ಬಾಲಿವುಡ್ ಬ್ಯೂಟಿ ನಟಿ ಇಲಿಯಾನಾ ಸದ್ಯದಲ್ಲೇ ಮಗವಿಗೆ ಜನ್ಮ ನೀಡಲಿದ್ದಾರೆ. ಮದುವೆಯಾಗದೆ ತಾಯಿಯಾಗುತ್ತಿರುವ ಕುರಿತು ಇಲಿಯಾನಾ ಸಖತ್ ಸದ್ದು ಮಾಡುತ್ತಿದ್ದು ಇದುವರೆಗೂ ಮಗುವಿನ ತಂದೆ ಯಾರೆಂಬುದನ್ನು ನಟಿ ರಿವೀಲ್ ಮಾಡಿರಲಿಲ್ಲ. ಇದೀಗ ತನ್ನ ಮಗುವಿನ ತಂದೆ ಯಾರೆಂಬುದನ್ನು ನಟಿ ಬಾಯಿ ಬಿಟ್ಟಿದ್ದಾರೆ.
ಕೆಲ ವರ್ಷಗಳಿಂದ ಸಿನಿಮಾ ರಂಗದಿಂದ ದೂರವಿದ್ದ ನಟಿ ಇಲಿಯಾನಾ ಇದೀಗ ಮತ್ತೆ ಚಿತ್ರರಂಗದಲ್ಲಿ ಆಕ್ಟೀವ್ ಆಗಿದ್ದಾರೆ. ಹಿಂದಿ, ತೆಲುಗು, ತಮಿಳು, ಕನ್ನಡವೂ ಸೇರಿದಂತೆ ಹಲವು ಭಾಷೆಗಳಲ್ಲಿ ನಟಿಸಿರುವ ಇಲಿಯಾನಾ ಇದೀಗ ಮಗುವಿನ ಆಗಮನದ ನಿರೀಕ್ಷೆಯಲ್ಲಿದ್ದಾರೆ.
ಸದ್ಯ ನಟಿ ತಮ್ಮ ಬಾಯ್ ಫ್ರೆಂಡ್ ಫೋಟೋವನ್ನ ಶೇರ್ ಮಾಡಿದ್ದಾರೆ. ಇಷ್ಟು ದಿನ ಇಲಿಯಾನಾ ಪ್ರೆಗ್ನೆಂಟ್‌ ಆಗಲು ಕಾರಣ ಯಾರು ಎನ್ನುವ ವಿಚಾರ ತಿಳಿಸಿರಲಿಲ್ಲ. ಇದೀಗ ಇಲಿಯಾನಾ ಬಾಯ್ ಫ್ರೆಂಡ್ ಫೋಟೋ ಹಂಚಿಕೊಂಡಿದ್ದಾರೆ. ಆದ್ರೆ ಆತನ ಮುಖ ಮಾತ್ರ ಕಾಣಿಸಿಲ್ಲ. ಮುಖ ಕಾಣದ ರೀತಿ ಫೋಟೋ ಹಂಚಿಕೊಂಡಿದ್ದಾರೆ.
ಅಂದ್ಹಾಗೆ, ನಟಿ ಕತ್ರಿನಾ ಕೈಫ್ ಸಹೋದರ ಸಭಾಸ್ಟಿನ್ ಜೊತೆ ಇಲಿಯಾನಾ ಎಂಗೇಜ್ ಆಗಿದ್ದಾರೆ ಎನ್ನಲಾಗಿದೆ. ಸಾಕಷ್ಟು ಸಮಯದಿಂದ ಇಬ್ಬರು ಡೇಟ್‌ ಮಾಡ್ತಿದ್ದಾರೆ. ಕೆಲ ತಿಂಗಳುಗಳ ಹಿಂದೆ ಕತ್ರಿನಾ- ವಿಕ್ಕಿ ಕೌಶಲ್‌ ಕುಟುಂಬದ ಜೊತೆ ನಟಿ ಟ್ರಿಪ್‌ ಮಾಡಿದ್ದರು. ಈ ಕುರಿತ ಫೋಟೋ ಸಖತ್ ವೈರಲ್‌ ಆಗಿತ್ತು.
