ಅಮೆರಿಕ ಅಧ್ಯಕ್ಷೀಯ ಚುನಾವಣಾ ಕಣ ರಂಗೇರಿದೆ. ಅಮೆರಿಕಾ ಮಾಜಿ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಹಾಗೂ ಹಾಲಿ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಚುನಾವಣ ಕಣದಲ್ಲಿದ್ದು ಭರ್ಜರಿ ಪೈಪೋಟಿ ಆರಂಬವಾಗಿದೆ. ಈ ಮಧ್ಯೆ ಕಮಲಾ ಹ್ಯಾರಿಸ್ ಅವರನ್ನು ಬೆಂಬಲಿಸಿ ಖ್ಯಾತಿ ಗಾಯಕ, ಆಸ್ಕರ್ ಪ್ರಶಸ್ತಿ ವಿಜೇತ ಎ.ಆರ್.ರೆಹಮಾನ್ ಅವರು 30 ನಿಮಿಷಯದ ವಿಡಿಯೋವೊಂದನ್ನು ತಯಾರು ಮಾಡಿದ್ದಾರೆ.
ಅಮೆರಿಕಾದ ಅಧ್ಯಕ್ಷೀಯ ಚುನಾವಣೆಗೆ ಮೊದಲ ಬಾರಿ ದಕ್ಷಿಣ ಭಾರತದ ಸಂಗೀತ ನಿರ್ದೇಶಕರೊಬ್ಬರು ಈ ರೀತಿ ಪ್ರಚಾರದಲ್ಲಿ ಸಹಕಾರಿಯಾಗಿದ್ದಾರೆ. ಈ ಒಂದು 30 ನಿಮಿಷಗಳ ವಿಡಿಯೋ ಸಾಂಗ್ನಲ್ಲಿ ಎ ಆರ್ ರೆಹಮಾನ್ ಕೂಡ ತಮ್ಮ ಧ್ವನಿಯನ್ನು ನೀಡಿದ್ದಾರೆ ಎಂದು ಏಷಿಯನ್ ಅಮೆರಿಕಾ ಮತ್ತು ಫೆಸಿಫಿಕ್ ಐಲ್ಯಾಂಡರ್ನ ಚೇರ್ಮನ್ ಶೇಖರ್ ನರಸಿಂಹನ್ ಹೇಳಿದ್ದಾರೆ.
ರೆಹಮಾನ್ ಸಿದ್ಧಪಡಿಸಿರುವ 30 ನಿಮಿಷದ ವಿಡಿಯೋ ಬಿಡಗಡೆ ಕಾರ್ಯಕ್ರಮ ಇಂದು AAPIನ ಅಮೆರಿಕಾ ಕಾಲಮಾನದ ಪ್ರಕಾರ ರಾತ್ರಿ ಎಂಟು ಗಂಟೆಗೆ ಹಾಗೂ ಭಾರತೀಯ ಕಾಲಮಾನದ ಪ್ರಕಾರ ಅಕ್ಟೋಬರ್ 14 ಮುಂಜಾನೆ 5.30ಕ್ಕೆ ಯೂಟ್ಯೂಬ್ ಚಾನೆಲ್ನಲ್ಲಿ ಬಿಡುಗಡೆಯಾಗಲಿದೆ. ಅದು ಮಾತ್ರವಲ್ಲ AAIP Victory Fund 2024ರ ಅಮೆರಿಕಾದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಕಮಲಾ ಹ್ಯಾರಿಸ್ ಪರ ಪ್ರಚಾರದ ಕಣಕ್ಕೆ ಧುಮುಕಿದೆ.
ಏಷಿಯನ್ ಅಮೆರಿಕಾ ಮತ್ತು ಫೆಸಿಫಿಕ್ ಐಲ್ಯಾಂಡರ್ನ ಚೇರ್ಮನ್ ಶೇಖರ್ ನರಸಿಂಹನ್ ಹೇಳುವ ಪ್ರಕಾರ ಇಂದ ಬಿಡಗಡೆಯಾಗಲಿರುವ 30 ನಿಮಿಷದ ವಿಡಿಯೋ ಕೇವಲ ಒಂದು ಸಂಗೀತ ಕಾರ್ಯಕ್ರಮವಲ್ಲ. ನಮ್ಮ ಸಮುದಾಯಕ್ಕೆ ನಾವು ಕಾಣಬೇಕೆಂದಿರುವ ಭವಿಷ್ಯವನ್ನು ನೋಡುವುದಕ್ಕಾಗಿ ಮತ ಹಾಕುವಂತೆ ಕರೆ ನೀಡುವ ಒಂದು ಕಾರ್ಯಕ್ರಮ ಎಂದಿದ್ದಾರೆ.
30 ನಿಮಿಷದ ಈ ವಿಡಿಯೋದಲ್ಲಿ ಎ ಆರ್ ರೆಹಮಾನ್ ಅವರ ಹಲವು ಪ್ರಸಿದ್ಧ ಗೀತೆಗಳು ಇರುತ್ತವೆ ಹಾಗೂ ಕಮಲಾ ಹ್ಯಾರಿಸ್ ಬಗ್ಗೆ ಹಲವು ಮಾಹಿತಿಗಳನ್ನೊಳಗೊಂಡ ಸಂದೇಶಗಳು ಇರುತ್ತವೆ. ಈಗಾಗಲೇ ವಿಡಿಯೋದ ಕೆಲವು ತುಣುಕುಗಳು ಯೂಟ್ಯೂಬ್ನಲ್ಲಿ ಬಿಡುಗಡೆಯಾಗಿದ್ದು, ಪ್ರೇಕ್ಷಕರಿಗೆ ಮುಂದಿನ ಕಾರ್ಯಕ್ರಮ ಹೇಗೆ ಮೂಡಿಬರಲಿದೆ ಎಂಬ ಒಂದು ಮುನ್ನೋಟವನ್ನು ನೀಡಲಾಗಿದೆ ಎಂದು ಶೇಖರ್ ನರಸಿಂಹನ್ ತಿಳಿಸಿದ್ದಾರೆ.
