ತೆಲುಗು ನಟ ನಾಗಚೈತನ್ಯ ಮನೆಗೆ ಹೊಸ ಅತಿಥಿಯ ಆಗಮನವಾಗಿದೆ. ಕಾರಿನ ಬಗ್ಗೆ ವಿಶೇಷ ಕ್ರೇಜ್ ಹೊಂದಿರುವ ನಾಗಚೈತನ್ಯ ಇದೀಗ ದುಬಾರಿ ಕಾರನ್ನು ಖರೀದಿ ಮಾಡಿದ್ದಾರೆ.
ಸದ್ಯ ನಾಗಚೈತನ್ಯ ಅವರು ಚೆನ್ನೈನಲ್ಲಿ ಪೋರ್ಷಾ 911 ಜಿಟಿ3 ಆರ್‌ಎಸ್ ಕಾರನ್ನು ಖರೀದಿ ಮಾಡಿದ್ದಾರೆ. ಈ ಫೋಟೋಗಳನ್ನು ಶೋರೂಂನವರು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ನಟ ನಾಗಚೈತನ್ಯಗೆ ಮೊದಲಿಂದ ಕಾರುಗಳ ಮೇಲೆ ವ್ಯಾಮೋಹ. ಈಗಾಗಲೇ ನಟನ ಬಳಿ ದುಬಾರಿ ಬೆಲೆಯ ಸಾಕಷ್ಟು ಕಾರುಗಳಿವೆ. ಇದೀಗ ಆ ಸಾಲಿಗೆ 3.43 ಕೋಟಿ ರೂಪಾಯಿ ಮೌಲ್ಯದ ರೇಂಜ್ ರೋವರ್ ಕಾರು ಕೂಡ ಸೇರಿದೆ. 1.30 ಕೋಟಿ ಬೆಲೆ ಬಾಳುವ ಬಿಎಂಡಬ್ಲೂ ಎಲ್‌ಐ ಕಾರು ಇದೆ. ಇಷ್ಟೇ ಅಲ್ಲ 2.12 ಕೋಟಿಯ ನಿಸಾನ್ GT-R ಮತ್ತು 2.28 ಕೋಟಿಯ ಮರ್ಸಿಡಿಸ್ ಬೆಂಜ್ G-Class G 63 AMG ಕಾರು ಕೂಡ ನಾಗಚೈತನ್ಯ ಅವರ ಬಳಿ ಇವೆ. ಆ ಸಾಲಿಗೆ ಈಗ ಪೊರ್ಶೆ 911 GT3 ಕಾರು ಕೂಡ ಸೇರಿಕೊಂಡಿದೆ.
ಹೌದು, 3.51 ಕೋಟಿ ರೂಪಾಯಿ ಬೆಲೆ ಬಾಳುವ ಅತ್ಯಾಕರ್ಷಕವಾದ ಪೊರ್ಶೆ 911 GT3 ಕಾರನ್ನ ನಾಗಚೈತನ್ಯ ಖರೀದಿಸಿದ್ದಾರೆ. ಕೇವಲ ಇಬ್ಬರು ಮಾತ್ರ ಕುಳಿತು ಪ್ರಯಾಣ ಮಾಡಬಲ್ಲ ಈ ಕಾರು 3996 cc, 6 ಸಿಲಿಂಡರ್ ಎಂಜಿನ್ ಹೊಂದಿದೆ. ಇನ್ನೂ ಒಂದು ಲೀಟರ್ ಪೆಟ್ರೋಲ್‌ಗೆ ಕೇವಲ 7.4 ಕೀಲೋ ಮೀಟರ್ ಮೈಲೇಜ್ ನೀಡುತ್ತದೆ ಈ ಕಾರು.
ಸದ್ಯ ನಾಗಚೈತನ್ಯ ‘ತಾಂಡೇಲ್’ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ಸಾಯಿ ಪಲ್ಲವಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಜೊತೆಗೆ ಪೂಜಾ ಹೆಗ್ಡೆ ಜೊತೆ ಹೊಸ ಸಿನಿಮಾದಲ್ಲಿ ನಟಿಸಲು ಗ್ರೀನ್ ಸಿಗ್ನಲ್ ನೀಡಿದ್ದಾರೆ.
