ನಟಿಯ ಮೇಲೆ ಲೈಂಗಿಕ ದೌರ್ಜನ್ಯ ಆರೋಪ: ಮಾಜಿ ಪೊಲೀಸ್ ಅಧಿಕಾರಿ ವಿರುದ್ಧ ದೂರು

ಸಿನಿಮಾ ನಟಿಯ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಲು ಪ್ರಯತ್ನಿಸಿದ ಮಾಜಿ ಪೊಲೀಸ್​ ಅಧಿಕಾರಿ ವಿರುದ್ಧ ನಟಿ ದೂರು ದಾಖಲಿಸಿದ್ದಾರೆ ದಾಖಲಾಗಿದೆ.

ಕೊಲ್ಲಂ ಮೂಲದ ನಟಿ ಕೇರಳದ ನಿವೃತ್ತ ಡಿವೈಎಸ್​​ಪಿ ಮಧುಸೂದನನ್​ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಲು ಯತ್ನಿಸಿದ್ದಾರೆ ಎಂದು ದೂರು ದಾಖಲಿಸಿದ್ದಾರೆ.

ಬೇಕಲ್​ ಡಿವೈಎಸ್​ಪಿಗೆ ಸಲ್ಲಿಸಿರುವ ದೂರಿನ ಪ್ರಕಾರ, ಸಂತ್ರಸ್ತ ನಟಿ ಪೆರಿಯಾದ ಹೋಮ್​ಸ್ಟೇನಲ್ಲಿ ಉಳಿದುಕೊಂಡಿದ್ದಾಗ ಈ ಘಟನೆ ನಡೆದಿದೆ. ಬಲವಂತವಾಗಿ ಬಿಯರ್​ ಕುಡಿಸಿ, ತನ್ನ ರೂಮಿನಲ್ಲಿ ಮಲಗಿಕೊಳ್ಳಲು ಮಧುಸೂದನ್​ ಬಲವಂತ ಮಾಡಿದ ಎಂದು ನಟಿ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಕಿರುಚಿತ್ರದಲ್ಲಿ ನಟಿಸಲು ನಟಿ ಕಾಸರಗೋಡಿಗೆ ಬಂದಿದ್ದ ವೇಳೆ ಘಟನೆ ನಡೆದಿದೆ. ತ್ರಿಕಾರಿಪುರ್​ ನಿವಾಸಿಯಾಗಿರುವ ಆರೋಪಿ ವಿ. ಮಧುಸೂದನ್​ ಓರ್ವ ಸಿನಿಮಾ ನಟನಾಗಿದ್ದು ಸದ್ಯ ನಟಿಯು ನೀಡಿದ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭವಾಗಿದೆ.