ಸಂಗೀತ ಮಾಂತ್ರಿಕ ಇಳಯರಾಜ ಬಯೋಪಿಕ್ ತೆರೆಗೆ ಬರಲಿದೆ. ಇತ್ತೀಚೆಗಷ್ಟೇ ಬಯೋಪಿಕ್ ನ ಫಸ್ಟ್ ಲುಕ್ ರಿಲೀಸ್ ಆಗಿದ್ದು ಇಳಯರಾಜನ ಪಾತ್ರದಲ್ಲಿ ಧನುಷ್ ಕಾಣಿಸಿಕೊಳ್ತಿದ್ದಾರೆ. ಈ ಮಧ್ಯೆ ರಜನಿಕಾಂತ್ ಬಯೋಪಿಕ್ ತೆರೆಗೆ ತರಲು ಮಾತುಕತೆ ನಡೆಸುತ್ತಿದ್ದು ರಜನಿಕಾಂತ್ ಪಾತ್ರದಲ್ಲಿ ತಾನೇ ನಟಿಸುವೆ ಎಂದು ನಟ ಧನುಷ್ ಹೇಳಿಕೊಂಡಿದ್ದಾರೆ.
ಧನುಷ್ ಅವರು ರಜನೀಕಾಂತ್ ಅವರ ಅಳಿಯ ಅಷ್ಟೇ ಅಲ್ಲ, ಅಪ್ಪಟ ಅಭಿಮಾನಿಯೂ ಹೌದು. ಇದನ್ನು ಸ್ವತಃ ಧನುಷ್ ಸಾಕಷ್ಟು ಭಾರಿ ಹೇಳಿದ್ದಾರೆ. ತಾನು ಅವರ ಮಗಳನ್ನು ಮದುವೆಯಾಗಿದ್ದರೂ ಕೂಡಾ ನಾನು ಅವರ ಅಭಿಮಾನಿ ಎಂದಿದ್ದಾರೆ.
ಏನೇ ಆದರೂ ಸರಿ ನಾನು ಬಯೋಪಿಕ್ ಅಂತ ಮಾಡಿದರೆ ಅದು ಒಂದು ಇಳಯರಾಜ ಅವರದ್ದು, ಇನ್ನೊಂದು ರಜನೀಕಾಂತ್ ಅವರದ್ದು ಎಂದು ಧನುಷ್ ಅವರು ಹಲವಾರು ಸಲ ಹೇಳಿದ್ದಾರೆ. ಇದರಂತೆ ಧನುಷ್ ಅವರು ರಜನಿ ಅವರ ಸಿನಿಮಾ ಮಾಡಿದರೆ ಅವರ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.
ಧನುಷ್ ಅವರು ರಜನೀಕಾಂತ್ ಅವರ ಮಗಳನ್ನು ಮದುವೆಯಾಗಿದ್ದು ಅವರಿಗೆ ಇಬ್ಬರು ಮಕ್ಕಳಿದ್ದಾರೆ. ಸದ್ಯ ಧನುಷ್ ಹಾಗೂ ಅವರ ಪತ್ನಿ ಇಬ್ಬರೂ ಕೂಡಾ ತಮ್ಮ ತಮ್ಮ ಕೆರಿಯರ್ ಮೇಲೆ ಗಮನ ಕೊಟ್ಟಿದ್ದು ಬೇರೆ ಬೇರೆಯಾಗಿ ಜೀವನ ನಡೆಸುತ್ತಿದ್ದಾರೆ.
ಚೆನ್ನೈನಲ್ಲಿ ನಡೆದ ಸಮಾರಂಭದಲ್ಲಿ ಚಿತ್ರದ ಫಸ್ಟ್ ಲುಕ್ ಅನ್ನು ಕಮಲ್ ಹಾಸನ್ ಮತ್ತು ಇಳಯರಾಜ ಅವರೇ ಬಿಡುಗಡೆ ಮಾಡಿದ್ದಾರೆ. ಈ ಚಿತ್ರಕ್ಕೆ ಇಳಯರಾಜ ಅವರೇ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ.
ತಮ್ಮ ತಂದೆಯ ಜೀವನವನ್ನು ಆಧರಿಸಿದ ಸಿನಿಮಾ ಮಾಡುವುದಾದರೆ, ಆ ಪಾತ್ರದಲ್ಲಿ ನಾನು ಧನುಷ್ ಅವರನ್ನು ಕಾಣಲು ಬಯಸುತ್ತೇನೆ ಎಂದು ಈ ಹಿಂದೆಯೇ ಇಳಯರಾಜ ಅವರ ಪುತ್ರ ಯುವನ್ ಶಂಕರ್ ರಾಜ್ ಹೇಳಿದ್ದರು. ಅಂತೆಯೇ ಇಂದು ಇಳಯರಾಜ ಅವರ ಪಾತ್ರಕ್ಕೆ ಧನುಷ್ ಬಣ್ಣ ಹಚ್ಚಿದ್ದಾರೆ.
