ಶಾಕಿಂಗ್ ಲುಕ್ ನಲ್ಲಿ ‘ಹುಚ್ಚ’ ಸಿನಿಮಾದ ನಟಿ! ಅಷ್ಟಕ್ಕೂ ರೇಖಾಗೆ ಏನಾಯ್ತು..?

‘ಹುಚ್ಚ’ (Huchcha Film) ಚಿತ್ರದಲ್ಲಿ ನಟಿಸಿ ಮನೆ ಮಾತಾಗಿದ್ದ ನಟಿ ರೇಖಾ ವೇದವ್ಯಾಸ್ (Rekha Vedavyas) ಇದ್ದಕ್ಕಿಂತೆಯೇ ಕಾಣಿಸಿಕೊಂಡಿದ್ದಾರೆ. ಆದರೆ ಅವರ ಮುಖ ನಿಜಕ್ಕೂ ಬೆಚ್ಚಿಸುವಂತಿದೆ. ರೇಖಾ ಈ ಹೆಸರನ್ನು ಕನ್ನಡಿಗರು ಮರೆಯಲು ಸಾಧ್ಯ ಇಲ್ಲ. ಇಂದ್ರಜಿತ್ ಲಂಕೇಶ್ (Indrajit Lankesh) ನಿರ್ದೇಶನದ ತುಂಟಾಟ ಚಿತ್ರಕ್ಕೆ ಇವರೇ ನಾಯಕಿ. ಅದು ಹಿಟ್. ಚಿತ್ರಾ ಚಿತ್ರದಲ್ಲಿ ಬಂಪರ್ ಜಾಕ್‌ಪಾಟ್ ಹೊಡೆದರು. ಅದಕ್ಕಿಂತ ಹೆಚ್ಚಾಗಿ ಸುದೀಪ್ (Sudeep) ಜೊತೆ ‘ಹುಚ್ಚ’ದಲ್ಲಿ ನಟಿಸಿದ್ದು ಎಲ್ಲರನ್ನೂ ಕಾಡಿತು. ಅವರ ಚೆಲುವು ಹಾಗೂ ಅಭಿನಯ ನೆನಪಲ್ಲಿ ಇಟ್ಟುಕೊಳ್ಳುವಂತಾಯಿತು.

ಆದರೆ ಅದೇ ಸುಂದರಿ ಸುಮಾರು 10 ವರ್ಷದ ನಂತರ ತೆಲುಗು ರಿಯಾಲಿಟಿ ಶೋದಲ್ಲಿ ಕಾಣಿಸಿದ್ದು ಬೆಚ್ಚಿ ಬೀಳಿಸಿದೆ. ಅಷ್ಟೊಂದು ಮುದ್ದು ಮುದ್ದು ಮುಖ, ಹೊಳೆಯುತ್ತಿದ್ದ ಕಣ್ಣು ಮಿನುಗುತ್ತಿದ್ದ ಕೆನ್ನೆ ಎಲ್ಲಿ ಹೋದವು? ಈ ರೇಖಾ ಆ ರೇಖಾಳಾಗಿ ಉಳಿದಿಲ್ಲ ಅನ್ನೋದು ಮೊದಲ ನೋಟಕ್ಕೆ ಗೊತ್ತಾಯಿತು. ಹತ್ತು ವರ್ಷದ ಹಿಂದೆ ಬಣ್ಣದ ಲೋಕದಿಂದ ದೂರವಾದರು. ಈಗ ಹೀಗೆ ಕಾಣಿಸಿದ್ದಾರೆ. ಇವರ ಬದುಕಿನಲ್ಲಿ ಏನಾಯಿತು? ಅದು ಈ ಕಾರ್ಯಕ್ರಮ ಪ್ರಸಾರವಾದ ನಂತರ ಗೊತ್ತಾಗುತ್ತದೆ.

ಏನಾದರೂ ಕನ್ನಡದ ಈ ಹುಡುಗಿ ಮತ್ತೆ ನಳನಳಿಸಲಿ ಅಲ್ಲವೆ? ಗುಂಡು ಗುಂಡಾಗಿದ್ದ ರೇಖಾರನ್ನ (Rekha) ನೋಡಿದ್ದ ಫ್ಯಾನ್ಸ್ ಈಗ ಸಣ್ಣಗೇ ಆಗಿರೋದನ್ನ ನೋಡಿ ಶಾಕ್ ಆಗಿದ್ದಾರೆ. ಶೋ ಪ್ರೋಮೋ ಸಖತ್ ವೈರಲ್ ಆಗುತ್ತಿದೆ. ಅಸಲಿಗೆ ರೇಖಾಗೆ ಏನಾಗಿದೆ ಎಂದು ತಿಳಿಯಬೇಕಾದ್ರೆ ಈ ಶೋ ನೋಡಲೇಬೇಕಿದೆ. ಈ ವಾರಾಂತ್ಯ ಭಾನುವಾರ (ಸೆ.17) ಪ್ರಸಾರವಾಗಲಿದೆ.