ಸೆಕ್ಸ್ ದಂಧೆಯಲ್ಲಿ ತಗಲಾಕೊಂಡ ನಟಿ ಆರತಿ ಜೊತೆ ಬಾಲಿವುಡ್ ಲಿಂಕ್..! ಹಿನ್ನೆಲೆ ಕೇಳಿದ್ರೆ ಶಾಕ್ ಆಗ್ತೀರಾ..?

ವೇಶ್ಯಾವಾಟಿಕೆ (Prostitution) ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧನವಾಗಿರುವ (Arrested) ಕಿರುತೆರೆ ನಟಿ ಆರತಿ ಹರೀಶ್ ಚಂದ್ರ ಮಿತ್ತಲ್ (Aarti Harish Chandra Mittal) ಹಿನ್ನೆಲೆ ಭಯಂಕರವಾಗಿದೆ ಎನ್ನುತ್ತಾರೆ ಪೊಲೀಸ್ ಅಧಿಕಾರಿಗಳು. ಆಕೆ ಕೇವಲ ನಟಿಯಾಗಿ ಗುರುತಿಸಿಕೊಂಡಿಲ್ಲ, ವಯಸ್ಕರ ಚಿತ್ರಗಳಲ್ಲೂ ನಟಿಸಿದ್ದಾರಂತೆ. ಅಲ್ಲದೇ ಬಾಲಿವುಡ್ (Bollywood) ನ ಸಾಕಷ್ಟು ಜನರೊಂದಿಗೆ ಈಕೆ ಪರಿಚಿತಳಂತೆ.

ಅವರು ಬೇಕು ಬೇಡಿಕೆಗಳನ್ನು ಈವರೆಗೂ ಪೂರೈಸುತ್ತಾ ಬಂದಿದ್ದಾರೆ ಎನ್ನುವ ರೋಚಕ ಮಾಹಿತಿಯನ್ನು ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ. ಆರತಿ ಹರೀಶ್ ಚಂದ್ರ ಮಿತ್ತಲ್  ಮಾಡೆಲ್ ಗಳನ್ನು ಬಳಕೆ ಮಾಡಿಕೊಂಡು ವೇಶ್ಯಾವಾಟಿಕೆ ನಡೆಸುತ್ತಿದ್ದರು ಎಂದು ಗೊತ್ತಾಗಿದೆ. ಅಲ್ಲದೇ ಸಾಕಷ್ಟು ಮಾಡೆಲ್ ಗಳು ಈಕೆಯ ಸಂಪರ್ಕದಲ್ಲಿದ್ದಾರೆ ಎನ್ನುವ ಮಾಹಿತಿ ಸಿಗುತ್ತಿದ್ದಂತೆಯೇ ಆರತಿಯನ್ನು ಬೆನ್ನತ್ತಿದ್ದ ಪೊಲೀಸರು ರೆಡ್ ಹ್ಯಾಂಡ್ ಆಗಿಯೇ ಹಿಡಿದಿದ್ದರು.

ಅಪ್ನಾಪನ್ ಸೇರಿದಂತೆ ಹಲವು ಜನಪ್ರಿಯ ಧಾರಾವಾಹಿಗಳಲ್ಲಿ ನಟಿಸಿರುವ ಆರತಿ, ಕಾಸ್ಟಿಂಗ್ ಡೈರೆಕ್ಟರ್ ಆಗಿಯೂ ಗುರುತಿಸಿಕೊಂಡವರು. ಇವುಗಳ ಜೊತೆಗೆ ಮುಂಬೈನಲ್ಲಿ ವೇಶ್ಯಾವಾಟಿಕೆ ನಡೆಸುತ್ತಿದ್ದರು ಎಂದು ಹೇಳಲಾಗುತ್ತಿದೆ. ಗ್ರಾಹಕರ ಮಾರುವೇಶದಲ್ಲಿ ಆರತಿಯನ್ನು ಸಂಪರ್ಕಿಸಿರುವ ಪೊಲೀಸರು ನಂತರ ಆರತಿಯನ್ನು ಬಂಧಿಸಿದ್ದಾರೆ. ಇವರ ಜೊತೆ ರಾಕೆಟ್ ನಲ್ಲಿ ಇಬ್ಬರು ಮಾಡೆಲ್ ಗಳು ಇದ್ದರು ಎಂದು ಪೊಲೀಸರು ಮಾಹಿತಿ ನೀಡಿದ್ದರು.

ಪೊಲೀಸ್ ಅಧಿಕಾರಿ ಮನೋಜ್ ಸುತಾರ್ ಅವರಿಗೆ ಆರತಿ ನಡೆಸುತ್ತಿದ್ದ ವೇಶ್ಯಾವಾಟಿಕೆ ದಂಧೆಯ ಬಗ್ಗೆ ಸುಳಿವು ಸಿಕ್ಕಿತ್ತು. ಕೂಡಲೇ ಎಚ್ಚೆತ್ತುಕೊಂಡ ಅಧಿಕಾರಿ ತಮಗೆ ಇಬ್ಬರು ಹುಡುಗಿಯನ್ನು ಕಳುಹಿಸುವಂತೆ ಆರತಿಯನ್ನು ಸಂಪರ್ಕಿಸಿದ್ದಾರೆ. 60 ಸಾವಿರ ಬೇಡಿಕೆ ಇಟ್ಟು, ಹುಡುಗಿಯರನ್ನು ಕಳುಹಿಸುವುದಾಗಿ ಆರತಿ ತಿಳಿಸಿದ್ದರು. ಹಣ ಕೊಡುವುದಾಗಿಯೂ ಅಧಿಕಾರಿ ತಿಳಿಸಿದ್ದರು. ಹೋಟೆಲ್ ರೂಮ್ ಗೆ ತೆರಳುವ ಮುನ್ನ ಸ್ವತಃ ಆರತಿಯೇ ಅಧಿಕಾರಿಗಳಿಗೆ ಕಾಂಡೋಮ್ ನೀಡಿದ್ದಾರೆ. ಇವೆಲ್ಲವನ್ನೂ ಪೊಲೀಸರು ರೆಕಾರ್ಡ್ ಮಾಡಿಕೊಂಡೇ ಆರತಿಯನ್ನು ಬಂಧಿಸಿದ್ದಾರೆ ಎಂದು ವರದಿಯಾಗಿದೆ. ಆರತಿ ಜೊತೆ ಯಾರೆಲ್ಲ ಇದ್ದಾರೆ ಎನ್ನುವುದರ ಕುರಿತು ಪೊಲೀಸರು ಮಾಹಿತಿ ಕಲೆಹಾಕುತ್ತಿದ್ದಾರೆ.

ಯಾರು ಈಕೆ?

ಆರತಿ ಮಿತ್ತಲ್ ಅವರು ಸೋಶಿಯಲ್ ಇನ್ ಪ್ಯುಲೆನ್ಸರ್ (Social Influencer) ಎಂದು ತಿಳಿದು ಬಂದಿದ್ದು ಆಕೆಯ ಸಾಮಾಜಿಕ ಜಾಲತಾಣದಲ್ಲಿ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಆಕೆ ಕಿರುತೆರೆ ನಟಿ ಹಾಗೂ ದೂರದರ್ಶನ ವಾಹಿನಿಯಲ್ಲೂ ಕೆಲಸಮಾಡಿದ್ದಾರೆ ಎಂದು ತಿಳಿದುಬಂದಿದೆ. ‌‌‌ ಅಷ್ಟು ಮಾತ್ರವಲ್ಲದೆ ಸಿನೆಮಾ ಹಾಗೂ ಕಿರುತೆರೆಯ ನಟ ನಟಿಯೊಂದಿಗೆ ಇದ್ದ ಪೋಟೋ ಸಹ ಪೋಸ್ಟ್ ಹಾಕಿದ್ದಾರೆ. ಈ ಮೂಲಕ ದೊಡ್ಡ ದೊಡ್ಡ ಸ್ಟಾರ್‌ ತನ್ನ ಪರಿಚಯಸ್ಥರು ಎಂದು ಅನೇಕರನ್ನು ನಂಬಿಸಿದ್ದಾರೆ.

ಮಾಡೆಲ್ ಗಳೇ ಈಕೆಯ ಟರ್ಗೇಟ್:

ಮಾಡೆಲ್ ಆಗಬೇಕೆಂಬ ಆಸೆ ಉಳ್ಳವರಿಗೆ ತುಂಬಾ ಹಣ ಸಹ ಬೇಕಾಗುತ್ತದೆ ಹಾಗಾಗಿ ಆರ್ಥಿಕ ನೆರವು ನೀಡುವುದಾಗಿ ನಂಬಿಸಿ ನಟಿ ಹಾಗೂ ಮಾಡೆಲ್ ಆಗಬೇಕೆನ್ನುವವರನ್ನು ಟಾರ್ಗೆಟ್ ಮಾಡಿ ವೇಶ್ಯಾವೃತ್ತಿಗೆ ಈಕೆ ದೂಡುತ್ತಿದ್ದಾಳೆ ಎಂಬ ಬಲವಾದ ಆರೋಪ ಇದೀಗ ಸಾಬೀತಾಗಿದೆ.