ನಾಡಪ್ರಭು ಕೆಂಪೇಗೌಡ ಸಿನಿಮಾ ಸಾಕಷ್ಟು ಕುತೂಹಲ ಮೂಡಿಸಿದೆ. ಬೆಂಗಳೂರು ಕಟ್ಟಿದ್ದ ಕೆಂಪೇಗೌಡರ ಸಿನಿಮಾದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟಿಸುತ್ತಾರೆ ಎಂಬ ಸುದ್ದಿಹರಿದಾಡಿತ್ತು. ಆದರೆ ಇದೀಗ ಕೊಲೆ ಪ್ರಕರಣದಲ್ಲಿ ದರ್ಶನ್ ಬಂಧನವಾಗಿದ್ದು ತನಿಖೆ ನಡೆಯುತ್ತಿದೆ.
ಕೆಂಪೇಗೌಡರ ಖಡಕ್ ಪಾತ್ರದಲ್ಲಿ ದರ್ಶನ್ ಇದ್ದರೆ ಹೇಗಿರಬಹುದು ಎನ್ನುವಂತಹ ಫ್ಯಾನ್ಸ್ ಎಡಿಟೆಡ್ ಫೋಟೋಗಳು ಕೂಡಾ ವೈರಲ್ ಆಗಿದ್ದವು. ಆದರೆ ದರ್ಶನ್ ಅಲ್ಲ, ನಾಡಪ್ರಭು ಕೆಂಪೇಗೌಡ ಎನ್ನುವ ಸಿನಿಮಾದಲ್ಲಿ ಡಾಲಿ ಧನಂಜಯ್ ನಟಿಸುತ್ತಿದ್ದಾರೆ. ಅವರು ನ್ಯೂ ಲುಕ್ ಕೂಡಾ ಶೇರ್ ಮಾಡಿದ್ದಾರೆ.ಹೊಸ ಲುಕ್ ಶೇರ್ ಮಾಡಿದ ಧನಂಜಯ್ ನಟ ರಾಕ್ಷಸ ಧನಂಜಯ ಅವರು ನಿಜ ಕನ್ನಡಿಗರ ಐತಿಹಾಸಿಕ ಪಾತ್ರ ನಾಡಪ್ರಭು ಕೆಂಪೇಗೌಡ ಸಿನಿಮಾದಲ್ಲಿ ಎಂದು ಬರೆಯಲಾಗಿದೆ. ವಿಶನರಿ ವಾರಿಯರ್ ಆಫ್ ಬೆಂಗಳೂರು ಎಂದು ಟ್ಯಾಗ್ ಲೈನ್ ಕೂಡಾ ಇದೆ. ಬೆಂಗಳೂರಿನ ದಾರ್ಶನಿಕ ಯೋಧ ಎನ್ನುವ ಅರ್ಥ ಬರುವ ಸಾಲನ್ನು ಟ್ಯಾಗ್ ಲೈನ್ ಆಗಿ ಬಳಸಲಾಗಿದೆ.
ನಾಡಪ್ರಭು ಕೆಂಪೇಗೌಡ”ರ ಐತಿಹಾಸಿಕ ಅನಾವರಣ.. ಎಂದು ಬರೆದು ಡಾಲಿ ಧನಂಜಯ್ ಈ ಒಂದು ಲುಕ್ ಶೇರ್ ಮಾಡಿದ್ದಾರೆ. ಈ ಸಿನಿಮಾವನ್ನು ಡಾ. ಟಿ. ಎಸ್. ನಾಗಾಭರಣ ನಿರ್ದೇಶಿಸಿದ್ದಾರೆ.
ಡಾ. ಟಿ ಎಸ್ ನಾಗಾಭರಣ ಅವರ ಎರಡು ದಶಕಗಳ ಕನಸು ಕನ್ನಡ ಅಸ್ಮಿತೆಯ ಐತಿಹಾಸಿಕ ದೃಶ್ಯ ಕಾವ್ಯ ಎಂದೂ ಈ ಒಂದು ಪೋಸ್ಟರ್ನಲ್ಲಿ ಬರೆಯಲಾಗಿದೆ. ಈ ಪೋಸ್ಟರ್ಗೆ 14 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಬಂದಿದ್ದು ಬಹಳಷ್ಟು ಜನರು ಕಮೆಂಟ್ ಮಾಡಿ ಸೂಪರ್ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.
