90ರ ದಶಕದ ಬಾಲಿವುಡ್ ನಟಿ ಮಮತಾ ಕುಲಕರ್ಣಿ ಇದೀಗ ಸನ್ಯಾಸತ್ವ ಸ್ವೀಕರಿಸಿದ್ದಾರೆ. ಇತ್ತೀಚೆಗೆ ಮಹಾಕುಂಭಮೇಳದಲ್ಲಿ ಕಾಣಿಸಿಕೊಂಡ ದೊಡ್ಡ ಮಟ್ಟಿಗೆ ಸದ್ದು ಮಾಡಿದ್ದರು. ಸನ್ಯಾಸಿಯಾದ ಬಳಿಕ ನಟಿ ಟಾಪ್‌ಲೆಸ್ ಫೋಟೋ ಶೂಟ್ ಮಾಡಿಸಿಕೊಂಡ ಬಗ್ಗೆ ಸಂದರ್ಶನ ವೊಂದರಲ್ಲಿ ಮಾತನಾಡಿದ್ದು ವೈಯಕ್ತಿಕ ಜೀವನದಿಂದ ವೃತ್ತಿಪರ ಜೀವನದವರೆಗಿನ ಅನೇಕ ವಿಚಾರಗಳನ್ನು ಬಹಿರಂಗಪಡಿಸಿದ್ದಾರೆ.
೯೦ರ ದಶಕದಲ್ಲಿ ಬಾಲಿವುಡ್ ಚಿತ್ರರಂಗವನ್ನು ಆಳಿದ ಮಮತಾ ಕುಲಕರ್ಣಿ ಆ ಬಳಿಕ ಎಲ್ಲವನ್ನೂ ತೊರೆದು ಸನ್ವಾಸತ್ಯದ ಕಡೆ ಮುಖ ಮಾಡಿದ್ದರು. ಸದ್ಯ ಮಮತಾ ಕುಲಕರ್ಣಿ ಕಿನ್ನರ್ ಅಖಾಡದ ಮಹಾಮಂಡಲೇಶ್ವರ ಹುದ್ದೆಯಲ್ಲಿದ್ದಾರೆ. ಈ ಹುದ್ದೆ ಪಡೆದುಕೊಳ್ಳಲು ಹತ್ತು ಕೋಟಿ ಹಣ ನೀಡಿದ್ದಾರೆ ಎಂಬ ಗಂಭೀರ ಆರೋಪ ಕೇಳಿ ಬಂದಿದ್ದು ಈ ಆರೋಪವನ್ನು ನಟಿ ತಳ್ಳಿ ಹಾಕಿದ್ದಾರೆ.
ಈ ನಡುವೆ ಆಪ್ ಕಿ ಅದಾಲತ್ ಸಂದರ್ಶನದಲ್ಲಿ ಸ್ಟಾರ್ ಡಸ್ಟ್ ನಿಯತಕಾಲಿಕೆಯಲ್ಲಿ ಅರೆ ನಗ್ನ ಫೋಟೋ ಶೂಟ್ ನಲ್ಲಿ ಕಾಣಿಸಿಕೊಂಡಿದ್ದರ ಬಗ್ಗೆ ಸಂದರ್ಶಕ ರೊಬ್ಬರು ಪ್ರಶ್ನೆ ಮಾಡಿದ್ದು ಟಾಪ್ ಲೆಸ್ ಆಗಿ ಫೋಟೋ ತೆಗೆಯಲು ನಿಮ್ಮ ಆಕ್ಷೇಪ ಇರಲಿಲ್ಲವೆ ಎಂದು ಕೇಳಿದ್ದಾರೆ.
ಇದಕ್ಕೆ ಉತ್ತರಿಸಿದ ನಟಿ ನಾನು 9ನೇ ತರಗತಿಯಲ್ಲಿ ಓದುತ್ತಿರಬೇಕಾದರೆ ಈ ಫೋಟೋ ಶೂಟ್ ಮಾಡಿಸಿದ್ದರು. ಆಗ ನನಗೆ ಸೆಕ್ಸ್ ಬಗ್ಗೆಯಾಗಲಿ, ನ್ಯೂಡ್ ಫೋಟೋ ಶೂಟ್ ಇದ್ಯಾವುದು ಗೊತ್ತಿರಲಿಲ್ಲ. ಆ ಸಮಯದಲ್ಲಿ ನಾನು ತುಂಬಾ ಮುಗ್ಧಳಾಗಿದ್ದೆ. ನಾನು ಒಂಬತ್ತನೇ ತರಗತಿಯಲ್ಲಿ ಓದುತ್ತಿದ್ದೆ ಎಂದು ನಟಿ ಹೇಳಿಕೊಂಡಿದ್ದಾರೆ.
mnನಿಯತಕಾಲಿಕೆಯವರು ನನಗೆ ಡೆಮಿ ಮೂರ್ ಅವರ ಚಿತ್ರ ತೋರಿಸಿದ್ದರು. ಆದರೆ ಅದು ನನಗೆ ಅಶ್ಲೀಲ ಎಂದು ಅನಿಸಿಲ್ಲ ಎಂದಿದ್ದಾರೆ. ಸೆಮಿ ನ್ಯೂಡ್ ಫೋಟೋ ಶೂಟ್ ನಾನು ಮಾಡಿದರೂ ಅದರ ಬಗ್ಗೆ ನನಗೆ ಅಷ್ಟಾಗಿ ಗೊತ್ತಿರಲಿಲ್ಲ. ಕಳೆದ 23 ವರ್ಷಗಳಲ್ಲಿ ನಾನು ಯಾವುದೇ ಅಶ್ಲೀಲ ವಿಡಿಯೊ ವೀಕ್ಷಿಸಿಲ್ಲ. ನಾನು ಸೆಮಿ ನ್ಯೂಡ್ ಫೋಟೋಶೂಟ್ ಮಾಡಿದಾಗ ಅದರ ಬಗ್ಗೆ ನನಗೆ ಗೊತ್ತೇ ಇರಲಿಲ್ಲ ಎಂದು ನಟಿ ಹೇಳಿಕೊಂಡಿದ್ದಾರೆ.
ಬಾಲಿವುಡ್ ಘಾಟಕ್ ಸಿನಿಮಾದ ಕೋಯಿ ಜಾಯೆ ತೊಲೇ ಆಯೆ ಐಟಂ ಸಾಂಗ್‌ನಲ್ಲಿ ಅಭಿನಯಿಸಿರುವ ಬಗ್ಗೆ ನಟಿ ಮಾತನಾಡಿದ್ದು ಈ ಸಿನಿಮಾ ದಲ್ಲಿ ನೃತ್ಯ ಮಾಡಲು ನಿರ್ದೇಶಕ ರಾಜ್ ಕುಮಾರ್ ಸಂತೋಷಿ ಅವರು ನನಗೆ ಮನವಿ ಮಾಡಿದ್ದರು ಹಾಗಾಗಿ ಅಭಿನಯಿಸಿದ್ದೇನೆ. ಅಶ್ಲೀಲ ಸಾಂಗ್ ನಲ್ಲಿ ನೃತ್ಯ ಮಾಡುವಾಗ ಅಲ್ಲಿನ ಕೊರಿಯೋಗ್ರಫಿ ನೋಡುತ್ತೇವೆ. ಹೆಜ್ಜೆ ಸರಿಯಾಗಿ ಹಾಕುತ್ತಿದ್ದೇವಾ? ಎಂಬ ಬಗ್ಗೆ ನಮ್ಮ ಗಮನ ಇರುತ್ತದೆ. ಹಾಡಿನ ಒಳಾರ್ಥದ ಬಗ್ಗೆಯಾಗಲಿ ಅದರಲ್ಲಿರುವ ಸಂಭಾಷಣೆ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ ಎಂದು ನಟಿ ಸಂದರ್ಶನದಲ್ಲಿ ಹೇಳಿದ್ದಾರೆ.
