ಸ್ಯಾಂಡಲ್‌ವುಡ್‌ ನ ಬುಲ್ ಬುಲ್ ಬೆಡಗಿ ನಟಿ ರಚಿತಾ ರಾಮ್ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಕಳೆದ ಎರಡು ದಿನಗಳ ಹಿಂದೆ ಸೋಷಿಯಲ್ ಮೀಡಿಯಾದಲ್ಲಿ ಈ ಬಾರಿ ಬರ್ತಡೇ ಸೆಲೆಬ್ರೇಟ್ ಮಾಡಲ್ಲ ಎಂದು ರಚಿತಾ ರಾಮ್ ತಿಳಿಸಿದ್ದರು. ಆದ್ರೆ ಕಲ್ಟ್ ಸಿನಿಮಾ ತಂಡದ ಒತ್ತಾಯಕ್ಕೆ ಮಣಿದು ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ.
ಉಡುಪಿಯಲ್ಲಿ ಕಲ್ಟ್ ಚಿತ್ರದ ಸೆಟ್‌ನಲ್ಲಿಯೇ ಇಡೀ ತಂಡ ರಚಿತಾ ರಾಮ್ ಹುಟ್ಟುಹಬ್ಬವನ್ನ ಸೆಲೆಬ್ರೇಟ್ ಮಾಡಿದೆ. ಅದ್ಧೂರಿಯಾಗಿಯೇ ಈ ಸೆಲೆಬ್ರೇಷನ್ ನಡೆದಿದೆ.
ರಚ್ಚು ಬರ್ತಡೇ ಸಂಭ್ರಮದಲ್ಲಿ ಕಲ್ಟ್ ಸಿನಿಮಾದ ನಟ ಝೈದ್ ಖಾನ್ ರಚಿತಾ ರಾಮ್ ಅವರಿಗೆ ಕೇಕ್ ತಿನಿಸಿದ್ದಾರೆ. ರಚಿತಾ ಕೂಡ ಝೈದ್ ಖಾನ್‌ಗೆ ಕೇಕ್ ತಿನ್ನಿಸಿದ್ದಾರೆ.
ರಚ್ಚು ಬರ್ತಡೇ ಸೆಲೆಬ್ರೇಷನ್ ನಲ್ಲಿ ಕ್ಯಾಮರಾಮನ್ ಜೆ.ಎಸ್.ವಾಲಿ, ಆಲ್ ಓಕೆ ಅಲೋಕ್, ಡೈರೆಕ್ಷರ್ ಅನಿಲ್ ಕುಮಾರ್ ಸೇರಿದಂತೆ ಇನ್ನು ಅನೇಕರು ಭಾಗಿ ಆಗಿದ್ದರು.
ಕಲ್ಟ್ ಸಿನಿಮಾದ 20 ದಿನದ ಚಿತ್ರೀಕರಣ ಈಗಾಗಲೇ ಪೂರ್ಣಗೊಂಡಿದೆ. ಉಡುಪಿಯಲ್ಲಿಯೇ ಸದ್ಯ ಸಿನಿಮಾದ ಶೂಟಿಂಗ್ ನಡೆಯುತ್ತಿದೆ. ಬಿರುಸಿನ ಚಿತ್ರೀಕರಣದ ಮಧ್ಯೆ ಬಿಡುವು ಮಾಡಿಕೊಂಡು ಇಡೀ ತಂಡ ರಚಿತಾ ರಾಮ್ ಅವರ ಜನ್ಮ ದಿನವನ್ನ ಸೆಲೆಬ್ರೇಟ್ ಮಾಡಿದ್ದಾರೆ.
ರಚಿತಾ ರಾಮ್ ಎರಡು ದಿನಗಳ ಹಿಂದೆ ಈ ಸಲ ತಾವು ಹುಟ್ಟುಹಬ್ಬ ಆಚರಣೆ ಮಾಡಿಕೊಳ್ಳೋದಿಲ್ಲ ಅಂತಲೇ ಹೇಳಿದ್ದರು. ಆದರೆ, ಸಿನಿಮಾ ತಂಡದ ಪ್ರೀತಿಯ ಒತ್ತಾಯಕ್ಕೆ ಸೆಲೆಬ್ರೇಷನ್ ಮಾಡಿಕೊಂಡಿದ್ದಾರೆ ಅನಿಸುತ್ತಿದೆ.
ರಚಿತಾ ರಾಮ್ ಅಭಿನಯದ ಈ ಚಿತ್ರದಲ್ಲಿ ಮಲೈಕಾ ಕೂಡ ನಾಯಕಿ ಆಗಿದ್ದಾರೆ. ಇಬ್ಬರು ನಾಯಕಿಯರ ಈ ಚಿತ್ರದಲ್ಲಿ ಝೈದ್ ಖಾನ್ ನಾಯಕರಾಗಿದ್ದಾರೆ. ಕಲ್ಟ್ ಅನ್ನೋ ಹೆಸರಿನ ಮೂಲಕವೇ ಈ ಚಿತ್ರದ ಈಗಲೇ ಗಮನ ಸೆಳೆದಿದೆ. ಡೈರೆಕ್ಟರ್ ಅನಿಲ್ ಕುಮಾರ್ ಈಗಾಗಲೇ ಉಪಾಧ್ಯಕ್ಷ ಚಿತ್ರ ಮಾಡಿದ್ದಾರೆ.
