ಖ್ಯಾತ ಜಯಂ ರವಿ ಇತ್ತೀಚೆಗೆ ಪತ್ನಿ ಆರತಿಗೆ ಡಿವೋರ್ಸ್ ನೀಡ್ತಿರೋದಾಗಿ ಘೋಷಿಸಿದ್ದಾರೆ. ಬೆಂಗಳೂರು ಮೂಲದ ಗಾಯಕಿ ಕೆನಿಶಾ ಫ್ರಾನ್ಸಿಸ್ ಅವರೊಂದಿಗೆ ಜಯಂ ರವಿ ರಿಲೇಶನ್‌ ಹೊಂದಿದ್ದಾರೆ ಎಂಬ ಊಹಾಪೋಹಗಳ ನಡುವೆ, ನಟಿ ಖುಷ್ಬೂ ಸುಂದರ್ ಇತ್ತೀಚೆಗೆ ಪತಿ– ಪತ್ನಿ ಅನುಬಂಧದ ಬಗ್ಗೆ ಪೋಸ್ಟ್‌ವೊಂದನ್ನು ಶೇರ್‌ ಮಾಡಿದ್ದಾರೆ. ಖುಷ್ಭೂ ಮಾಡಿರುವ ಪೋಸ್ಟ್ ಪರೋಕ್ಷವಾಘಿ ಜಯಂ ರವಿ ಕುರಿತು ಎನ್ನಲಾಗುತ್ತಿದೆ.
ಒಬ್ಬ ನಿಜವಾದ ವ್ಯಕ್ತಿ ಕುಟುಂಬದ ಘನತೆಗೋಸ್ಕರ ಏನು ಬೇಕಾದರೂ ಮಾಡುತ್ತಾನೆ. ತನ್ನ ಕುಟುಂಬವನ್ನು ಎಲ್ಲಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತಾನೆ. ಪ್ರೀತಿಸಿದವರ ಅವಶ್ಯಕತೆ, ಆಸೆಗಳನ್ನು ಈಡೇರಿಸಲು ಪ್ರಯತ್ನಿಸುತ್ತಾನೆ. ಮದುವೆಯ ಜೀವನದಲ್ಲಿ ಏರಿಳಿತಗಳು ಸಹಜ. ಚಿಕ್ಕ ಚಿಕ್ಕ ತಪ್ಪುಗಳು ನಡೆಯುತ್ತವೆ. ಜೀವನದ ಪ್ರಯಾಣದಲ್ಲಿ, ಪ್ರತಿ ಮದುವೆಯು ಅದರ ಏರಿಳಿತಗಳನ್ನು ಎದುರಿಸುತ್ತದೆ. ಪ್ರೀತಿ ಆಗಾಗ ಕಮ್ಮಿ ಆಗಬಹುದು. ಆದರೆ ಗೌರವ, ಮರ್ಯಾದೆ ಕಮ್ಮಿ ಆಗಬಾರದು. ಪುರುಷ ತನ್ನ ಪತ್ನಿಗೆ ಸರಿಯಾಗಿ ಗೌರವ ಕೊಡಬೇಕು ಎಂದು ಖುಷ್ಭೂ ಬರೆದುಕೊಂಡಿದ್ದಾರೆ.
ನಿಜವಾದ ಪುರುಷನು ತನ್ನ ಮಕ್ಕಳನ್ನು ಹೆರುವ ಮಹಿಳೆಯನ್ನು ಗೌರವಿಸುತ್ತಾನೆ. ಯಾರ ಮನಸ್ಸಿಗೂ ನೋವು ಮಾಡಲ್ಲ. ನಿಮ್ಮ ಮಕ್ಕಳ ತಾಯಿಯನ್ನು ಗೌರವಿಸುವುದು ಕೇವಲ ಅತ್ಯಗತ್ಯವಲ್ಲ – ಇದು ಅಡಿಪಾಯವಾಗಿದೆ. ಈ ಗೌರವವಿಲ್ಲದೆ, ಒಬ್ಬ ವ್ಯಕ್ತಿಯು ಇತರರ ಗೌರವವನ್ನು ಪಡೆಯಲು ಅಥವಾ ಜೀವನದಲ್ಲಿ ನಿಜವಾಗಿಯೂ ಅಭಿವೃದ್ಧಿ ಹೊಂದಲು ಆಶಿಸುವುದಿಲ್ಲ.
ಒಬ್ಬ ನಿಜವಾದ ಮನುಷ್ಯನು ತನ್ನನ್ನು ಉನ್ನತೀಕರಿಸಲು, ಅವನು ಮೊದಲು ತನ್ನ ಕುಟುಂಬವನ್ನು ಗೌರವಿಸುವುದು ತಿಳಿದಿರಬೇಕು. ಪ್ರತಿ ದಿನವೂ ಪರಿಪೂರ್ಣವಾಗಿಲ್ಲದಿರಬಹುದು, ಆದರೆ ಗೌರವದಿಂದ ಇದ್ದರೆ ಎಂತಹ ಕಷ್ಟದ ದಿನಗಳನ್ನೂ ದಾಟಬಹುದು.
ನಿಮ್ಮೊಂದಿಗೆ ನಿಂತಿರುವವರನ್ನು ಗೌರವಿಸುವುದರಲ್ಲಿ ಮತ್ತು ನಿಮ್ಮ ಜಗತ್ತನ್ನು ರೂಪಿಸುವ ಕುಟುಂಬವನ್ನು ಪಾಲಿಸುವುದರಲ್ಲಿ ನಿಜವಾದ ಶಕ್ತಿ ಅಡಗಿದೆ. ಗೌರವ ಎನ್ನುವುದು ಮನೆಯಲ್ಲಿ ಇರಬೇಕು. ಈ ವಿಷಯ ಮರೆತ ವ್ಯಕ್ತಿ ಪ್ರೀತಿಗಿಂತ ದೊಡ್ಡ ಬಂಧವನ್ನು, ನಿಜವಾದ ಆನಂದವನ್ನು ಕಳೆದುಕೊಂಡಂತೆ ಎಂದು ಖುಷ್ಬೂ ಬರೆದುಕೊಂಡಿದ್ದಾರೆ.
