ಮಹಾನಟಿ ಖ್ಯಾತಿಯ ನಟಿ ಕೀರ್ತಿ ಸುರೇಶ್ ನಟನೆಯ ‘ದಸರಾ’ ಸಿನಿಮಾ ಹಿಟ್ ಆಗಿದೆ. ಆ ಬಳಿಕ ನಟಿ ಹೊಸ ಪ್ರಾಜೆಕ್ಟ್‌ಗಳತ್ತ ಮುಖ ಮಾಡಿದ್ದಾರೆ. ಹೊಸ ಹೊಸ ಪಾತ್ರಗಳ ತಯಾರಿಯಲ್ಲಿರುವ ನಟಿ ಸದ್ಯ ‘ಸಾನಿ ಕಾಯಿದಮ್’ ಚಿತ್ರ ಮಾಡುವಾಗ ತಾವು ಎದುರಿಸಿದ ಸಂಕಷ್ಟದ ಬಗ್ಗೆ ನಟಿ ಬರೆದುಕೊಂಡಿದ್ದಾರೆ.
ದಕ್ಷಿಣ ಭಾರತದ ಸ್ಟಾರ್ ನಟಿಯಾಗಿ ಮಿಂಚ್ತಿರುವ ಕೀರ್ತಿ ಸುರೇಶ್ ಅವರು ಇತ್ತೀಚಿಗೆ ‘ಸರ್ಕಾರು ವಾರಿ ಪಾಟ’ ಮತ್ತು ದಸರಾ, ಸಾನಿ ಕಾಯಿದಮ್ ಸಿನಿಮಾಗಳ ಮೂಲಕ ಗಮನ ಸೆಳೆದರು.
‘ಸಾನಿ ಕಾಯಿದಮ್’ ಸಿನಿಮಾ ರಿಲೀಸ್ ಆಗಿ ಒಂದು ವರ್ಷವಾಗಿದೆ. ಈ ಬೆನ್ನಲ್ಲೇ ಚಿತ್ರದ ಸಂದರ್ಭ ಮತ್ತು ಸವಾಲುಗಳು ಹೇಗಿತ್ತು ಎಂಬುದನ್ನ ನಟಿ ಹಂಚಿಕೊಂಡಿದ್ದಾರೆ. ಸಿನಿಮಾದಲ್ಲಿ ನಟಿಸುವಾಗ ಮಾಡಿಕೊಂಡ ಗಾಯಗಳನ್ನು ಪ್ರದರ್ಶಿಸಿದ ನಟಿ, ಸಿನಿಮಾಕ್ಕಾಗಿ ಹೀಗೆ ಗಂಟೆಗಟ್ಟಲೆ ಮೇಕಪ್ ಮಾಡಿಸಿಕೊಳ್ಳಬೇಕಿತ್ತು ಎಂಬುದನ್ನ ಫೋಟೋ ಮೂಲಕ ನಟಿ ಕೀರ್ತಿ ತೆರೆದಿಟ್ಟಿದ್ದಾರೆ.
