ಸ್ಯಾಂಡಲ್‌ವುಡ್‌ ತನ್ನ ಹಳೆಯ ವೈಭವವನ್ನು ಮರಳಿ ಪಡೆಯುತ್ತಿದೆ. ಜುಲೈ ತಿಂಗಳ ಕೊನೆಯ ಎರಡು ವಾರಗಳಲ್ಲಿ ತೆರೆಕಂಡ ‘ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ’, ‘ಆಚಾರ್ & ಕೋ’, ‘ಕೌಸಲ್ಯಾ ಸುಪ್ರಜಾ ರಾಮ’ ಸಿನಿಮಾಗಳು ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿವೆ. ಐದಾರು ತಿಂಗಳಿನಿಂದ ಡಲ್ ಆಗಿದ್ದ ಚಿತ್ರರಂಗ ಈಗ ಪುನಃ ಚೇತರಿಕೆ ಕಂಡಿದೆ.
ಈಗ ಜುಲೈ ಮುಗಿದು ಆಗಸ್ಟ್ ಆರಂಭವಾಗಿದ್ದು, ಈ ತಿಂಗಳು ಕೂಡ ಒಂದಷ್ಟು ಬಹುನಿರೀಕ್ಷಿತ ಸಿನಿಮಾಗಳು ತೆರೆಗೆ ಬರಲು ಸಜ್ಜಾಗಿವೆ. ‘ಸೂಪರ್ ಸ್ಟಾರ್’ ರಜನಿಕಾಂತ್ ಅವರ ‘ಜೈಲರ್’, ‘ಮೆಗಾ ಸ್ಟಾರ್’ ಚಿರಂಜೀವಿ ಅವರ ‘ಭೋಳಾ ಶಂಕರ್’ ಮುಂತಾದ ಬಿಗ್ ಬಜೆಟ್ ಸಿನಿಮಾಗಗಳು ಆಗಸ್ಟ್‌ನಲ್ಲಿ ತೆರೆಗೆ ಬರಲಿವೆ. ಕನ್ನಡದಲ್ಲೂ ಆಗಸ್ಟ್‌ನಲ್ಲಿ ಒಂದಷ್ಟು ಸಿನಿಮಾಗಳ ರಿಲೀಸ್ ಡೇಟ್ ಘೋಷಣೆ ಆಗಿದೆ. ಹೀಗೆ ಆಗಸ್ಟ್‌ನಲ್ಲಿ ತೆರೆಗೆ ಬರಲಿರುವ ಸಿನಿಮಾಗಳ ಕುರಿತ ಮಾಹಿತಿ ಇಲ್ಲಿದೆ.
ಆ.4ರಂದು ‘ನಮೋ ಭೂತಾತ್ಮ 2’
2014ರಲ್ಲಿ ನಟ ಕೋಮಲ್‌ ಕುಮಾರ್ ಮುಖ್ಯಭೂಮಿಕೆಯಲ್ಲಿ ‘ನಮೋ ಭೂತಾತ್ಮ’ ಸಿನಿಮಾವು ತೆರೆಕಂಡಿತ್ತು. ನೃತ್ಯ ನಿರ್ದೇಶಕ ಮುರಳಿ ಆ ಸಿನಿಮಾಗೆ ನಿರ್ದೇಶನ ಮಾಡಿದ್ದರು.
‘ಶೀಲ’ ಆಗಿ ಬಂದ ರಾಗಿಣಿ ದ್ವಿವೇದಿ
‘ತುಪ್ಪದ ಹುಡುಗಿ’ ರಾಗಿಣಿ ದ್ವಿವೇದಿ ಮಲಯಾಳಂನಲ್ಲಿ ‘ಶೀಲ’ ಹೆಸರಿನ ಹಾರರ್ ಥ್ರಿಲ್ಲರ್ ಸಿನಿಮಾದಲ್ಲಿ ನಟಿಸಿದ್ದರು
’ಜೈಲರ್’ ಎದುರು ‘ತೋತಾಪುರಿ 2’?
ಆಗಸ್ಟ್ 10ರ ಗುರುವಾರದಂದು ‘ಸೂಪರ್ ಸ್ಟಾರ್’ ರಜನಿಕಾಂತ್ ನಟೆಯ ‘ಜೈಲರ್’ ಸಿನಿಮಾವು ರಿಲೀಸ್ ಆಗುತ್ತಿದೆ. ಆ ಸಿನಿಮಾ ತೆರೆಕಂಡ ಮಾರನೇ ದಿನವೇ ಅಂದ್ರೆ, ಆ.11ರಂದು ‘ನವರಸ ನಾಯಕ’ ಜಗ್ಗೇಶ್ ಮತ್ತು ‘ಡಾಲಿ’ ಧನಂಜಯ ನಟನೆಯ ‘ತೋತಾಪುರಿ 2’ ಸಿನಿಮಾವನ್ನು ತೆರೆಗೆ ತರುವುದಕ್ಕೆ ನಿರ್ಮಾಪಕ ಕೆ ಎ ಸುರೇಶ್ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ.
ತ್ರಪತಿಯಾದ ನವೀನ್ ಶಂಕರ್
‘ಗುಲ್ಟು’ ಸಿನಿಮಾದ ನಟ ನವೀನ್ ಶಂಕರ್ ಅಭಿನಯದ ‘ಕ್ಷೇತ್ರಪತಿ’ ಸಿನಿಮಾವು ಆಗಸ್ಟ್ 18ರಂದು ತೆರೆಗೆ ಬರುತ್ತಿದೆ.
ಆಗಸ್ಟ್ 18ರಂದು ‘ಬ್ಯಾಂಗ್’ ಅಬ್ಬರ
ಗ್ಯಾಂಗ್‌ಸ್ಟರ್‌ ಪಾತ್ರದಲ್ಲಿ ಶಾನ್ವಿ ಶ್ರೀವಾಸ್ತವ ಕಾಣಿಸಿಕೊಂಡಿರುವ ‘ಬ್ಯಾಂಗ್’ ಸಿನಿಮಾವು ಆಗಸ್ಟ್ 18ರಂದು ತೆರೆಗೆ ಬರಲಿದೆ.
ಆಗಸ್ಟ್ ತಿಂಗಳ ಕೊನೆಯಲ್ಲಿ ‘ಟೋಬಿ’ ಆರ್ಭಟ
ರಾಜ್ ಬಿ ಶೆಟ್ಟಿ ನಟಿಸಿರುವ ‘ಟೋಬಿ’ ಸಿನಿಮಾವು ಆಗಸ್ಟ್ 25ರಂದು ತೆರೆಗೆ ಬರಲಿದೆ. ಈ ಸಿನಿಮಾದ ಮೇಲೆ ಭಾರಿ ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ.
