ರೇಣುಕಾಸ್ವಾಮಿ ಕೊಲೆ ಕೇಸ್ ನಲ್ಲಿ ನಟ ದರ್ಶನ್ ಜೈಲು ಸೇರಿದ್ದಾರೆ. ಇದು ದರ್ಶನ್ ಅಭಿಮಾನಿಗಳಿಗೆ ನುಂಗಲಾರದ ಬಿಸಿ ತುಪ್ಪವಾಗಿದೆ. ‘ದರ್ಶನ್ ಬಂಧನ ತಪ್ಪು’ ಎಂದು ಅವರು ವಾದಿಸುತ್ತಿದ್ದಾರೆ. ಈ ಬೆನ್ನಲೇ ಕೆಲ ದರ್ಶನ್ ಅಭಿಮಾನಿಗಳು ‘ದರ್ಶನ್ ಬಿಡುಗಡೆ ಆಗುವವರೆಗೆ ಕನ್ನಡದ ಯಾವುದೇ ಸಿನಿಮಾ ನೋಡಲ್ಲ’ ಎಂದು ಶಪಥ ಮಾಡಿದ್ದರು. ಇದೇ ಸಮಯಕ್ಕೆ ಕೆಲ ಸಿನಿಮಾಗಳು ಫ್ಲಾಪ್ ಆದವು. ದರ್ಶನ್ ಫ್ಯಾನ್ಸ್ ಸಿನಿಮಾ ನೋಡದೇ ಇರುವುದೇ ಇದಕ್ಕೆ ಕಾರಣ ಎನ್ನುವ ಮಾತು ಕೇಳಿ ಬಂತು. ಇದನ್ನು ‘ಭೀಮ’ ಸಿನಿಮಾ ಸುಳ್ಳು ಮಾಡಿದೆ. ಜನರು ಮುಗಿಬಿದ್ದು ಸಿನಿಮಾ ವೀಕ್ಷಿಸುತ್ತಿದ್ದು ಇದರಿಂದ ದರ್ಶನ್ ಅಭೀಮಾನಿಗಳಿಗೆ ಭಾರಿ ನಿರಾಸೆಯಾಗಿದೆ.
ದರ್ಶನ್ ಬಂಧನದ ಬಳಿಕ ಅವರ ಫ್ಯಾನ್ಸ್ ಮಾಡಿದ ಶಪಥದ ಬಗ್ಗೆ ಒಬ್ಬೊಬ್ಬರು ಒಂದೊಂದು ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದರು. ‘ದರ್ಶನ್ ಫ್ಯಾನ್ಸ್ ಸಿನಿಮಾ ನೋಡದೇ ಇರುವುದರಿಂದಲೇ ಕನ್ನಡ ಸಿನಿಮಾಗಳು ಓಡುತ್ತಿಲ್ಲ’ ಎಂದು ಕೆಲವರು ಅಭಿಪ್ರಾಯಪಟ್ಟರು. ಆದರೆ, ಈಗ ‘ಭೀಮ’ ಸಿನಿಮಾ ಗೆಲುವು ಕಂಡಿರುವುದರಿಂದ ದರ್ಶನ್ ಅಭಿಮಾನಿಗಳು ಅಂದುಕೊಂಡಿದ್ದು ಸುಳ್ಳಾಗಿದೆ.
ದುನಿಯಾ ವಿಜಯ್ ನಟನೆಯ ‘ಭೀಮ’ ಸಿನಿಮಾ ಇತ್ತೀಚೆಗೆ ರಿಲೀಸ್ ಆಗಿದ್ದು ಮೂರೇ ದಿನಕ್ಕೆ ಬರೋಬ್ಬರಿ 11 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಈ ಚಿತ್ರದಿಂದ ಚಿತ್ರರಂಗಕ್ಕೆ ಹೊಸ ಕಳೆ ಬಂದಿದ್ದು, ಮುಚ್ಚಲ್ಪಟ್ಟ ಅನೇಕ ಥಿಯೇಟರ್ಗಳು ಮತ್ತೆ ತೆರೆಯಲ್ಪಟ್ಟಿವೆ. ಒಳ್ಳೆಯ ಚಿತ್ರಗಳು ಬಂದರೆ ಜನರು ಥಿಯೇಟರ್ಗೆ ಬಂದೇ ಬರುತ್ತಾರೆ ಅನ್ನೋದಕ್ಕೆ ಇದು ಉತ್ತಮ ಉದಾಹರಣೆ.
ಈ ವಿಚಾರವನ್ನು ನಿರ್ದೇಶಕ, ನಟ ರಾಜ್ ಬಿ. ಶೆಟ್ಟಿ ಮೊದಲೇ ಹೇಳಿದ್ದರು. ‘ದರ್ಶನ್ ಅಭಿಮಾನಿಗಳು ಸಭೆ ನಡೆಸಿ ಹೇಳಿದ ಮಾತಲ್ಲ. ಯಾರೋ ಒಂದಿಬ್ಬರು ಈ ರೀತಿ ಹೇಳಿಕೆ ನೀಡಿದ್ದಾರೆ. ಕನ್ನಡ ಸಿನಿಮಾಗಳಿಗೆ ಮೊದಲಿನಿಂದಲೂ ಜನರು ಬರುತ್ತಿಲ್ಲ’ ಎಂದಿದ್ದರು. ‘ಭೀಮ’ ಸಿನಿಮಾ ಗೆಲುವಿನಿಂದ ಈ ಮಾತು ನಿಜವಾಗಿದೆ.
‘ಭೀಮ’ ಚಿತ್ರ ವೀಕೆಂಡ್ನಲ್ಲಿ ಒಳ್ಳೆಯ ಪ್ರದರ್ಶನ ಕಂಡಿದೆ. ಈ ಚಿತ್ರದಿಂದ ಕರ್ನಾಟಕದ ಚಿತ್ರಮಂದಿರ ತುಂಬಿದೆ. ಚಿತ್ರಕಕೆ ಜನರಿಂದ ಉತ್ತಮ ರೆಸ್ಪಾನ್ಸ್ ಸಿಕಿದ್ದು ಜನ ಮುಗಿಬಿದ್ದು ಥಿಯೇಟರ್ ಗೆ ಎಂಟ್ರಿಕೊಡ್ತಿದ್ದಾರೆ.
