2000ರಲ್ಲಿ ಮುನ್ನುಡಿ ಸಿನಿಮಾದ ಮೂಲಕ ಸಿನಿಮಾ ರಂಗಕ್ಕೆ ಎಂಟ್ರಿಕೊಟ್ಟ ನಟಿ ಛಾಯಾ ಸಿಂಗ್ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ಸಖ ಸಖಿ, ಆಕಾಶಗಂಗೆ, ರೌಡಿ ಅಳಿಯ, ಸೇರಿದಂತೆ ಕನ್ನಡದ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿರುವ ಛಾಯಾ ಸಿಂಗ್ ಆ ಬಳಿಕ ಕೊಂಚ ಮಟ್ಟಿಗೆ ಸಿನಿಮಾ ರಂಗದಿಂದ ದೂರವಾಗಿದ್ದರು. ಇದೀಗ ಕಿರುತೆರೆಯ ಮೂಲಕ ಮತ್ತೆ ಬಣ್ಣದ ಬದುಕಿಗೆ ಎಂಟ್ರಿಕೊಟ್ಟಿದ್ದಾರೆ.
ಕನ್ನಡ ಸಿನಿಮಾದ ಮೂಲಕ ಸಿನಿ ಜರ್ನಿ ಆರಂಭಿಸಿದ ಛಾಯಾ ಸಿಂಗ್ ಬಳಿಕ ತಮಿಳು, ಮಲಯಾಳಂ, ಕನ್ನಡ ಸೇರಿದಂತೆ ಹಲವಾರು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸಾಕಷ್ಟು ರಿಯಾಲಿಟಿ ಶೋ ಜಡ್ಜ್ ಆಗಿ ಕಾರ್ಯ ನಿರ್ವಹಿಸಿದ್ದ ಛಾಯಾ ಸಿಂಗ್ ಇದೀಗ ಅಭಿಮಾನಿಗಳಿಗೆ ಚಿತ್ರರಂಗಕ್ಕೆ ಕಂಬ್ಯಾಕ್ ಮಾಡುವ ಮೂಲಕ ಗುಡ್ ನ್ಯೂಸ್ ನೀಡಿದ್ದಾರೆ.
‘ಅಮೃತಧಾರೆ’ ಧಾರವಾಹಿ ಮೂಲಕ ಹೊಸ ಲವ್ ಸ್ಟೋರಿ ಹೇಳಲು ಛಾಯಾ ಸಿಂಗ್ ಮುಂದಾಗಿದ್ದಾರೆ. ಹುಡುಗ-ಹುಡುಗಿ ಹೊಂದ್ಕೊಂಡಿದ್ರೆ ಅದೊಂದು ಚೆಂದದ ಕಥೆ, ಅವರಿಬ್ರೂ ಕಿತ್ತಾಡ್ಕೋಂಡಿದ್ರೆ ಅದು ಬೇರೇನೇ ಕಥೆ ಎನ್ನುವುದು ಅಮೃತಧಾರೆ ಕಥೆಯಾಗಿದೆ. ರಾಜೇಶ್ ನಟರಂಗ ಅವರು ಅಮೃತಧಾರೆ ಸೀರಿಯಲ್‌ನ ನಾಯಕನಾಗಿದ್ದು, ಛಾಯಾಗೆ ಜೋಡಿಯಾಗಿ ಕಾಣಿಸಿಕೊಳ್ತಿದ್ದಾರೆ.
ಈಗಾಗಲೇ ‘ಅಮೃತಾಧಾರೆ ಪ್ರೋಮೋ ರಿಲೀಸ್ ಆಗಿದ್ದು, ಪ್ರೇಕ್ಷಕರಿಗೆ ಇಷ್ಟವಾಗಿದೆ. ಪ್ರೋಮೋ ಝಲಕ್ ನೋಡಿ ಫಿದಾ ಆಗಿರುವ ಪ್ರೇಕ್ಷಕರು ಅಮೃತಾಧಾರೆ ಧಾರಾವಾಹಿ ನೋಡಲು ಅಭಿಮಾನಿಗಳು ಕಾದು ಕೂತಿದ್ದಾರೆ.
