ಹಸಿ ಮೆಣಸಿನಕಾಯಿ ಗಾಢ ಹಸಿರು ಬಣ್ಣ ಹಾಗೂ ರುಚಿಯಲ್ಲಿ ಖಾರದಿಂದ ಕೂಡಿರುತ್ತದೆ. ಆಹಾರ ಪದಾರ್ಥಗಳ ರುಚಿಯು ಖಾರದಿಂದ ಕೂಡಿರುತ್ತದೆ. ಖಾರದ ರುಚಿಗಾಗಿ ಬಳಸುವುದನ್ನು ಬಿಟ್ಟರೆ ಯಾವುದೇ ಪ್ರಮುಖ ಖಾದ್ಯವನ್ನಾಗಿ ತಯಾರಿಸುವುದಿಲ್ಲ. ರುಚಿಯಲ್ಲಿ ಖಾರವಾಗಿದ್ದರೂ ಸಮೃದ್ಧವಾದ ಜೀವಸತ್ವಗಳನ್ನು ಹಾಗೂ ಪೋಷಕಾಂಶಗಳನ್ನು ಒಳಗೊಂಡಿದೆ.
ಕೆಲವು ಸುಲಭ ವಿಧಾನಗಳನ್ನು ಅಳವಡಿಸಿಕೊಳ್ಳವ ಮೂಲಕ ಉರಿಯನ್ನು ನಿಯಂತ್ರಿಸಬಹುದು. ಈ ವಿಧಾನಗಳು ನಿಮ್ಮ ಕೈಯಲ್ಲಿನ ಸುಡುವ ಸಂವೇದನೆಯನ್ನು ತೊಡೆದು ಹಾಕುತ್ತದೆ. ಜೊತೆಗೆ ಮೆಣಸಿನಕಾಯಿಯನ್ನು ಕತ್ತರಿಸುವ ಸರಿಯಾದ ವಿಧಾನವನ್ನು ಸಹ ನೀವು ತಿಳಿದುಕೊಳ್ಳಲು ಸಾಧ್ಯವಾಗುತ್ತದೆ.
ಅಲೋವೆರಾ ಜೆಲ್ ಅನ್ನು ಹಚ್ಚಿ: ಹಸಿರು ಮೆಣಸಿನಕಾಯಿಯನ್ನು ಕತ್ತರಿಸಿದ ನಂತರ ನಿಮ್ಮ ಕೈಗಳ ಉರಿಯನ್ನು ಹೋಗಲಾಡಿಸಲು ನೀವು ಅಲೋವೆರಾ ಜೆಲ್ ಅನ್ನು ಬಳಸಬಹುದು. ಇದಕ್ಕಾಗಿ ಒಂದು ಚಮಚ ಅಲೋವೆರಾ ಜೆಲ್ ಅನ್ನು ನಿಮ್ಮ ಅಂಗೈಗಳ ಮೇಲೆ ತೆಗೆದುಕೊಂಡು ನಾಲ್ಕೈದು ನಿಮಿಷಗಳ ಕಾಲ ನಿಮ್ಮ ಕೈಗಳನ್ನು ಮಸಾಜ್ ಮಾಡಿ. ಸ್ವಲ್ಪ ಸಮಯದಲ್ಲೇ ಸುಡುವ ಸಂವೇದನೆಯಿಂದ ಮುಕ್ತಿ ಪಡೆಯುತ್ತೀರಿ.
ಹಿಟ್ಟನ್ನು ಬೆರೆಸಿಕೊಳ್ಳಿ: ಕೈಗಳಲ್ಲಿ ಮೆಣಸಿನಕಾಯಿಯಿಂದ ಉರಿಯುವ ಸಂವೇದನೆಯನ್ನು ತೆಗೆದುಹಾಕಲು ನೀವು ಹಿಟ್ಟನ್ನು ಬೆರೆಸಬಹುದು. ಇದು ಕೈಗಳ ಉರಿಯುವಿಕೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.
ಕೂಲಿಂಗ್ ಆಯಿಲ್: ನಿಮ್ಮ ಕೈಯಲ್ಲಿ ಉರಿಯನ್ನು ತೊಡೆದುಹಾಕಲು ತಣ್ಣನೆಯ ಎಣ್ಣೆಯನ್ನು ಬಳಸಬಹುದು. ಇದಕ್ಕಾಗಿ ನೀವು ಪುದೀನಾ ಎಣ್ಣೆಯ ಸಹಾಯವನ್ನು ತೆಗೆದುಕೊಳ್ಳಬಹುದು. ಇದರಿಂದ ತಂಪಾದ ಅನುಭವ ಉಂಟಾಗುತ್ತದೆ.
ಮೊಸರು ಹಚ್ಚಿ: ಮೆಣಸಿನಕಾಯಿ ಕತ್ತರಿಸುವುದರಿಂದ ಕೈಗಳ ಉರಿಯನ್ನು ಹೋಗಲಾಡಿಸುವಲ್ಲಿ ಮೊಸರು ಉತ್ತಮವಾಗಿ ಕೆಲಸ ಮಾಡುತ್ತೆ. ತಣ್ಣನೆಯ ಮೊಸರನ್ನು ಅಂಗೈಗಳ ಮೇಲೆ ತೆಗೆದುಕೊಂಡು ಐದು ನಿಮಿಷಗಳ ಕಾಲ ಕೈಗಳನ್ನು ಮಸಾಜ್ ಮಾಡಿ. ಶೀಘ್ರದಲ್ಲೇ ನೀವು ಕಿರಿಕಿರಿಯಿಂದ ಪರಿಹಾರವನ್ನು ಪಡೆಯುತ್ತೀರಿ.
ಮೆಣಸಿನಕಾಯಿಯನ್ನು ಕತ್ತರಿಸುವ ಮೊದಲು ಕೈಗವಸುಗಳನ್ನು ಧರಿಸಿ: ಮೆಣಸಿನಕಾಯಿಯನ್ನು ಕತ್ತರಿಸುವ ಮೊದಲು ಕೈಯಲ್ಲಿ ಕೈಗವಸುಗಳನ್ನು ಧರಿಸುವುದು ಉತ್ತಮ. ಇದರಿಂದ ಕೈಯಲ್ಲಿ ಸುಡುವ ಸಂವೇದನೆಯ ಸಮಸ್ಯೆಯನ್ನು ತಪ್ಪಿಸಬಹುದು. ಆದರೆ ಮೆಣಸಿನಕಾಯಿಯನ್ನು ಕತ್ತರಿಸಿದ ನಂತರ, ಕೈಗವಸುಗಳನ್ನು ತೆಗೆಯುವಾಗ ಜಾಗರೂಕರಾಗಿರಿ ಮತ್ತು ಅವುಗಳನ್ನು ತಲೆಕೆಳಗಾಗಿ ತೆಗೆದುಹಾಕಿ.
ಚಾಪಿಂಗ್ ಬೋರ್ಡ್ ಬಳಸಿ: ಮೆಣಸಿನಕಾಯಿಯನ್ನು ಕತ್ತರಿಸಲು ಚಾಪಿಂಗ್ ಬೋರ್ಡ್ ಅಥವಾ ಕತ್ತರಿ ಬಳಸುವುದು ಉತ್ತಮ. ಕತ್ತರಿಸುವಾಗ ಮೆಣಸಿನಕಾಯಿಯನ್ನು ಮುಟ್ಟುವ ಗೋಜಿಗೇ ಹೋಗಬೇಡಿ. ಚಾಕುವಿನಿಂದ ಕತ್ತರಿಸಿ, ಚಾಪಿಂಗ್ ಬೋರ್ಡ್ ಸಹಾಯದಿಂದ ನೇರವಾಗಿ ಅಡುಗೆಗೆ ಹಾಕಿ.
