ಮಗಳಿಗಾಗಿ ದುಬಾರಿ ಕಾರು ಖರೀದಿಸಿದ ನಟಿ ಬಿಪಾಶಾ ಬಸು

ಬಾಲಿವುಡ್ ಬ್ಯೂಟಿ ನಟಿ ಬಿಪಾಶಾ ಬಸು ಕೆಲ ತಿಂಗಳುಗಳ ಹಿಂದಷ್ಟೇ ಮುದ್ದು ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಮಗಳು ದೇವಿಗಾಗಿ ಬಿಪಾಶಾ ದಂಪತಿ ದುಬಾರಿ ಕಾರನ್ನು ಖರೀದಿಸಿದ್ದಾರೆ.

ಹಿಂದಿ ಸಿನಿಮಾ ರಂಗದಲ್ಲಿ ಕಿಚ್ಚು ಹಚ್ಚಿದ್ದ ನಟಿ ಬಿಪಾಶಾ ಬಸು ಯಶಸ್ಸಿನ ಉತ್ತುಂಗದಲ್ಲಿರುವಾಗ್ಲೇ ನಟ ಕರಣ್ ಗ್ರೋವರ್ ಅವರನ್ನ ಪ್ರೀತಿಸಿ ಮದುವೆಯಾದರು. ಮದುವೆಯಾದ ಸಾಕಷ್ಟು ವರ್ಷಗಳ ಬಳಿಕ ಮುದ್ದಾದ ಹೆಣ್ಣು ಮಗುವಿಗೆ ಬಿಪಾಶಾ ಜನ್ಮ ನೀಡಿದ್ದಾರೆ.

ಸದ್ಯ ಬಿಪಾಶಾ ಬಸು ಹಾಗೂ ಕರಣ್ ಗ್ರೋವರ್ ದಂಪತಿ ಮಗಳಿಗಾಗಿ Audi Q7 ಕಾರನ್ನ ಖರೀದಿಸಿದ್ದಾರೆ. 90 ಲಕ್ಷ ರೂಪಾಯಿಗೂ ಅಧಿಕ ಮೌಲ್ಯದ ‘ಅಡಿ ಕ್ಯೂ 7’ ಕಾರನ್ನ ಬಿಪಾಶಾ ದಂಪತಿ ಖರೀದಿಸಿದ್ದು ಕಾರಿನ ಮುಂದೆ ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ.  ಈ ಕುರಿತ ಫೋಟೋ, ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.