ಪುನೀತ್ ರಾಜ್ ಕುಮಾರ್ ನಟನೆಯ ಪವರ್ ಸಿನಿಮಾದ ಮೂಲಕ ಕನ್ನಡಿಗರಿಗೂ ಚಿರಪರಿಚಿತರಾದ ನಟಿ ತ್ರಿಷಾ ಸದ್ಯ ಸಾಕಷ್ಟು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ತಮಿಳು, ತೆಲುಗು, ಮಲಯಾಳಂ, ಕನ್ನಡ ಹೀಗೆ ಸಾಕಷ್ಟು ಭಾಷೆಗಳಲ್ಲಿ ನಟಿಸಿರುವ ತ್ರಿಷಾ ಸದ್ಯ ಬ್ಯಾಕ್ ಟು ಬ್ಯಾಕ್ ಸೂಪರ್ ಹಿಟ್ ಸಿನಿಮಾಗಳನ್ನು ನೀಡ್ತಿದ್ದಾರೆ. ಈ ಮಧ್ಯೆ ತ್ರಿಷಾ ಹೆಸರು ಸಿನಿಮಾದ ಹೊರತಾಗಿ ಕೇಳಿ ಬಂದಿದೆ.
ಇತ್ತೀಚೆಗೆ ನಟಿ ತ್ರಿಷಾ ಚಿರಂಜೀವಿ ನಟನೆಯ ವಿಶ್ವಂಭರ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದು ಈ ಸಿನಿಮಾ ಮೇ 9 ರಂದು ಬಿಡುಗಡೆಯಾಗಲಿದೆ. ತಮಿಳಿನಲ್ಲಿ ಎರಡು ಮತ್ತು ಮಲಯಾಳಂನಲ್ಲಿ ಒಂದು ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ.
ತಮಿಳಿನಲ್ಲಿ ಸ್ಟಾರ್ ಹೀರೋ ಆಗಿರುವ ವಿಜಯ್ ದಳಪತಿ ಮೇಲಿನ ಅಭಿಮಾನದಿಂದ ಸಿನಿಮಾವೊಂದರಲ್ಲಿ ಐಟಂ ಸಾಂಗ್ ಮಾಡಿದ್ದಾರೆ. ಏಕೆಂದರೇ ವಾಸ್ತವವಾಗಿ ತ್ರಿಶಾ ಸ್ಪೇಷಲ್‌ ಸಾಂಗ್‌ಗಳಲ್ಲಿ ನಟಿಸಲು ಆಸಕ್ತಿ ಹೊಂದಿಲ್ಲ. ಸಿನಿಮಾ ಸರಿಯಾಗಿ ಓಡದಿದ್ದರೂ ಈ ಹಾಡು ಸಿನಿಮಾದ ಹೈಲೈಟ್ ಆಯಿತು. ನಲವತ್ತೊಂದನೇ ವಯಸ್ಸಿನಲ್ಲಿ ಹೊಸ ನಾಯಕಿಯರೊಂದಿಗೆ ಪೈಪೋಟಿ ನಡೆಸುತ್ತಿರುವ ತ್ರಿಷಾ ಈ ಹಿಂದೆ ಉದ್ಯಮಿಯನ್ನು ಮದುವೆಯಾಗಲು ಬಯಸಿದ್ದರು, ಆದರೆ ನಿಶ್ಚಿತಾರ್ಥದ ನಂತರ ಅನಿರೀಕ್ಷಿತ ಕಾರಣಗಳಿಂದ ಸಂಬಂಧವನ್ನೇ ಮುರಿದುಕೊಂಡರು.. ಆ ನಂತರ ನಟಿ ಯಾರನ್ನೂ ಮದುವೆಯಾಗಲಿಲ್ಲ. ತನ್ನ ಮೊದಲ ಮನೆಯನ್ನು ತೆಲುಗು ನಟ ಭಾನುಚಂದರ್‌ಗೆ ಮಾರಿ ಹೊಸ ಮನೆಗೆ ಶಿಫ್ಟ್ ಆದರು..
ವಿಜಯ್ ಮತ್ತು ತ್ರಿಷಾ ನಡುವೆ ಸಂಬಂಧವಿದೆ ಎಂಬ ಸುದ್ದಿ ಇದೆ. ಇತ್ತೀಚೆಗಷ್ಟೇ ತಮಿಳು ಮಾಧ್ಯಮಗಳಲ್ಲಿ ರಾಜಕೀಯ ನಾಯಕರೊಬ್ಬರು ತ್ರಿಷಾಗೆ ದುಬಾರಿ ಫ್ಲಾಟ್ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎಂದು ವರದಿಯಾಗಿದೆ. ಆತ ಯಾರು ಎಂಬ ಬಗ್ಗೆ ಯಾರಿಗೂ ಸ್ಪಷ್ಟತೆ ಇಲ್ಲ. ನಾಯಕ ವಿಜಯ್ ಇತ್ತೀಚೆಗೆ ರಾಜಕೀಯ ಪಕ್ಷ ಸ್ಥಾಪಿಸಿ ಬಹಿರಂಗ ಸಭೆ ನಡೆಸಿದ್ದರು. ಈಗ ಅವರ ಪಕ್ಷವು ಎಐಎಡಿಎಂಕೆಯನ್ನು ತನ್ನ ಗುರಿಯಾಗಿ ಆರಿಸಿಕೊಂಡಿದೆ. ಆ ಟಾಪ್ ರಾಜಕಾರಣಿ ವಿಜಯ್ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ. ತ್ರಿಷಾಗೆ ವಿಜಯ್ ದುಬಾರಿ ಫ್ಲಾಟ್ ಬರೆದುಕೊಟ್ಟಿರಬಹುದು ಎಂದು ನೆಟ್ಟಿಗರು ಊಹೆ ಮಾಡುತ್ತಿದ್ದಾರೆ. ಆದ್ರೆ ಈ ಬಗ್ಗೆ ಯಾವುದೇ ಸ್ಪಷ್ಟನೆ ಇಲ್ಲ. ಸದ್ಯ ಈ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
