ಗದಗ ಮತಕ್ಷೇತ್ರದಲ್ಲಿ ಚುನಾವಣೆ ಅಬ್ಬರ ಬಲು ಜೋರಾಗಿದೆ. ಅಬ್ಯರ್ಥಿಗಳ ಬೆಂಬಲಿಗರು ತಮ್ಮ ನಾಯಕನ ಗೆಲುವಿಗಾಗಿ ಹರಕೆ ಹೊರ್ತಿದ್ದಾರೆ. ಗದಗ ವಿಧಾನಸಭೆ ಮತಕ್ಷೇತ್ರದ ಕಾಂಗ್ರೆಸ್ ಅಬ್ಯರ್ಥಿ ಎಚ್ ಕೆ ಪಾಟೀಲ್ ಗೆಲುವಿಗಾಗಿ ಅವರ ಅಭಿಮಾನಿಗಳು ದೀಡನಮಸ್ಕಾರ ಹಾಕಿದ್ರು. ಬೆಟಗೇರಿಯ ವಸಂತಸಿಂಗ್ ಜಮಾದಾರ ನಗರದ ಶ್ರೀ ಈಶ್ವರ ದೇವಸ್ಥಾನದಲ್ಲಿ ಕಂಕಣ ಕಟ್ಟಿಕೊಂಡು ದೀಡನಮಸ್ಕಾರ ಪ್ರಾರಂಭಿಸಿ ಶ್ರೀ ಮಂಜುನಾಥ ದೇವಸ್ಥಾನದ ವರೆಗೆ ಹಾಕಿದ್ರು.
5 ಜನ ಯುವಕರು ಬಿರು ಬಿಸಿಲಿನನ್ನೂ ಸಿ‌ಸಿ ರಸ್ತೆ ಹಾಗೂ ಡಾಂಬರ್ ರಸ್ತೆಯಲ್ಲೇ ದೀಡನಮಸ್ಕಾರ ಹಾಕಿದ್ರು. ನೂರಾರು ಜನ್ರು ದೀಡನಮಸ್ಕಾರ ಹಾಕೋರಿಗೆ ನಡೆದುಕೊಂಡು ಹೋಗಿ ಹರಕೆಗೆ ಸಾಥ್ ನೀಡಿದ್ರು. ಇದೇ ವೇಳೆ ಮಾತನಾಡಿದ ಎಚ್ ಕೆ ಪಾಟೀಲ್ ಅಭಿಮಾನಿಯೋರ್ವ ಶಾಸಕರು ಕ್ಷೇತ್ರದಲ್ಲಿ ಒಳ್ಳೆಯ ಕೆಲಸಗಳನ್ನು ಮಾಡಿದ್ದಾರೆ ಪ್ರತಿ ಚುನಾವಣೆ ಸಂದರ್ಭದಲ್ಲೂ ನಾವು ಈ ರೀತಿ ದೀಡನಮಸ್ಕಾರ ಹಾಕೋ ಮೂಲಕ ಹರಕೆ ಹೊರ್ತೆವೆ ಅಂದ್ರು.
