ಬಿಗ್ ಬಾಸ್ ಮನೆಯಲ್ಲಿ (Bigg Boss Kannada 10) ಕಾರ್ತಿಕ್ ಮಹೇಶ್ (Karthik Mahesh) ಹೈಲೆಟ್ ಆಗ್ತಿದ್ದಾರೆ. ಟಾಸ್ಕ್, ಮನರಂಜನೆ, ಸಂಗೀತಾ (Sangeetha) ಜೊತೆಗಿನ ಸ್ನೇಹ ಈ ಎಲ್ಲದರ ವಿಚಾರವಾಗಿ ಅವರು ಗಮನ ಸೆಳೆಯುತ್ತಿದ್ದಾರೆ. ಇದೀಗ ಕಾರ್ತಿಕ್ ಅನುಪಸ್ಥಿತಿಯಲ್ಲಿ ಅವರ ತಂಗಿಯ ಸೀಮಂತ ಕಾರ್ಯಕ್ರಮ ಅದ್ದೂರಿಯಾಗಿ ನೆರವೇರಿದೆ. ಸಾಮಾಜಿಕ ಜಾಲತಾಣದಲ್ಲಿ ಸೀಮಂತ ಶಾಸ್ತ್ರದ ಫೋಟೋಗಳು ಗಮನ ಸೆಳೆಯುತ್ತಿವೆ
‘ಕಾರ್ತಿಕ್ ತಂಗಿ ಮತ್ತು ಅಮ್ಮ. ಕಾರ್ತಿಕ್ ತಂಗಿ ಸೀಮಂತ ಕಾರ್ಯಕ್ರಮದ ಛಾಯಾಚಿತ್ರ. ಆದರೆ ಕಾರ್ತಿಕ್ ಅವರು ಮಿಸ್ಸಿಂಗ್.. ಕಾರ್ತಿಕ್ ಅವರ ಪರವಾಗಿ ಅವರ ತಂಗಿಗೆ ನಾವೆಲ್ಲರೂ ಶುಭ ಹಾರೈಸೋಣ’ ಎಂದು ಕಾರ್ತಿಕ್ ಮಹೇಶ್ ಅವರ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಪೋಸ್ಟ್ ಆಗಿದೆ. ಅನೇಕರು ಕಾರ್ತಿಕ್ ಸಹೋದರಿ ತೇಜಸ್ವಿನಿ ಅವರಿಗೆ ಶುಭಾಶಯ ತಿಳಿಸಿದ್ದಾರೆ.
ಬಿಗ್ ಬಾಸ್ ವೇದಿಕೆಗೆ ಕಾಲಿಟ್ಟ ದಿನವೇ ಕಾರ್ತಿಕ್, ತಮ್ಮ ಗರ್ಭಿಣಿ ತಂಗಿಯ ಬಗ್ಗೆ ಹೇಳಿಕೊಂಡಿದ್ದರು. ಪ್ರಥಮ್ ಬಂದಾಗಲೂ ನನ್ನ ತಂಗಿಯ ಬಗ್ಗೆ ವಿಚಾರಿಸಿ ಎಂದು ಹೇಳಿ ಕಳುಹಿಸಿದ್ದರು. ಸಾಕಷ್ಟು ಬಾರಿ ತಂಗಿಯ ಜೊತೆಗಿನ ಒಡನಾಟದ ಬಗ್ಗೆ ಹಂಚಿಕೊಂಡಿದ್ದರು.
