ಶೂಗಳಿಗೆ ಹೆಸರವಾಸಿಯಾಗಿರುವ ನೈಕ್ ಸಿಬ್ಬಂದಿಗಳಿಗೆ ಶೂಕಿಂಗ್ ನ್ಯೂಸ್ ಕೊಟ್ಟಿದೆ. ಜೂನ್ 28 ರೊಳಗೆ ಯುಎಸ್ ನ ಒರೆಗಾನ್ ಪ್ರಧಾನ ಕಚೇರಿಯಲ್ಲಿ 740 ಉದ್ಯೋಗಿಗಳನ್ನು ವಜಾಗೊಳಿಸಲು ನೈಕ್ ಮುಂದಾಗಿದೆ.
ಕಾರ್ಮಿಕ ಹೊಂದಾಣಿಕೆ ಮತ್ತು ಮರು ತರಬೇತಿ ಅಧಿಸೂಚನೆ ಕಾಯ್ದೆಯಿಂದ ಕಡ್ಡಾಯಗೊಳಿಸಲಾದ ನೋಟಿಸ್ ನಲ್ಲಿ ಕಂಪನಿಯು ತನ್ನ ಬೀವರ್ಟನ್, ಒರೆಗಾನ್ ಪ್ರಧಾನ ಕಚೇರಿಯಲ್ಲಿ ಕಾರ್ಯಪಡೆಯಲ್ಲಿ ಸಂಭವಿಸುವ ವಜಾಗಳ ಬಗ್ಗೆ ರಾಜ್ಯ ಮತ್ತು ಸ್ಥಳೀಯ ಅಧಿಕಾರಿಗಳಿಗೆ ಸೂಚನೆ ನೀಡಿದೆ.
ಜೂನ್ 28 ರಿಂದ ನೈಕ್ ತನ್ನ ವಿಶ್ವ ಪ್ರಧಾನ ಕಚೇರಿಯಲ್ಲಿ ಉದ್ಯೋಗಿಗಳ ಸಂಖ್ಯೆಯನ್ನು ಶಾಶ್ವತವಾಗಿ ಕಡಿಮೆ ಮಾಡಲಿದೆ ಎಂದು ನೈಕ್ ಉಪಾಧ್ಯಕ್ಷ ಮಿಚೆಲ್ ಆಡಮ್ಸ್ ನೋಟಿಸ್ ನಲ್ಲಿ ತಿಳಿಸಿದ್ದಾರೆ.
ಎರಡು ತಿಂಗಳ ಹಿಂದೆ, ನೈಕ್ ಸಿಇಒ ಜಾನ್ ಡೊನಾಹೋ ತನ್ನ ಉದ್ಯೋಗಿಗಳನ್ನು ಸುಮಾರು 2 ಪ್ರತಿಶತದಷ್ಟು ಅಥವಾ 1,600 ಕ್ಕೂ ಹೆಚ್ಚು ಉದ್ಯೋಗಿಗಳನ್ನು ಕಡಿತಗೊಳಿಸುವ ಯೋಜನೆಗಳನ್ನು ಉದ್ಯೋಗಿಗಳಿಗೆ ಮೆಮೋದಲ್ಲಿ ವಿವರಿಸಿದ್ದಾರೆ ಎಂದು ವಾಲ್ ಸ್ಟ್ರೀಟ್ ಜರ್ನಲ್ ವರದಿ ಮಾಡಿದೆ. 31 ಮೇ 2023 ರ ಹೊತ್ತಿಗೆ ನೈಕ್ ಕಂಪನಿಯು ಸುಮಾರು 83,700 ಉದ್ಯೋಗಿಗಳನ್ನು ಹೊದಿದೆ.
