ರಾಷ್ಟ್ರೀಯ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹೆಸರಾಗಿರುವ ಕಲಬುರಗಿಯ ವಿ ಜಿ ಅಂದಾನಿಯವರಿಗೆ ಇದೀಗ 75 ನೇ ಹುಟ್ಟುಹಬ್ಬ.. ಕಲಬುರಗಿಯ ದಿ ಐಡಿಯಲ್ ಫೈನ್ ಆರ್ಟ್ ಕಾಲೇಜ್ ಮುಖ್ಯಸ್ಥರಾದ ವೀರಪ್ಪ ಗುರಪ್ಪ ಅಂದಾನಿಯವರು ಕಲಾ ಪ್ರಪಂಚದಲ್ಲಿ ಮಾಡಿರುವ ಸೇವೆ ಅನನ್ಯ..
ಕಲಾವಿದ ಕಲಾತಪಸ್ವಿ ಕಲಾ ಶಿಕ್ಷಕ ಕಲಾ ಆರಾಧಕರಾಗಿ ಕಲಬುರಗಿಯ ಕೀರ್ತಿ ಪತಾಕೆಯನ್ನ ಹೊರರಾಷ್ಟ್ರದಲ್ಲೂ ಹಾರಿಸಿರುವ ಇಂತಹ ನಗುಮೊಗದ ಹಸನ್ಮುಖಿ ವಿಜಿ ಅಂದಾನಿಯವರ ಕುರಿತಾದ ಬಯಲ ಬೆಳಕು ಅಭಿನಂದನಾ ಗ್ರಂಥವನ್ನ ಜುಲೈ 13 ರಂದು ನಗರದ ವೀರಶೈವ ಕಲ್ಯಾಣ ಮಂಟಪದಲ್ಲಿ ಆಯೋಜಿಸಲು ಅಂದಾನಿಯವರ ಅಭಿಮಾನಿ ಕಲಾವಿದರ ಬಳಗ ನಿರ್ಧರಿಸಿದೆ..
ಇದಕ್ಕೂ ಮುನ್ನ ಜುಲೈ 11 ಮತ್ತು 12 ರಂದು ನಗರದ ಫೈನ್ ಆರ್ಟ್ ಕಾಲೇಜಿನಲ್ಲಿ ಕಲಾ ಶಿಬಿರ ಏರ್ಪಡಿಸಲಾಗಿದೆ.. ಅಷ್ಟೇಅಲ್ಲ ಅಂದಾನಿಯವರ ಚಿತ್ರಕಲಾ ಪ್ರದರ್ಶನವು ನಡೆಯಲಿದ್ದು ಈಗಾಗಲೇ ಕಾರ್ಯಕ್ರಮದ ಸಿದ್ಧತೆಗಳು ಜೋರಾಗಿ ಸಾಗ್ತಿವೆ..ಈ ವಜ್ರಮಹೋತ್ಸವ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ರಾಜ್ಯ ಹೊರರಾಜ್ಯ ಶಿಷ್ಯವೃಂದವೇ ಆಗಮಿಸುತ್ತಿರೋದು ವಿಶೇಷ..
