ಬೆಂಗಳೂರು: ವೋಟ್ ಮಾಡಲು ಹೊರಗೆ ಬನ್ನಿ , ಇದೊಂದು ಅವಕಾಶ ಎಂದು ಟೀಂ ಇಂಡಿಯಾ ಮಾಜಿ ನಾಯಕ, ಹಾಲಿ ಪ್ರಧಾನ ಕೋಚ್ ರಾಹುಲ್ ದ್ರಾವಿಡ್ ಕರೆ ನೀಡಿದರು. ಬೆಂಗಳೂರು ಉತ್ತರ ಲೋಕಸಭೆಯ ಮಲ್ಲೇಶ್ವರಂ ವಿಧಾನಸಭಾ ವ್ಯಾಪ್ತಿಯಲ್ಲಿ ಬರುವ ಆರ್ ಎಂ ವಿ ಕ್ಲಬ್ ನ ಮತಗಟ್ಟೆಯಲ್ಲಿ ಕುಟುಂಬ ಸಮೇತರಾಗಿ ಬಂದು ಬೆಳಗ್ಗೆಯೇ ಅವರು ತಮ್ಮ ಮತ ಚಲಾಯಿಸಿದರು.
ಟೀ ಶರ್ಟ್ ಮತ್ತು ಶಾರ್ಟ್ ತೊಟ್ಟು ಬಹಳ ಸರಳವಾಗಿ ಮತಗಟ್ಟೆಗೆ ಬಂದ ಅವರು ಜನ ಸಾಮಾನ್ಯರಂತೆ ಸರತಿ ಸಾಲಿನಲ್ಲಿ ನಿಂತು ತಮ್ಮ ಹಕ್ಕನ್ನು ಚಲಾಯಿಸಿದರು. ಆ ಬಳಿಕ ಸುದ್ದಿಗಾರರು ಕೇಳಿದ ಪ್ರಶ್ವೆಗಳಿಗೆ ಶುದ್ಧವಾದ ಮತ್ತು ಸ್ಪಷ್ಟವಾದ ಕನ್ನಡದಲ್ಲಿಯೇ ಉತ್ತರಿಸಿದರು. ಮತದಾನ ಮಾಡಲು ಎಲ್ಲ ಬನ್ನಿ.ಇದೊಂದು ಒಳ್ಳೆಯ ಅವಕಾಶ. ಪ್ರಜಾಪ್ರಭುತ್ವ ಮುಂದೆ ತರುವ ಅವಕಾಶವಾಗಿದ್ದು ಬೆಂಗಳೂರು ಸೇರಿದಂತೆ ಎಲ್ಲಡೆ ದೊಡ್ಡ ಪ್ರಮಾಣದಲ್ಲಿ ಮತದಾನ ಆಗಬೇಕು ಇದು ಎಂದು ಅಭಿಪ್ರಾಯಪಟ್ಟರು.
