ಕಿರುತೆರೆ ನಟಿ ನೇಹಾ ಗೌಡ ಅಮ್ಮನಾಗುತ್ತಿರುವ ಸಂಭ್ರಮದಲ್ಲಿದ್ದಾರೆ. ನೇಹಾ ಹಾಗೂ ಚಂದನ್ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ತುಂಬು ಗರ್ಭಿಣಿಯಾಗಿರುವ ನೇಹಾ ಗೌಡ ಇದೀಗ ಸ್ಪೆಷಲ್ ಫೋಟೋ ಶೂಟ್ ಮಾಡಿಸಿದ್ದಾರೆ.
ಈ ಫೋಟೋ ಶೂಟ್‌ನಲ್ಲಿ ನೇಹಾ ಗೌಡ ಸ್ವರ್ಗದಿಂದ ಧರೆಗಿಳಿದ ಅಪ್ಸರೆ ರೀತಿ ಕಾಣಿಸುತ್ತಿದ್ದಾರೆ. ಗರ್ಭಿಣಿ ಅಪ್ಸರೆ ಧರೆಗೆ ಇಳಿದ್ರೆ ಹೇಗಿರುತ್ತದೆಯೋ ಆ ರೀತಿಯ ಒಂದು ಕಲ್ಪನೆಯಲ್ಲಿಯ ಇಡೀ ಫೋಟೋ ಶೂಟ್ ಮಾಡಲಾಗಿದೆ.
ನೇಹಾ ಗೌಡ ಇಲ್ಲಿ ಬಿಳಿ ಸೀರೆಯಲ್ಲಿ ಸುಂದರವಾಗಿ ಕಾಣಿಸಿಕೊಂಡಿದ್ದು ಅದಕ್ಕೆ ಸಿಂಪಲ್ ಅನಿಸೋ ಆಭರಣಗಳನ್ನ ಧರಿಸಿದ್ದಾರೆ. ರಾಣಿ ರೀತಿ ಕಂಗೊಳಿಸಿದ್ದಾರೆ. ಕಮಲಗಳೇ ಇರೋ ಕೊಳದ ಪಕ್ಕ ಕುಳಿತು ನೇಹಾ ಕ್ಯಾಮರಾಗೆ ಪೋಸ್ ಕೊಟ್ಟಿದ್ದಾರೆ.
ನಟಿ ನೇಹಾ ಗೌಡ ತುಂಬು ಗರ್ಭಿಣಿಯಾಗಿದ್ದು, ಇತ್ತೀಚೆಗೆ ಅದ್ಧೂರಿಯಾಗಿ ಸೀಮಂತ ಸಮಾರಂಭವನ್ನೂ ಸಹ ಮಾಡಲಾಗಿತ್ತು, ಚಂದನ್ ಗೌಡ ಮತ್ತು ನೇಹಾ ಗೌಡ ದಂಪತಿಗಳು ತಮ್ಮ ಚೊಚ್ಚಲ ಮಗುವಿನ ನಿರೀಕ್ಷೆಯಲ್ಲಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ದಿನಕ್ಕೊಂದು ವಿಶೇಷ ಫೋಟೊಗಳನ್ನು ಹಾಕಿ ಸಂಭ್ರಮಿಸುತ್ತಿದ್ದಾರೆ.
ನೇಹಾ ಗೌಡ ಶಾಕುಂತಲೆ ಫೋಟೋ ಶೂಟ್ ಗೆ ಕಿರುತೆರೆಯ ನಟಿಯರು ಸಹ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಲಕ್ಷ್ಮೀ ಬಾರಮ್ಮ ಧಾರಾವಾಹಿಯ ಕೀರ್ತಿ ಆಲಿಯಾಸ್ ತನ್ವಿರಾವ್ ಗಾಡೆಸ್ ಎಂದರೆ, ದಿವ್ಯಾ ಉರುಡುಗ ಎಕ್ಸ್ಟ್ರೀಮ್ಲಿ ಬ್ಯೂಟಿಫುಲ್ ಎಂದಿದ್ದಾರೆ, ಚಂದನ ಗಾರ್ಜಿಯಸ್ ಅಂದ್ರೆ, ಕೃಷಿ ತಾಪಂಡ ಕನಸಿನ ಲೋಕದಂತಿದೆ ಎಂದಿದ್ದಾರೆ.
ಬಾಲ್ಯ ಸ್ನೇಹಿತರಾಗಿದ್ದ ನಟಿ ನೇಹಾ ಗೌಡ ಹಾಗೂ ಚಂದನ್ ಗೌಡ ಫೆಬ್ರವರಿ 18, 2018ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ನೇಹಾ ಗೌಡ, ಕನ್ನಡ ಮತ್ತು ತಮಿಳು ಸೀರಿಯಲ್ ಗಳಲ್ಲಿ ನಟಿಸಿದ್ದರೆ, ಇವರ ಪತಿ ಚಂದನ್ ಗೌಡ ಕಲರ್ಸ್ ಕನ್ನಡದ ಅಂತರಪಟ ಸೀರಿಯಲ್ನಲ್ಲಿ ನಾಯಕನಾಗಿ ನಟಿಸುತ್ತಿದ್ದಾರೆ.
