ಮುಂಬೈ:- ಥಾಣೆಯ ಬದ್ಲಾಪುರದ ಹೆಸರಾಂತ ಶಾಲೆಯೊಂದರಲ್ಲಿ ಇಬ್ಬರು ಬಾಲಕಿಯರು ಲೈಂಗಿಕ ಶೋಷಣೆಗೆ ಒಳಗಾಗಿದ ಘಟನೆ ಜರುಗಿದೆ.
ಈ ಹುಡುಗಿಯರ ವಯಸ್ಸು ಕೇವಲ ನಾಲ್ಕು ವರ್ಷಗಳು.
ಅವರಿಗೆ ಇನ್ನೂ ಪ್ರಾಪಂಚಿಕತೆ ಅರ್ಥವಾಗದಿದ್ದರೂ ಈ ಕ್ರೂರ ಸಮಾಜದ ಕೊಳಕು ಮುಖವನ್ನು ಕಂಡಿದ್ದಾರೆ. ಅವರು ಮಾನವ ರೂಪದಲ್ಲಿದ್ದ ಕಾಮುಕ ಭಕ್ಷಕರನ್ನು ಎದುರಿಸಿದ್ದಾರೆ.
ಘಟನೆಗೆ ಸಂಬಂಧಿಸಿದಂತೆ ಮಂಗಳವಾರ ಮುಂಬೈನಲ್ಲಿ ಭಾರೀ ಪ್ರತಿಭಟನೆಗಳು ಕಂಡುಬಂದವು. ಇದರಿಂದಾಗಿ ಮುಂಬೈನ ಲೈಫ್ ಲೈನ್ ಲೋಕಲ್ ರೈಲು ಸಂಚಾರ ಗಂಟೆಗಳ ಕಾಲ ಸ್ಥಗಿತಗೊಂಡಿತ್ತು. ಘಟನೆಯ ನಂತರ, ಪೊಲೀಸರು ಮತ್ತು ಶಾಲಾ ಆಡಳಿತ ಮಂಡಳಿಯ ನಿರ್ಲಕ್ಷ್ಯ ಮಿತಿ ಮೀರಿರುವುದು ಬೆಳಕಿಗೆ ಬಂದಿದೆ. ಇದೀಗ ಈ ಬಾಲಕಿಯರ ಸಂಕಷ್ಟ ಬೆಳಕಿಗೆ ಬರುತ್ತಿದೆ. ಈ ಸಂಬಂಧ ದಾಖಲಾದ ಎಫ್ಐಆರ್ ಪ್ರಕಾರ ಬಾಲಕಿಯ ಪೋಷಕರು ತಮ್ಮ ಮಗಳ ಜೊತೆ ನಡೆದ ಘಟನೆಯನ್ನು ಪೊಲೀಸರಿಗೆ ತಿಳಿಸಿದ್ದಾರೆ.
ಎಫ್ಐಆರ್ ಪ್ರಕಾರ, ಈ ಘಟನೆ ಆಗಸ್ಟ್ 13 ರಂದು ಬೆಳಿಗ್ಗೆ 9 ರಿಂದ ಮಧ್ಯಾಹ್ನ 12 ರ ನಡುವೆ ನಡೆದಿದೆ. ಆರಂಭದಲ್ಲಿ ಬಾಲಕಿಯರ ಪೋಷಕರಿಬ್ಬರೂ ಘಟನೆಯಿಂದ ಆತಂಕಗೊಂಡಿದ್ದರು. ನಂತರ ಅವರು ಪೊಲೀಸರಿಗೆ ದೂರು ನೀಡಲು ನಿರ್ಧರಿಸಿದರು.
ನಂತರ ಬಾಲಕಿಯ ಪೋಷಕರು ಮೊದಲು ತಮ್ಮ ಮಗಳ ವೈದ್ಯಕೀಯ ಪರೀಕ್ಷೆಯನ್ನು ಮಾಡಲು ನಿರ್ಧರಿಸಿದರು. ಎಫ್ಐಆರ್ ಪ್ರಕಾರ, ವೈದ್ಯಕೀಯ ವರದಿಯಲ್ಲಿ ಬಾಲಕಿಯ ಮೇಲೆ ಅತ್ಯಾಚಾರ ನಡೆದಿರುವುದು ಬೆಳಕಿಗೆ ಬಂದಿದೆ. ಬಾಲಕಿ ಭಯಗೊಂಡಿದ್ದಾಳೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಆಗ ಅಣ್ಣ ತನ್ನ ಬಟ್ಟೆಗಳನ್ನು ತೆಗೆದಿದ್ದಾರೆ ಎಂದು ಹೇಳಿದಳು. ನಂತರ ಬಾಲಕಿಯ ಖಾಸಗಿ ಅಂಗಗಳನ್ನು ಮುಟ್ಟಿದ್ದಾನೆ. ಮರಾಠಿಯಲ್ಲಿ ಅಣ್ಣನನ್ನು ದಾದಾ ಎಂದು ಸಂಬೋಧಿಸುತ್ತಾರೆ.
ಆಗಸ್ಟ್ 16 ರಂದು ನಡೆದ ಘಟನೆಯ ಬಗ್ಗೆ ಬಾಲಕಿಯ ಪೋಷಕರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಆದರೆ, ಪೊಲೀಸರು ಸುಮಾರು 12 ತಾಸಿನ ಬಳಿಕ ರಾತ್ರಿ 9 ಗಂಟೆ ಸುಮಾರಿಗೆ ಈ ಪ್ರಕರಣದಲ್ಲಿ ಎಫ್ಐಆರ್ ದಾಖಲಿಸಿದ್ದಾರೆ. ಆರೋಪಿ ಶಾಲೆಯಲ್ಲಿ ಅಟೆಂಡರ್ ಆಗಿ ಕೆಲಸ ಮಾಡುತ್ತಿದ್ದ ಎಂದು ಎಫ್‌ಐಆರ್‌ನಲ್ಲಿ ದಾಖಲಾಗಿದೆ. ಬಾಲಕಿಯರನ್ನು ಲೈಂಗಿಕವಾಗಿ ಬಳಸಿಕೊಳ್ಳುತ್ತಿದ್ದ. ಇದರ ನಂತರ, ಆರೋಪಿ ಅಕ್ಷಯ್ ಶಿಂಧೆ ಅವರನ್ನು ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ ಕಾಯ್ದೆ ಮತ್ತು ಇತರ ಸೆಕ್ಷನ್‌ಗಳ ಅಡಿಯಲ್ಲಿ ಬಂಧಿಸಲಾಯಿತು.
