ಕಿಚ್ಚ ಸುದೀಪ್ ಗೆ ಕನ್ನಡ ಮಾತ್ರವಲ್ಲದೆ ಪರಭಾಷೆಯಲ್ಲೂ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಅದರಲ್ಲೂ ಸುದೀಪ್ ನಿರೂಪಣೆ ನೋಡಲೆಂದೆ ಟಿವಿ ಮುಂದೆ ಲಕ್ಷಾಂತರ ಮಂದಿ ಹಾಜರಾಗುತ್ತಾರೆ.
‘ಕಿಚ್ಚ‘ ಸುದೀಪ್ ಅವರು ತೆಲುಗು ‘ಬಿಗ್ ಬಾಸ್’ ರಿಯಾಲಿಟಿ ಶೋಗೆ ಅತಿಥಿಯಾಗಿ ಈ ಮುಂಚೆ ಎಂಟ್ರಿ ಕೊಟ್ಟಿದ್ದರು. ನಿರೂಪಕ ನಾಗಾರ್ಜುನ ಜೊತೆಗೆ ಮಾತನಾಡಲು ತೆಲುಗು ಬಿಗ್ ಬಾಸ್ ಸ್ಪರ್ಧಿಗಳು ಕಾದಿದ್ದರು. ಆದರೆ ನಾಗಾರ್ಜುನ್ ಬದಲು ಸುದೀಪ್ ಎಂಟ್ರಿ ನೀಡಿದ್ದರು. ಸುದೀಪ್ ಜೊತೆ ಸ್ಪರ್ಧಿಗಳು ಕನ್ನಡದಲ್ಲಿ ಕೂಡ ಮಾತನಾಡಿದ್ದರು. ಇದೀಗ ತೆಲುಗು ಬಿಗ್ ಬಾಸ್ ಸ್ಪರ್ಧಿಗಳು ಕಿಚ್ಚ ಸುದೀಪ್ ಜೊತೆ ಮಾತನಾಡಿದ್ದಾರೆ.
ಇದೀಗ ತೆಲುಗು ಪ್ರೇಕ್ಷಕರು ಕಿಚ್ಚನ ಬಗ್ಗೆ ಒಂದು ಪ್ರಶ್ನೆ ಇಟ್ಟಿದ್ದಾರಂತೆ. ಸ್ಟೇಜ್ ಮೇಲೆ ನಿಂತು ಸುದೀಪ್ ಕುಡಿಯೋದೇನು? ಅಂತ ತೆಲುಗು ಅಭಿಮಾನಿಗಳು ಕೇಳಿದ್ದಾರೆ.
ಈ ಬಗ್ಗೆ ಸ್ವತಃ ಕಿಚ್ಚ ಸುದೀಪ್ ಅವರೇ ವೇದಿಕೆ ಮೇಲೆ ಮಾತನಾಡಿದ್ದಾರೆ. ಹೌದು ನಾನು ಸ್ವಲ್ಪ ರಮ್‌, ವಿಸ್ಕಿ ಹಾಕಿ ಕುಡಿಯುತ್ತೀನಿ ಅಂತ ತಮಾಷೆಯಾಗಿ ಪ್ರತಿಕ್ರಿಯಿಸಿದ್ದಾರೆ. ಇದಕ್ಕೆ ಸ್ಪಷ್ಟನೆ ಕೊಟ್ಟ ಕಿಚ್ಚ ತಪಾಷೆಯಾಗಿ ಉಗ್ರಂ ಮಂಜು ಸಹಾಯದಿಂದ ತೆಲುಗಿನಲ್ಲಿ ಅಲ್ಪ ಸ್ವಲ್ಪ ಮಾತನಾಡಿ ನಾನು ಕುಡಿಯುತ್ತಿರುವುದು ಕಾಫಿ ಎಂದು ಅರ್ಥ ಮಾಡಿಸಿದ್ದಾರೆ.
ಕಾಫಿ ಕುಡಿಯುತ್ತಲೇ ವಿವರಣೆ ನೀಡಿದ ಕಿಚ್ಚ ಕೊಂಚ ರಮ್‌ ಉಂದಿ,ಕೊಂಚ ಟಕೀಲಾ ಉಂದಿ, ಅನ್ನಿ ಥಿಂಕ್‌ ಚೆಯೊದ್ದು ಓ ಕಾಫಿ ಉಂದಿ ಕಾನಿ ಈ ಕಂಟೆಸ್ಟೆಂಟ್‌ ಕೊ ನಾಕು ಸಾರಾಯಿ ಕಾವಾಲಿ, ಇಕ್ಕಡ ಲೇದು(ಇದರಲ್ಲಿ ಸ್ವಲ್ಪ ರಮ್ಮು, ಸ್ವಲ್ಪ ವಿಸ್ಕಿ, ಸ್ವಲ್ಪ ಟಕೀಲಾ ಇದೆ ಎಂದು ಯೋಚಿಸಬೇಡಿ ಕಾಫಿ ಇದೆ ಅಷ್ಟೇ, ಮತ್ತೆ ಈ ಕಂಟೆಸ್ಟೆಂಟ್‌ ಗಳಿಗೂ ನನಗೂ ಸಾರಾಯಿ ಬೇಕು. ಇಲ್ಲಿ ಇಲ್ಲ ) ಎಂದು ತಮಾಷೆಯಾಗಿ ಹೇಳಿದ್ದಾರೆ.
ಕಿಚ್ಚನಿಗೆ ಬ್ಲಾಕ್‌ ಕಾಫಿ ಎಂದರೆ ಬಲು ಇಷ್ಟ. ಬಿಗ್‌ಬಾಸ್‌ ವೇದಿಕೆಯಲ್ಲಿ ಕಿಚ್ಚ ನಿರೂಪಣೆ ಮಾಡುವಾಗ ಪ್ರತೀ ದಿನ ಬ್ಲಾಕ್‌ ಕಾಫಿ ಕುಡಿಯುತ್ತಿರುತ್ತಾರೆ.
