ಬೆಂಗಳೂರು: ರಾಜಧಾನಿ ಬೆಂಗಳೂರು ಮಂದಿ ಮನೆ ಮುಂದೆ ಬೈಕ್ ಪಾರ್ಕ್ ಮಾಡುವ ಮುನ್ನ ಎಚ್ಚರ ವಹಿಸುವುದು ಸೂಕ್ತ. ಇಷ್ಟು ದಿನ ಹುಡುಗರು ಶೋಕಿಗಾಗಿ ಬೈಕ್ ಕಳ್ಳತನ ಮಾಡೋದು ಕೇಳಿದ್ವಿ. ಆದ್ರೀಗ ಬೈಕ್ ಕಳ್ಳತನದಲ್ಲಿ ಲೇಡಿ ಗ್ಯಾಂಗ್ ಆ್ಯಕ್ಟೀವ್ ಆಗಿದೆ.
ರಾತ್ರಿಯಾಗುತ್ತಿದ್ದಂತೆ ಎಂಟ್ರಿಕೊಡುವ ಈ ಲೇಡಿ ಗ್ಯಾಂಗ್, ಒಬ್ಬಳು ರೋಡ್ ವಾಚ್ ಮಾಡಿದ್ರೆ ಮತ್ತೊಬ್ಬಳು ಬೈಕ್ ಲಾಕ್ ಬ್ರೇಕ್ ಮಾಡ್ತಾಳೆ. ಕ್ಷಣ ಮಾತ್ರದಲ್ಲೇ ಹ್ಯಾಂಡ್ ಲಾಕ್ ಮುರಿದು ಬೈಕ್ ಗಳನ್ನು ಕದ್ದು ಎಸ್ಕೇಪ್ ಆಗುತ್ತಾರೆ. ಈ ಲೇಡಿ ಗ್ಯಾಂಗ್ ಕೈಚಳಕ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಬಾಣಸವಾಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ಜರುಗಿದ್ದು, ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಲೇಡಿ ಗ್ಯಾಂಗ್ ಗಾಗಿ ಶೋಧ ಕಾರ್ಯ ಕೈಗೊಂಡಿದ್ದಾರೆ. ನಗರದ ಬಾಬುಸಪಾಳ್ಯದಲ್ಲಿ ಕಳೆದ ವಾರ ಕೂಡ ಸ್ಕೂಟರ್ ಕದ್ದು ಕಳ್ಳರು ಎಸ್ಕೆಎಫ್ ಆಗಿದ್ದರು. ಅದೇ ರೀತಿ ನಾಗವಾರ, ವೈಯಲಿಕಾವಲ್ ಎಚ್‌ಬಿಸಿಎಸ್ ಲೇಔಟ್, ಇಂದಿರಾ ಕ್ಯಾಂಟಿನ್ ಎದುರು ಬೈಕ್ ಕಳ್ಳತನ ಮಾಡಿದರು. ನಾಗವಾರದಲ್ಲಿ 26 ತಾರೀಖು ಬೈಕ್ ಕಳ್ಳತನ ಮಾಡುವ ದೃಶ್ಯ ಕೂಡ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
