ಬೆಂಗಳೂರು:- ಬಿಎಂಟಿಸಿ ನಿಗಮವು ತನ್ನ ಚಾಲಕರಿಗೆ ಗುಡ್ ನ್ಯೂಸ್ ನೀಡಿದ್ದು, ಹೊಸ ವರ್ಷಕ್ಕೆ ಬಿಗ್ ಗಿಫ್ಟ್ ಕಲ್ಪಿಸುವ ಮೂಲಕ ಆದೇಶ ಹೊರಡಿಸಿದೆ.
ಸತತ 25 ವರ್ಷಗಳಿಂದ ಸೇವೆ ಸಲ್ಲಿಸಿದ ಚಾಲಕರನ್ನ ಮನಗಂಡ ಬಿಎಂಟಿಸಿ ನಿಗಮ, ಸದಾ ಸೇವೆಯಲ್ಲಿ ತೊಡಗಿದ ನಿರಂತರ ಸೇವಾ ಚಾಲಕರಿಗೆ ಮುಂಬಡ್ತಿ ಭಾಗ್ಯ ಸಿಕ್ಕಿದೆ. 25 ವರ್ಷ ಸೇವೆ ಸಲ್ಲಿಸಿದ ನಗರ ಸಾರಿಗೆ ಚಾಲಕರಿಗೆ ಪ್ರಮೋಷನ್ ಗಿಫ್ಟ್ ನೀಡಲಾಗಿದೆ.
ಕೂಡಲೇ ಮುಂಬಡ್ತಿಗೆ ಅರ್ಜಿ ಸಲ್ಲಿಸುವಂತೆ ಬಿಎಂಟಿಸಿ ನಿಗಮ ಕೋರಿದ್ದು, 15/01/2024 ರ ಒಳಗಾಗಿ ಚಾಲಕರ 25 ವರ್ಷದ ಸೇವಾ ಅವಧಿ ಬಗ್ಗೆ ನಿಗಮ ಮಾಹಿತಿ ಕೋರಿದೆ. 25 ವರ್ಷದ ಸೇವೆ ಮುಗಿಸಿರುವ ಚಾಲಕನ ಹಾಜರಾತಿ ಸೇರಿ ಇತರೆ ಮಾಹಿತಿ ನೀಡಬೇಕು. ಕೂಡಲೇ ಈ ಸಂಬಂಧ ಪ್ರತಿಯೊಬ್ಬ ಹಿರಿಯ ಚಾಲಕರು ಮಾಹಿತಿ ನೀಡುವಂತೆ ಸೂಚನಾ ಪತ್ರ ಜಾರಿ ಮಾಡಬೇಕು. ಮುಂಬಡ್ತಿ ಭಾಗ್ಯ ಕೂಡಲೇ ನೀಡುವಂತೆ ಸೂಚನೆ ಇರುವ ಕಾರಣ. ಜನವರಿ 5ರ ಒಳಗೆ ಅರ್ಜಿ ಸಲ್ಲಿಸುವಂತೆ ಬಿಎಂಟಿಸಿ ನಿರ್ದೇಶಕರಿಂದ ಸೂಚನೆ ನೀಡಲಾಗಿದೆ.
