ಚಾಮರಾಜನಗರ:- ಬೈಕ್ ಹಾಗೂ ಖಾಸಗಿ ಬಸ್ ನಡುವೆ ಡಿಕ್ಕಿ ಹೊಡೆದು ಸವಾರ ಸ್ಥಳದಲ್ಲಿಯೇ ಸಾವನ್ನಪ್ಪಿದ ಘಟನೆ ಚಾಮರಾಜನಗರ ಜಿಲ್ಲೆಯ ವೀರನಪುರ ಕ್ರಾಸ್ ಬಳಿ ಜರುಗಿದೆ.
ಚಾಮರಾಜನಗರ ಪಟ್ಟಣದ ಗಾಳಿಪುರ ಬಡಾವಣೆ ನಿವಾಸಿ
ಸೈಯದ್ ಉಮರ್ ಮೃತ ವ್ಯಕ್ತಿ ಎನ್ನಲಾಗಿದೆ. ಮೃತ ವ್ಯಕ್ತಿ ಉಮರ್ ಚಾಮರಾಜನಗರದಿಂದ ತೆರಕಣಾಂಬಿಗೆ ಪ್ರಯಾಣಿಸುತ್ತಿದ್ದ. ವೀರನಪುರ ಕ್ರಾಸ್ ಬಳಿಯ ಬಣ್ಣಾರಿ ದೇವಾಲಯದ ಬಳಿ ಓವರ್ ಟೆಕ್ ಮಾಡಲು ತೆರಳಿ ಬೈಕ್ ಅಪಘಾತ ಸಂಭವಿಸಿದೆ.
ಎದುರುನಿಂದ ಬರುತ್ತಿದ್ದ ಖಾಸಗಿ ಬಸ್ಸಿಗೆ ಡಿಕ್ಕಿ ಹೊಡೆದ ಹಿನ್ನೆಲೆ, ಸ್ಥಳದಲ್ಲಿಯೇ ಸೈಯರ್ ಉಮರ್ ಸಾವನ್ನಪ್ಪಿದ್ದಾರೆ. ಘಟನಾ ಸ್ಥಳಕ್ಕೆ ಟ್ರಾಫಿಕ್ ಪೋಲೀಸರು ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
