ಟ್ವಿಟರ್ ನಲ್ಲಿ ಖಾತೆಗಳಿಗೆ ನೀಡಲಾಗುವ ಬ್ಲೂಟಿಕ್ ಗೆ ಸಾಕಷ್ಟು ಮಹತ್ವ ಇದೆ. ಸೆಲೆಬ್ರಿಟಿಗಳ ನಕಲಿ ಖಾತೆ ಯಾವುದು ಹಾಗೂ ಅಸಲಿ ಖಾತೆ ಯಾವುದು ಎಂಬುದು ತಿಳಿಯಲು ಈ ಬ್ಲೂಟಿಕ್ ಸಹಕಾರಿಯಾಗುತ್ತಿತ್ತು. ಆದರೆ ಕಳೆದ ಮೂರು ನಾಲ್ಕು ದಿನಗಳ ಹಿಂದೆ ಸಾಕಷ್ಟು ಖ್ಯಾತ ನಾಮರ ಬ್ಲೂಟಿಕ್ ಟ್ವಿಟರ್ ನಿಂದ ಮಯವಾಗಿತ್ತು. ಆದರೆ ಇದೀಗ ಬಿಗ್ ಬಿ ಅಮಿತಾಬ್ ಬಚ್ಚನ್ ಅವರಿಗೆ ಟ್ವೀಟರ್ ಬ್ಲೂಟಿಕ್ ಮರಳಿ ನೀಡಲಾಗಿದ್ದು ಇದಕ್ಕೆ ಟ್ವಿಟರ್ ಸಿಇಓ ಎಲನ್ ಮಸ್ಕ್ ಅವರಿಗೆ ಧನ್ಯವಾದ ತಿಳಿಸಿದ್ದಾರೆ.
ಅಮಿತಾಭ್ ಬಚ್ಚನ್, ಕಿಂಗ್ ಶಾರುಖ್ ಖಾನ್, ಯಶ್, ಅಲ್ಲು ಅರ್ಜುನ್, ದೀಪಿಕಾ ಪಡುಕೋಣೆ ಮತ್ತು ಆಲಿಯಾ ಭಟ್ ಅವರಂತಹ ಸ್ಟಾರ್‌ಗಳ ಹೆಸರುಗಳಿಂದ ಬ್ಲೂ ಟಿಕ್ ಅನ್ನು ತೆಗೆದುಹಾಕಲಾಗಿದೆ. ಇದು ಮುಗಿದ ನಂತರ, ಕೆಲವು ಬಿ-ಟೌನ್ ಖ್ಯಾತನಾಮರು ಕೂಡ ಮುಂದೆ ಬಂದರು. ಅವರು ಹಣ ಪಾವತಿಸಿದ ನಂತರವೂ ತಮ್ಮಿಂದ ಬ್ಲೂ ಬ್ಯಾಡ್ಜ್ ಅನ್ನು ಕಸಿದುಕೊಳ್ಳಲಾಗಿದೆ ಎಂದು ಬಹಿರಂಗಪಡಿಸಿದ್ದರು. ಇದರಲ್ಲಿ ಅಮಿತಾಬ್ ಬಚ್ಚನ್ ಹೆಸರೂ ಇತ್ತು. ಇದೀಗ ಬಿಗ್ ಬಿ ದೂರಿನ ನಂತರ ಅವರು ನೀಲಿ ಬ್ಯಾಡ್ಜ್ ಅನ್ನು ಮರಳಿ ಪಡೆದಿದ್ದಾರೆ.
ಅಮಿತಾಬ್ ಬಚ್ಚನ್ ಟ್ವಿಟ್ಟರ್‌ನಲ್ಲಿ ತುಂಬಾ ಸಕ್ರಿಯರಾಗಿದ್ದು, ನಿತ್ಯದ ಆಗು ಹೋಗುಗಳನ್ನು ಟ್ವಿಟರ್ ಮೂಲಕ ಅಭಿಮಾನಿಗಳಿಗೆ ತಿಳಿಸುತ್ತಿರುತ್ತಾರೆ. ಇದೀಗ ಬ್ಲೂ ಬ್ಯಾಡ್ಜ್ ಪಡೆದ ನಂತರ ಅಮಿತಾಬ್ ಟ್ವೀಟ್ ಮಾಡಿ ಎಲಾನ್ ಮಸ್ಕ್‌ಗೆ ಧನ್ಯವಾದ ಹೇಳಿದ್ದಾರೆ.
