ಹಾಲಿನ ಸೇವನೆ ಆರೋಗ್ಯಕ್ಕೆ ಪ್ರಯೋಜನಕಾರಿ ಎಂದು ಪರಿಗಣಿಸಲಾಗಿದೆ. ಮತ್ತೊಂದೆಡೆ, ಕೇಸರಿ ಮಿಶ್ರಿತ ಹಾಲಿಗೆ ಸ್ವಲ್ಪ ಜಾಯಿಕಾಯಿ ಸೇರಿಸಿ ಕುಡಿದರೆ ಇನ್ನೂ ಒಳ್ಳೆಯದು ಎಂದು ತಿಳಿದವರು ಹೇಳುತ್ತಾರೆ. ಇದು ಉತ್ತಮ ನಿದ್ರೆಗಷ್ಟೇ ಅಲ್ಲದೇ ನಾನಾ ಆರೋಗ್ಯ ಪ್ರಯೋಜನಗಳನ್ನು ನಿಮಗೆ ಒದಗಿಸುತ್ತದೆ.
ಹಾಗಾದ್ರೆ ಅವು ಯಾವುವು ಎಂದು ತಿಳಿಯೋಣ ಬನ್ನಿ.
ಇದರಲ್ಲಿ ಆಂಟಿ ಆಕ್ಸಿಡೆಂಟ್ ಸಾಕಷ್ಟು ಸಿಗುತ್ತದೆ
ಕೇಸರಿ ಹಾಗೂ ಜಾಯಿಕಾಯಿ ಮಿಕ್ಸ್ ಮಾಡಿ ಪ್ರತಿದಿನ ಒಂದು ಲೋಟ ಹಾಲು ಕುಡಿಯುವುದರಿಂದ ನಮಗೆ ಅಪಾರ ಪ್ರಮಾಣ ದಲ್ಲಿ ಆಂಟಿ ಆಕ್ಸಿಡೆಂಟ್ ಅಂಶಗಳು ಸಿಗುತ್ತವೆ. ಇವುಗಳು ನಮ್ಮ ಮೆದುಳು ಹಾಗೂ ದೇಹದ ಮೇಲೆ ಸಕಾರಾತ್ಮಕ ಪ್ರಭಾವಗಳನ್ನು ಉಂಟು ಮಾಡುತ್ತವೆ. ಏಕೆಂದರೆ ಜಾಯಿಕಾಯಿ ನಮ್ಮ ಬ್ಲಡ್ ಶುಗರ್ ನಿಯಂತ್ರಣದಲ್ಲಿ ಕೆಲಸ ಮಾಡುವುದರ ಜೊತೆಗೆ ಮೂಳೆಗಳನ್ನು ಬಲಪಡಿಸುತ್ತದೆ ಮತ್ತು ನಮ್ಮ ಜೀರ್ಣ ಶಕ್ತಿಯನ್ನು ಹೆಚ್ಚಿಸುತ್ತದೆ. ಪ್ರಮುಖವಾಗಿ ಕ್ಯಾನ್ಸರ್ ತೊಂದರೆ ಯನ್ನು ಸಹ ಕಡಿಮೆ ಮಾಡುತ್ತದೆ.
ಹೃದಯದ ಆರೋಗ್ಯವನ್ನು ವೃದ್ಧಿಸುತ್ತದೆ
ಕೇಸರಿ ತನ್ನಲ್ಲಿ ರಿಬೋಫ್ಲಾವಿನ್ ಮತ್ತು ಥಯಾಮಿನ್ ಎನ್ನುವ ಅಂಶಗಳನ್ನು ಹೊಂದಿದ್ದು, ನಮ್ಮ ಹೃದಯದ ಆರೋಗ್ಯಕ್ಕೆ ಇವು ಸಾಕಷ್ಟು ಅನುಕೂಲಕರವಾಗಿ ಕೆಲಸ ಮಾಡುತ್ತವೆ.ಹೃದಯಕ್ಕೆ ಸಂಬಂಧಪಟ್ಟ ಯಾವುದೇ ಕಾಯಿಲೆಗಳ ವಿರುದ್ಧ ಹೋರಾಡಲು ಇವು ನೆರವಾಗುತ್ತವೆ. ಮುಖ್ಯವಾಗಿ ಆಂಟಿ ಇಂಪ್ಲಮೆಟರಿ ಮತ್ತು ಆಂಟಿ ಆಕ್ಸಿಡೆಂಟ್ ಗುಣಲಕ್ಷಣಗಳು ಹೆಚ್ಚಾಗಿ ಇದರಿಂದ ಸಿಗುವುದರಿಂದ ನಮ್ಮ ರಕ್ತದಲ್ಲಿ ಕೊಲೆಸ್ಟ್ರಾಲ್ ನಿಯಂತ್ರಣವನ್ನು ಸಹ ಇದು ಮಾಡುತ್ತದೆ ಜೊತೆಗೆ ಹೃದಯದ ಅಪಧಮನಿಗಳ ಆರೋಗ್ಯವನ್ನು ಕಾಪಾಡಿ ನಮಗೆ ಅಥೆರೋಸ್ಕ್ಲಿರೋಸಿಸ್ ಉಂಟಾಗದ ಹಾಗೆ ನೋಡಿ ಕೊಳ್ಳುತ್ತದೆ. ಇದರಿಂದ ಹೃದಯದ ಆರೋಗ್ಯ ಅತ್ಯುತ್ತಮ ಗೊಳ್ಳುತ್ತದೆ.
ಒಳ್ಳೆಯ ನಿದ್ರೆ ಬರುತ್ತದೆ
ಪ್ರತಿ ರಾತ್ರಿ ನಿದ್ರೆ ಬರದೆ ನಿದ್ದೆಗೆಟ್ಟು ಸಾಕಾಗಿರುವವರಿಗೆ ಜಾಯಿ ಕಾಯಿ ಹಾಗೂ ಕೇಸರಿ ಮಿಶ್ರಿತ ಹಾಲು ಒಳ್ಳೆಯ ನಿದ್ರೆ ಕೊಡುತ್ತದೆ ಎನ್ನಬಹುದು. ಇದು ನಮ್ಮ ಥೈರಾಯ್ಡ್ ಸಮಸ್ಯೆಗಳನ್ನು ನಿರ್ವಹಣೆ ಮಾಡುವು ದರ ಜೊತೆಗೆ, ಇನ್ಸುಲಿನ್ ಪ್ರತಿರೋಧತೆ, ಇನ್ಸೋಮಿಯ, ದೈಹಿಕ ದುರ್ಬಲತೆ ಇವುಗಳನ್ನು ನಿವಾರಣೆ ಮಾಡುವುದರ ಜೊತೆಗೆ ನರಮಂಡಲಗಳಿಗೆ ಅನುಕೂಲಕರವಾಗಿ ಕೆಲಸ ಮಾಡಿ ರಾತ್ರಿ ಹೊತ್ತು ನೆಮ್ಮದಿಯ ನಿದ್ರೆ ಬರುವಂತೆ ಮಾಡುತ್ತದೆ.
ಯಾವಾಗಲೂ ಖುಷಿಯಾಗಿರಿಸುತ್ತದೆ
ಜಾಯಿಕಾಯಿ ಮತ್ತು ಕೇಸರಿ ಮಿಕ್ಸ್ ಮಾಡಿ ಹಾಲು ಕುಡಿಯುವ ಅಭ್ಯಾಸ ಇಟ್ಟುಕೊಂಡಿರುವವರಿಗೆ ದೇಹದಲ್ಲಿ ಸಂತೋಷಕರ ಹಾರ್ಮೋನ್ ಗಳ ಬಿಡುಗಡೆ ಹೆಚ್ಚಾಗುತ್ತದೆ. ಇದು ರಾತ್ರಿ ಹೊತ್ತು ಒಳ್ಳೆಯ ನಿದ್ರೆ ಬರುವಂತೆ ಮಾಡುವುದರ ಜೊತೆಗೆ ಮಾನಸಿಕವಾಗಿ ಹೆಚ್ಚು ಸಂತೋಷವಾಗಿರುವಂತೆ ಕೂಡ ಮಾಡುತ್ತದೆ. ಏಕೆಂದರೆ ಹಾಲಿನಲ್ಲಿ ಟ್ರಿಪ್ಟೊಫ್ಯಾನ್ ಮತ್ತು ಕ್ಯಾಲ್ಸಿಯಂ ಪ್ರಮಾಣ ಇರುವುದರಿಂದ ನಮ್ಮ ಮೆದುಳನ್ನು ಹಾಗೂ ದೇಹ ವನ್ನು ಪ್ರಶಾಂತಗೊ ಳಿಸುವ ಜೊತೆಗೆ ಮನಸ್ಸಿಗೆ ಸಂತೋಷಕರ ಭಾವನೆಯನ್ನು ಸಹ ಉಂಟು ಮಾಡುತ್ತದೆ.
ಕ್ಯಾನ್ಸರ್ ಬರದಂತೆ ತಡೆಗಟ್ಟುತ್ತದೆ
ಹಾಲಿಗೆ ಮಿಕ್ಸ್ ಮಾಡುವ ಕೇಸರಿ ತನ್ನಲ್ಲಿ ಕ್ರಾಸೇಟಿನ್ ಮತ್ತು ಕ್ರೋಸಿನ್ ಒಳಗೊಂಡಿರುವುದರಿಂದ ನಮ್ಮ ದೇಹದ ಯಾವುದೇ ಭಾಗದಲ್ಲಿ ಜೀವಕೋಶಗಳು ಗಡ್ಡೆ ಕಟ್ಟದಂತೆ ನೋಡಿಕೊಳ್ಳುತ್ತದೆ ಮತ್ತು ಕ್ಯಾನ್ಸರ್ ಸಮಸ್ಯೆ ಬರದಂತೆ ತಡೆಯುವ ಗುಣ ಇದರಲ್ಲಿ ಇದೆ. ಹೀಗಾಗಿ ಹಾಲಿನಲ್ಲಿ ಕೇಸರಿ ಮಿಕ್ಸ್ ಮಾಡಿ ಕುಡಿಯುವವರು ಇಂತಹ ಮಾರಕ ಸಮಸ್ಯೆಗಳಿಂದ ದೂರವೇ ಉಳಿಯುತ್ತಾರೆ
ಜಾಯಿಕಾಯಿ ಕೇಸರಿ ಹಾಲನ್ನು ತಯಾರಿಸುವುದು ಹೇಗೆ?
ಮೊದಲು ಉಗುರು ಬೆಚ್ಚಗೆ ಹಾಲು ಕಾಯಿಸಿಕೊಳ್ಳಿ. ಇದಕ್ಕೆ ಆಗ ತಾನೇ ತುರಿದ ಜಾಯಿಕಾಯಿಯನ್ನು ಸೇರಿಸಿ ಜೊತೆಗೆ ಕೇಸರಿ ದಳಗಳನ್ನು ಹಾಕಿ ಮಿಕ್ಸ್ ಮಾಡಿ. ನಿಮಗೆ ಬೇಕೆಂದರೆ ರುಚಿಗಾಗಿ ತುರಿದ ಖರ್ಜೂರ ಅಥವಾ ಬಾದಾಮಿಗಳನ್ನು ಸೇರಿಸಿ ಮಿಕ್ಸ್ ಮಾಡಿ ಆನಂತರ ಸವಿಯಿರಿ.
