ವಯಸ್ಸಾದಂತೆ ದೇಹದಲ್ಲಿ ಹಲವು ಬದಲಾವಣೆಗಳು ಸಂಭವಿಸುತ್ತವೆ. ನಮ್ಮ ವಯಸ್ಸು ಹೆಚ್ಚುತ್ತಿದ್ದಂತೆ ನಮ್ಮ ಚರ್ಮವು ಅದನ್ನು ಬಹಿರಂಗಪಡಿಸುತ್ತದೆ. ವಯಸ್ಸಾದಂತೆ ಚರ್ಮವು ಸುಕ್ಕುಗಟ್ಟಲು ಪ್ರಾರಂಭಿಸುತ್ತದೆ. ಮುಖದ ಮೇಲೆ ಕಲೆಗಳು, ಗೆರೆಗಳು ಮತ್ತು ಸುಕ್ಕುಗಳು ಕಾಣಿಸಿಕೊಳ್ಳುತ್ತವೆ.
ಆದರೆ ನೀವು ಕೆಲವು ಸಲಹೆಗಳನ್ನು ಅನುಸರಿಸಿದರೆ, ನೀವು ಎಷ್ಟೇ ವಯಸ್ಸಾದರೂ ಚಿಕ್ಕವರಾಗಿ ಕಾಣಿಸಬಹುದು.
ಸಾಮಾನ್ಯವಾಗಿ ಹೆಣ್ಣು ಮಕ್ಕಳು ನಾನು ತುಂಬಾ ಸುಂದರವಾದ ಕಾಣಬೇಕು ಎಂಬ ಆಸೆಯಲ್ಲಿ ಇರ್ತಾರೆ. ಚರ್ಮವು ಕಾಂತಿಯುತವಾಗಿದ್ದರೆ, ಆಗ ಸೌಂದರ್ಯವು ಎದ್ದು ಕಾಣುವುದು. ಆದರೆ ಕೆಲವರಿಗೆ ಅಕಾಲಿಕವಾಗಿ ನೆರಿಗೆ, ಚರ್ಮ ಜೋತು ಬೀಳುವುದು, ಚರ್ಮದಲ್ಲಿ ಗೆರೆಗಳು ಕಾಣಿಸಿಕೊಳ್ಳುವುದು ಇತ್ಯಾದಿ ಸಮಸ್ಯೆಗಳು ಬರಬಹುದು.
ಇದರಿಂದ ಮುಖದ ಸೌಂದರ್ಯವು ಕೆಡುವುದು ಮಾತ್ರವಲ್ಲದೆ, ಸಂಪೂರ್ಣ ದೇಹದ ಸೌಂದರ್ಯಕ್ಕೆ ಇದು ಹಾನಿ ಉಂಟು ಮಾಡುವುದು.
ಒತ್ತಡದ ಜೀವನಶೈಲಿ, ಒತ್ತಡ, ನಿದ್ರೆಯಿಲ್ಲದೆ ಇರುವುದು ಮತ್ತು ಆಹಾರ ಕ್ರಮವು ಸರಿಯಾಗಿ ಇಲ್ಲದೆ ಇರುವ ಕಾರಣ ಚರ್ಮಕ್ಕೆ ಹಾನಿ ಆಗುವುದು ಮತ್ತು ನೆರಿಗೆಗಳು ಕಾಣಿಸಿಕೊಳ್ಳುವುದು. ಚರ್ಮವು ಯೌವನಯುತವಾಗಿ ಕಾಣಿಸಿಕೊಳ್ಳಲು ಕೆಲವು ಮನೆಯಲ್ಲೇ ತಯಾರಿಸಿದ ಫೇಶಿಯಲ್ ಗಳನ್ನು ಬಳಸಿಕೊಂಡರೆ ಅದು ತುಂಬಾ ಪರಿಣಾಮಕಾರಿ ಆಗಿರುವುದು. ಅದು ಹೇಗೆ ಗೊತ್ತೇ? ಇಲ್ಲಿ ತಿಳಿಯಿರಿ.
ಯಾವಾಗಲೂ ನಿಮ್ಮ ತ್ವಚೆಯನ್ನು ತೇವವಾಗಿರಿಸಿಕೊಳ್ಳಿ: ನಮ್ಮ ತ್ವಚೆಯನ್ನು ತೇವವಾಗಿರಿಸಿಕೊಳ್ಳುವುದು ಅಂದರೆ ತೇವಾಂಶದಿಂದ ಇರಿಸಿಕೊಳ್ಳುವುದು ಬಹಳ ಮುಖ್ಯ. ಮುಖದಲ್ಲಿ ತೇವಾಂಶವಿಲ್ಲದಿದ್ದರೆ, ಚರ್ಮವು ಶುಷ್ಕ, ಬಿಗಿ ಮತ್ತು ಫ್ಲಾಕಿ ಆಗಬಹುದು. ಇದರಿಂದ ಚರ್ಮವು ಮಂದ ಮತ್ತು ಅನಾರೋಗ್ಯಕರವಾಗಿ ಕಾಣುತ್ತದೆ. ಆದರೆ ತ್ವಚೆ ತೇವಾಂಶದಿಂದ ಕೂಡಿದ್ದರೆ ಚರ್ಮವು ಆರೋಗ್ಯಕರ ಮತ್ತು ಮೃದುವಾಗಿರುತ್ತದೆ. ಹಾಗಾಗಿ ಯಾವಾಗಲೂ ತ್ವಚೆಗೆ ಅಲೋವೆರಾ ಜೆಲ್ ಅಥವಾ ತೆಂಗಿನ ಎಣ್ಣೆಯಂತಹ ನೈಸರ್ಗಿಕ ಮಾಯಿಶ್ಚರೈಸರ್ ಬಳಸಿ. ಅಲ್ಲದೇ, ಗ್ಲಿಸರಿನ್-ಭರಿತ ಮಾಯಿಶ್ಚರೈಸರ್ಗಳು ಅಥವಾ ನೈಸರ್ಗಿಕ ಪದಾರ್ಥಗಳಂತಹ ಉತ್ಪನ್ನಗಳನ್ನು ಆಯ್ಕೆ ಮಾಡಿ ಉಪಯೋಗಿಸಿ.
ಸನ್ಸ್ಕ್ರೀನ್ ಬಳಸಿ: ನಿಮ್ಮ ಚರ್ಮವನ್ನು ನೇರಳಾತೀತ ಕಿರಣಗಳಿಂದ ರಕ್ಷಿಸಲು, ಹೊರಗೆ ಹೋಗುವ ಮುನ್ನ ಪ್ರತಿದಿನ ಸನ್ಸ್ಕ್ರೀನ್ ಹಚ್ಚುವುದು ಅವಶ್ಯಕ. ಸನ್ಸ್ಕ್ರೀನ್ ನಿಮ್ಮ ತ್ವಚೆಯನ್ನು ತೇವಗೊಳಿಸುವಂತೆ ಮಾಡುತ್ತದೆ, ಜೊತೆಗೆ ಯಂಗ್ ಲುಕ್ ನೀಡುತ್ತದೆ ಮತ್ತು ತ್ವಚೆಯ ವಯಸ್ಸಾಗುವಿಕೆಯನ್ನು ತಡೆಗಟ್ಟುತ್ತದೆ. ಆದ್ದರಿಂದ ನಿಮ್ಮ ಚರ್ಮವನ್ನು ಸೂರ್ಯನಿಂದ ರಕ್ಷಿಸಲು ನೀವು ಕನಿಷ್ಟ SPF 40 ಅನ್ನು ಹೊಂದಿರುವ ಅಲ್ಟ್ರಾ-ಸ್ಪೆಕ್ಟ್ರಮ್ ಸನ್ಸ್ಕ್ರೀನ್ ಅನ್ನು ಬಳಸಬೇಕು. SPF 40+ ನೊಂದಿಗೆ ಅಲ್ಟ್ರಾ-ಸ್ಪೆಕ್ಟ್ರಮ್ ಸನ್ಸ್ಕ್ರೀನ್ನ ದೈನಂದಿನ ಬಳಕೆಯು ಚರ್ಮ ವಯಸ್ಸಾಗುವಿಕೆಯನ್ನು ವಿಳಂಬಗೊಳಿಸುತ್ತದೆ ಮತ್ತು ಸೂರ್ಯನ ಹಾನಿಯಿಂದ ರಕ್ಷಿಸುತ್ತದೆ. ನೀವು ಬಿಸಿಲಿನಲ್ಲಿ ಹೆಚ್ಚು ಸಮಯ ಕಳೆಯುವವರಾದರೆ ಎರಡು ಗಂಟೆಗೊಮ್ಮೆ ಸನ್ ಸ್ಕ್ರೀನ್ ಹಚ್ಚಬೇಕು ಎಂದು ತಜ್ಞರು ಹೇಳುತ್ತಾರೆ.
ಮುಖಕ್ಕೆ ಮಸಾಜ್ ಮಾಡಿ: ಮುಖಕ್ಕೆ ಮಸಾಜ್ ಮಾಡುವುದರಿಂದ ನಮಗೆ ಚೈತನ್ಯ ಸಿಗುತ್ತದೆ ಮತ್ತು ಮುಖದಲ್ಲಿ ರಕ್ತ ಸಂಚಾರ ಹೆಚ್ಚುತ್ತದೆ. ನೀವು ಮುಖದ ಪ್ರತಿಯೊಂದು ಭಾಗವನ್ನು ಮಸಾಜ್ ಮಾಡಿದಾಗ ನೀವು ಬಹಳಷ್ಟು ಪ್ರಯೋಜನಗಳನ್ನು ಪಡೆಯಬಹುದು.
ಫೇಸ್ ಮಸಾಜ್ ಚರ್ಮದ ಕೋಶಗಳನ್ನು ಪುನರ್ಯೌವನಗೊಳಿಸಲು ಮತ್ತು ಚರ್ಮದಿಂದ ವಿಷವನ್ನು ಹೊರಹಾಕಲು ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ಇದಲ್ಲದೇ, ಇದು ಚರ್ಮದ ಸುಕ್ಕುಗಳು, ತ್ವಚೆ ವಯಸ್ಸಾಗುವಿಕೆ ಮತ್ತು ತ್ವಚೆಯ ಮೇಲಿನ ಗೆರೆಗಳಂತಹ ಸಮಸ್ಯೆಗಳನ್ನು ಸಹ ನಿವಾರಿಸುತ್ತದೆ..
ಸಾಕಷ್ಟು ನೀರು ಕುಡಿಯಿರಿ ಮತ್ತು ಹೆಚ್ಚು ನಿದ್ರೆ ಮಾಡಿ: ಇಡೀ ದೇಹಕ್ಕೆ ನೀರು ಅತ್ಯಗತ್ಯ. ದಿನವಿಡೀ ನಿಮ್ಮ ಚರ್ಮವನ್ನು ತೇವಾಂಶದಿಂದ ಇರುಸಲು ನೀರು ಬಹಳ ಮುಖ್ಯವಾಗಿದೆ. ಹೆಚ್ಚು ನೀರು ಕುಡಿಯುವವರು ಸಾಮಾನ್ಯವಾಗಿ ನೈಸರ್ಗಿಕ ಮತ್ತು ಹೈಡ್ರೀಕರಿಸಿದ ಚರ್ಮವನ್ನು ಹೊಂದಿರುತ್ತಾರೆ. ಇದು ಅವರ ತ್ವಚೆಯನ್ನು ದೃಢವಾಗಿಡಲು ಮತ್ತು ಸಾರ್ವಕಾಲಿಕ ಆರ್ಧ್ರಕವಾಗಿರಲು ಸಹಾಯ ಮಾಡುತ್ತದೆ. ಆದ್ದರಿಂದ ದಿನಕ್ಕೆ ಕನಿಷ್ಠ 2 ಲೀಟರ್ ನೀರು ಕುಡಿಯಿರಿ.
ದೇಹದಿಂದ ಸತ್ತ ಜೀವಕೋಶಗಳನ್ನು ತೆಗೆದುಹಾಕಲು ನಿದ್ರೆಯ ಅಗತ್ಯವಿದೆ. ಆದ್ದರಿಂದ ಪ್ರತಿಯೊಬ್ಬ ವ್ಯಕ್ತಿಯು ದಿನಕ್ಕೆ ಕನಿಷ್ಠ 7 ರಿಂದ 8 ಗಂಟೆಗಳ ಕಾಲ ನಿದ್ರಿಸಬೇಕು. ನೀವು ನಿದ್ರೆ ಮಾಡಿದರೆ ಮಾತ್ರ ನಿಮ್ಮ ದೇಹವು ಆರೋಗ್ಯಕರವಾಗಿರುತ್ತದೆ ಮತ್ತು ನಿಮ್ಮ ಚರ್ಮವು ಹೊಳೆಯುತ್ತದೆ.
ನೈಸರ್ಗಿಕ ಮನೆಮದ್ದುಗಳನ್ನು ಬಳಸಿ: ಮನೆಯಲ್ಲಿರುವ ಪದಾರ್ಥಗಳನ್ನೇ ಬಳಸಿಕೊಂಡು ತಯಾರಿಸಿದ ಒಂದಷ್ಟು ನೈಸರ್ಗಿಕ ಮನೆಮದ್ದುಗಳು ನಿಮಗೆ ಯೌವನದ ನೋಟವನ್ನು ನೀಡುತ್ತದೆ. ಜೇನುತುಪ್ಪ ಮತ್ತು ಬೆಣ್ಣೆ ಅಥವಾ ಅರಿಶಿನ ಮತ್ತು ತೆಂಗಿನ ಎಣ್ಣೆಯಿಂದ ಮುಖವನ್ನು ಮಸಾಜ್ ಮಾಡಿದರೆ ಸುಕ್ಕುಗಳ ನಿವಾರಣೆ ಮತ್ತು ಕಾಲಜನ್ ಉತ್ಪಾದನೆಯನ್ನು ಉತ್ತೇಜಿಸಲು ಸಹಾಯ ಮಾಡುತ್ತದೆ.
