ಬಾಲಿವುಡ್ ಬ್ಯೂಟಿ ನಟಿ ಆಲಿಯಾ ಭಟ್ ಎಂದರೆ ಅದೆಷ್ಟೋ ಮಂದಿಗೆ ಹಾಟ್ ಫೇವರೆಟ್. ಸ್ಟಾರ್ ಗಳಿಂದ ಹಿಡಿದು ಜನ ಸಾಮಾನ್ಯರಿಗೂ ಆಲಿಯಾ ಸಖತ್ ಇಷ್ಟವಾಗುತ್ತಾರೆ. ಇದೀಗ ಟಾಲಿವುಡ್ ಸ್ಟಾರ್ ನಟ ಮಹೇಶ್ ಬಾಬು ಪುತ್ರಿ ಸಿತಾರಾಗೆ ಆಲಿಯಾ ಭಟ್ ಗೆ ಸಪ್ರೈಸ್ ಗಿಫ್ಟ್ ಕಳುಹಿಸಿಕೊಟ್ಟಿದ್ದಾರೆ.
ಮಹೇಶ್ ಬಾಬು ಪುತ್ರಿ ಸಿತಾರಾ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟೀವ್ ಆಗಿದ್ದಾರೆ. ತಮ್ಮದೇ ಯೂಟ್ಯೂಬ್ ಚಾನಲ್ ಮೂಲಕ ಸದಾ ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿರುವ ಸಿತಾರಾ ಇನ್ಸ್ಟಾಗ್ರಾಂ ಖಾತೆಯಲ್ಲಿ 1 ಮಿಲಿಯನ್ ಫಾಲೋವರ್ಸ್ ಹೊಂದಿದ್ದಾರೆ.
ಇದೀಗ ಆಲಿಯಾ ಭಟ್ ಸಿತಾರಾಗೆ ಚಂದದ ಬಟ್ಟೆಯನ್ನು ಕಳುಹಿಸಿಕೊಟ್ಟಿದ್ದಾರೆ. ಆಲಿಯಾ ಭಟ್ ಕಳುಹಿಸಿರುವ ಬಾಡಿಕಾನ್ ಡ್ರೇಸ್‌ ಧರಿಸಿ ಸಿತಾರಾ ಕ್ಯಾಮಾರಾಗೆ ಫೋಸ್ ನೀಡಿದ್ದ ಸಖತ್ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಸಿತಾರಾ ಅಂದಕ್ಕೆ ನೆಟ್ಟಿಗರು ಸಹ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ತಂದೆಯಂತೆ ಬಣ್ಣ, ಅಮ್ಮನಂತೆ ಕ್ಯೂಟ್ ಅಂತ ಕಾಮೆಂಟ್ ಮಾಡಿದ್ದಾರೆ.
ಮಹೇಶ್ ಬಾಬು ಪುತ್ರಿ ಸಿತಾರಾ, ಆಲಿಯಾ ಕಳುಹಿಸಿದ ಡ್ರೆಸ್ ಧರಿಸಿರುವ ಫೋಟೋ ಶೇರ್ ಮಾಡಿ, ನಟಿಗೆ ಧನ್ಯವಾದ ತಿಳಿಸಿದ್ದಾರೆ. ನಟನೆಯ ಜೊತೆ ಮಕ್ಕಳ ಬಟ್ಟೆ ಕಲೆಕ್ಷನ್ ಉದ್ಯಮ ಹೊಂದಿರುವ ಆಲಿಯಾರ ಡ್ರೆಸ್ ಕಲೆಕ್ಷನ್‌ಗೆ ಸಿತಾರಾ ಮೆಚ್ಚುಗೆ ಸೂಚಿಸಿದ್ದಾರೆ.
