಕ್ತಿ
ಅತಿಸಾರ, ವಾಕರಿಕೆ ಮತ್ತು ಎದೆಯುರಿಯಂತಹ ಅಜೀರ್ಣದ ಸಮಸ್ಯೆಗಳು
