ಸೆಕ್ಸ್ ಎಂಬುದು ದಾಂಪತ್ಯ ಜೀವನದ ಪ್ರಮುಖವಾದ ಅಂಶವಾಗಿದೆ. ಪತಿ ಪತ್ನಿ ಇಬ್ಬರು ಇಷ್ಟ ಪಟ್ಟು ಜೊತೆ ಸೇರಿದರೆ ಅದಕ್ಕೆ ನಿಜವಾದ ಅರ್ಥವಿರುತ್ತದೆ, ಜೊತೆಗೆ ಇಬ್ಬರಿಗೂ ಸಂತೋಷ ಸಿಗುತ್ತದೆ. ಪಿರಿಯಡ್ಸ್ ಸಮಯದಲ್ಲಿ ಮಿಲನಕ್ರಿಯೆ ಮಾಡಬಹುದು. ಆದರೆಈ ಸಂದರ್ಭದಲ್ಲಿ ಸುರಕ್ಷತೆ ಅತ್ಯಂತ ಮುಖ್ಯವಾಗಿದೆ. ಋತುಚಕ್ರದ ಸಂದರ್ಭದಲ್ಲಿ ಕಂಡುಬರುವಂತಹ ಹಾರ್ಮೋನ್ ಬದಲಾವಣೆಗಳೇ ಇದಕ್ಕೆ ಕಾರಣ.
ಹಲವಾರು ಅಧ್ಯಯನಗಳು ಕೂಡ ಇದನ್ನು ದೃಢಪಡಿಸಿವೆ.ಆದರೆ ಹೆಚ್ಚಿನ ಮಹಿಳೆಯರು ಋತುಚಕ್ರದ ಸಂದರ್ಭದಲ್ಲಿ ಲೈಂಗಿಕ ಕ್ರಿಯೆ ಬಗ್ಗೆ ಮಾತನಾಡಲ್ಲ, ಅತಿಯಾದ ರಕ್ತಸ್ರಾವ, ಸ್ನಾಯು ಸೆಳೆತ, ಮೈಗ್ರೇನ್, ಹೊಟ್ಟೆ ನೋವು ಇತ್ಯಾದಿಗಳು ಇದಕ್ಕೆ ಆಸ್ಪದ ನೀಡದು. ಆದರೆ ಕೆಲವು ಮಹಿಳೆಯರು ಇದಕ್ಕೆ ಹೊರತಾಗಿದ್ದು, ಅವರು ಋತುಚಕ್ರದ ಸಂದರ್ಭದಲ್ಲಿ ಲೈಂಗಿಕ ಕ್ರಿಯೆಗೆ ಒಳಪಡಲು ಬಯಸುವರು.
ಅಧ್ಯಯನಗಳ ಪ್ರಕಾರ
- ಋತುಚಕ್ರದ ಸಂದರ್ಭದಲ್ಲಿ ಅಂಡಾಶಯವು ಮೊಟ್ಟೆಯನ್ನು ಬಿಡುಗಡೆ ಮಾಡಲು ತಯಾರಾಗುವುದು ಮತ್ತು ಗರ್ಭಕೋಶದಲ್ಲಿ ಹೊಸ ಪದರವು ಬೆಳವಣಿಗೆ ಆಗುವುದು.
- ಈ ಸಂದರ್ಭದಲ್ಲಿ ಲೈಂಗಿಕ ಬಯಕೆ ಹೆಚ್ಚಾಗುವುದು. ಅದೇ ರೀತಿಯಲ್ಲಿ ಅಂಡೋತ್ಪತ್ತಿ ಸಂಭವಿಸುವಂತಹ ಸಂದರ್ಭದಲ್ಲಿ ಕೂಡ ಮಹಿಳೆಯರಲ್ಲಿ ಬಯಕೆಯು ಇರುವುದು.
- ಇದಕ್ಕೆ ಮಹಿಳೆಯರಲ್ಲಿ ಹಾರ್ಮೋನ್ ಗಳಾದ ಈಸ್ಟ್ರೋಜನ್ ಮತ್ತು ಪ್ರೊಜೆಸ್ಟೆರಾನ್ ಕಾರಣ ಎಂದು ಅಧ್ಯಯನಗಳು ಕಂಡುಕೊಂಡಿವೆ.
- ಮಹಿಳೆಯರಲ್ಲಿ ಋತುಚಕ್ರದ ವೇಳೆ ಅತಿಯಾದ ಲೈಂಗಿಕ ಬಯಕೆಯು ಕಾಡುವುದು. ಹೀಗಾಗಿ ಸಂಗಾತಿ ಬಳಿಯಲ್ಲಿ ತಮ್ಮ ಬಯಕೆಯನ್ನು ಈಡೇರಿಸುವಂತೆ ಕೇಳಿಕೊಳ್ಳಬಹುದು. ಋತುಚಕ್ರದ ಫಾಲಿಕ್ಯೂಲರ್ ಹಂತದ ವೇಳೆ ಇದು ಅತಿಯಾಗಿ ಇರುವುದು.
- ಇದಕ್ಕೆ ಕಾರಣವೆಂದರೆ ಈಸ್ಟ್ರೋಜನ್ ಮತ್ತು ಪ್ರೊಜೆಸ್ಟೆರಾನ್ ಮಟ್ಟವು ಕಡಿಮೆ ಇರುವುದು. ಇದು ಋತುಚಕ್ರ ಮುಗಿದ ಬಳಿಕವೂ ಹೀಗೆ ಮುಂದುವರಿಯುವುದು.
- ಪ್ರೊಜೆಸ್ಟೆರಾನ್ ಅತಿಯಾಗಿದ್ದರೆ ಆಗ ಮಹಿಳೆಯರಲ್ಲಿ ಕಾಮಾಸಕ್ತಿಯು ಕಡಿಮೆ ಆಗುವುದು ಎಂದು ಹೇಳಲಾಗಿದೆ. ಹೀಗಾಗಿ ಇದು ಕಡಿಮೆ ಇದ್ದರೆ ಆಗ ಬಯಕೆಯು ಹೆಚ್ಚಾಗುತ್ತದೆ. ಫಾಲಿಕ್ಯೂಲರ್ ಹಂತದಲ್ಲಿ ಕೆಲವರು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳಬಹುದು ಎಂದು ಅಧ್ಯಯನಗಳು
ಆದ್ರೆ ಈ ಸಮಯದಲ್ಲಿ ಸ್ವಲ್ಪ ಎಚ್ಚರ!
- ಗರ್ಭಧಾರಣೆ ಸಂದರ್ಭದಲ್ಲಿ ಮಹಿಳೆಯರಲ್ಲಿ ಪ್ರೊಜೆಸ್ಟೆರಾನ್ ಮಟ್ಟವು ಹೆಚ್ಚಾಗಿ ಇರುವ ಪರಿಣಾಮವಾಗಿ ಅವರಲ್ಲಿ ಲೈಂಗಿಕ ಬಯಕೆಯು ಕಡಿಮೆ ಆಗುವುದು ಎಂದು ಅಧ್ಯಯನಗಳು ಹೇಳಿವೆ. ಆದರೆ ಇದರ ಬಗ್ಗೆ ಇನ್ನಷ್ಟು ಅಧ್ಯಯನಗಳು ನಡೆಯಬೇಕಾಗಿದೆ.
- ನೀವು ಋತುಚಕ್ರದ ಸಂದರ್ಭದಲ್ಲಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳಲು ಬಯಸಿದರೆ ಆಗ ನೀವು ಕಾಂಡೋಮ್ ಧರಿಸಲು ಮರೆಯಬೇಡಿ.
- ಯಾಕೆಂದರೆ ಈ ಸಂದರ್ಭದಲ್ಲಿ ಕೂಡ ಗರ್ಭಧರಿಸುವ ಸಾಧ್ಯತೆ ಇದೆ ಮತ್ತು ಲೈಂಗಿಕ ರೋಗಗಳು ಕೂಡ ಹರಡಬಹುದು.
