ಬಾಗಲಕೋಟೆ: ಬಿಜೆಪಿ ತೊರೆದಿರುವ ನಾಯಕರ ಕ್ಷೇತ್ರದಲ್ಲಿ ಪಕ್ಷದ ಅಭ್ಯರ್ಥಿಗಳು ಗೆಲುವು ಸಾಧಿಸಲಿದ್ದಾರೆ’ ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ವಿಶ್ವಾಸ ವ್ಯಕ್ತಪಡಿಸಿದರು.
ಜಿಲ್ಲೆಯ ಮುಧೋಳದಲ್ಲಿ ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮಾಜಿ ಸಿಎಂ ಜಗದೀಶ ಶೆಟ್ಟರ್ ಕಾಂಗ್ರೆಸ್ ಸೇರಿದ ವಿಷಯಕ್ಕೆ ಪ್ರತಿಕ್ರಿಯಿಸಿದರು. `ಶೆಟ್ಟರ್ ಅವರು ಕಾಂಗ್ರೆಸ್ ಸೇರಿದ ಕಾರಣ ಬಿಜೆಪಿಗೆ ಯಾವುದೇ ತೊಂದರೆಯಿಲ್ಲ. ಪಕ್ಷದಲ್ಲಿ ಯಾರಿಗೂ ಟಿಕೆಟ್ ತಪ್ಪಿಸಿಲ್ಲö, ಹೈಕಮಾಂಡ್ ನಾಯಕರು ಎಲ್ಲ ಅಂಶ ಗಮನದಲ್ಲಿರಿಸಿ ಟಿಕೆಟ್ ನೀಡಿದ್ದಾರೆ. ಬಿಜೆಪಿ ಕೆಲವೇ ಜನರ ಕಪಿ ಮುಷ್ಠಿಯಲ್ಲಿ ಇಲ್ಲ, ರಾಷ್ಟ್ರೀಯ ಪಕ್ಷವಾಗಿದೆ. ಉತ್ತರ ಕರ್ನಾಟಕದಲ್ಲಿ ಅತಿ ಹೆಚ್ಚು ಸ್ಥಾನ ಗೆಲ್ಲಲಿದೆ, ರಾಜ್ಯದಲ್ಲಿ ಮತ್ತೊಮ್ಮೆ ಅಕಾರಕ್ಕೆ ಬರಲಿದೆ’ ಎಂದು ಹೇಳಿದರು.
ಚುನಾವಣೆ ಬಂದಾಗ ಕಾಂಗ್ರೆಸ್ ಪಕ್ಷಕ್ಕೆ ಲಿಂಗಾಯತರ ಮೇಲೆ ಪ್ರೀತಿಯಾಗಿದೆ. ಲಿಂಗಾಯತ ಸಮಾಜವನ್ನು ಒಡೆಯಲು ಹೊರಟಿದ್ದ ಕಾಂಗ್ರೆಸ್‌ನ ತಂತ್ರಗಾರಿಕೆ ಯಾರೂ ಮರೆತಿಲ್ಲ. ಪಂಚಮಸಾಲಿ ೨ಎ ಮೀಸಲಾತಿ ನೀಡಲು ಕಾಂಗ್ರೆಸ್ಸಿಗರು ವಿರೋಧಿಸಿದರು, 2009 ರಲ್ಲಿ 2ಎ ಮೀಸಲಾತಿ ಸೇರಿಸಬೇಕು ಎಂದಾಗ ವಿರೋಸಿ 2018ರಲ್ಲಿ ತಿರಸ್ಕಾರ ಮಾಡಿದರು. ಈಗ ನಾವು ಮೀಸಲಾತಿ ನೀಡಿದ ಮೇಲೆ ಪರೋಕ್ಷವಾಗಿ ಕುಮ್ಮಕ್ಕು ಕೊಟ್ಟು ಸುಪ್ರೀಂ ಕೋರ್ಟ್ನಲ್ಲಿ ಕೇಸ್ ಹಾಕಿಸಿದ್ದಾರೆ. ಲಿಂಗಾಯತರ ಪ್ರಗತಿಗೆ ಕಾಂಗ್ರೆಸ್ಸಿಗರು ವಿರೋಸಿದ್ದಾರೆ.
ಮಾಜಿ ಸಿಎಂ ಸಿದ್ದರಬೀರುವುದಿಲ್ಲ. ಸಿದ್ದರಾಮಯ್ಯ ಅವರದ್ದು ಜಿಲೇಬಿ ಹೆಸರಿನ ಫೈಲ್ ಇತ್ತು, ಅದನ್ನು ಯಾರಾದರೂ ಮರೆಯಲು ಸಾಧ್ಯವಾ ?. ಬಿ.ಎಸ್.ಪಾಟೀಲ ಸಾಸನೂರ, ಬಿ.ಎಸ್.ಪಾಟೀಲ ಮನಗೂಳಿ ಅವರನ್ನು ಹೇಗೆ ನಡೆಸಿಕೊಂಡಿದ್ದಾರೆ ಎಂಬುದು ಗೊತ್ತಿದೆ. ಈಗ ಮಾಜಿ ಸಚಿವ ಎಸ್.ಆರ್.ಪಾಟೀಲರನ್ನು ಹೀನಾಯವಾಗಿ ನೋಡುತ್ತಿದ್ದಾರೆ. ಅವರನ್ನು ವಿಪಕ್ಷ ನಾಯಕನ ಸ್ಥಾನದಿಂದ ಕಿತ್ತು ಹಾಕಿದರು, ಸಭಾಪತಿ ಅವಕಾಶ ತಪ್ಪಿಸಿದರು’ ಎಂದು ಆರೋಪಿಸಿದರು.
