ವ್ಯಾಯಾಮ ಅಥವಾ ಕ್ರೀಡೆಯಲ್ಲಿ ಪಾಲ್ಗೋಳ್ಳುವಾಗ ಸಾಕಷ್ಟು ಜನರು ಖಾಲಿ ಹೊಟ್ಟೆಯಲ್ಲಿಯೇ ಮಾಡುತ್ತಾರೆ. ತಜ್ಞರು ಹೇಳುವ ಪ್ರಕಾರ ವ್ಯಾಯಾಮ ಮತ್ತು ದೇಹ ದಂಡನೆಯನ್ನು ಮಾಡುವಾಗ ಹೊಟ್ಟೆ ಖಾಲಿಯಾಗಿ ಇರಬೇಕು. ಇಲ್ಲವಾದರೆ ತಾಲೀಮು ಮಾಡಲು ಕಷ್ಟವಾಗುವುದು ಎನ್ನಲಾಗುತ್ತದೆ. ಯಕೃತ್ತಿನಲ್ಲಿ ಇರುವ ಗ್ಲೂಕೋಸ್ ಸ್ನಾಯುಗಳಿಗೆ ಶಕ್ತಿ ನೀಡುತ್ತವೆ. ಹಾಗಾದರೆ ಯಾವ ಕ್ರಮದ ಮೂಲಕ ನಿತ್ಯದ ವ್ಯಾಯಾಮ ಮತ್ತು ದಿನಚರಿಯನ್ನು ಅನುಸರಿಸಬೇಕು? ಎನ್ನುವುದನ್ನು ತಿಳಿಯಲು ನೀವು ಕುತೂಹಲ ಹೊಂದಿದ್ದರೆ ಮುಂದಿನ ವಿವರಣೆಯನ್ನು ಪರಿಶೀಲಿಸಿ.
ಅಧ್ಯನ ನಡೆಸಲಾಯಿತು
2013ರಲ್ಲಿ ನಡೆಸಿದ ಅಧ್ಯಯನದ ಉದ್ದೇಶ ಖಾಲಿ ಹೊಟ್ಟೆಯಲ್ಲಿ ನಡೆಸುವ ತಾಲೀಮು ಆರೋಗ್ಯಕ್ಕೆ ಉತ್ತಮವಾದುದ್ದೇ? ಅಥವಾ ಆಹಾರವನ್ನು ತಿಂದು ತಾಲೀಮು ನಡೆಸುವುದು ಯೋಗ್ಯವೇ ಎನ್ನುವುದಾಗಿತ್ತು. ಈ ಒಂದು ವಿಶೇಷ ಅಧ್ಯಯನಕ್ಕಾಗಿ 12 ಸಕ್ರಿಯ ಪುರುಷರನ್ನು ಒಳಪಡಿಸಲಾಗಿತ್ತು. ಅವರಿಗೆ ಮುಂಜಾನೆ 10 ಗಂಟೆಗೆ ಸರಿಯಾಗಿ ತ್ರೆಡ್‍ಮೀಲ್ ವ್ಯಾಯಾಮ ಮಾಡಲು ಹೇಳಲಾಯಿತು. ಅರ್ಧದಷ್ಟು ಪುರುಷರಿಗೆ ವ್ಯಾಯಾಮ ಪೂರ್ವದಲ್ಲಿ ಸ್ವಲ್ಪ ಆಹಾರ ನೀಡಲಾಗಿತ್ತು.
ಕೆಲವರಿಗೆ ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡಲು ಹೇಳಲಾಯಿತು. ವ್ಯಾಯಾಮದ ನಂತರ ಎಲ್ಲರಿಗೂ ಚಾಕೋಲೇಟ್ ಮಿಲ್ಕ್ ಶೇಕ್ ನೀಡಲಾಯಿತು. ಊಟಕ್ಕೆ ಪಾಸ್ಟಾವನ್ನು ನೀಡಲಾಯಿತು. ಅದನ್ನು ಅವರು ಹೊಟ್ಟೆ ತುಂಬುವಷ್ಟು ತಿನ್ನಬಹುದಾಗಿತ್ತು. ಅವರ ದೈಹಿಕ ಶಕ್ತಿ ಮತ್ತು ಕೊಬ್ಬುಗಳ ಬಳಕೆಯಾದ ಪ್ರಮಾಣವನ್ನು ನಿರ್ಣಯಿಸಲಾಯಿತು. ಜೊತೆಗೆ ಮುಂಜಾನೆ ತಾಲೀಮು ಮುಗಿದ ನಂತರ ಕರಗಿದ ಕೊಬ್ಬಿನ ಪ್ರಮಾಣವನ್ನು ಸಹ ಪರಿಗಣಿಸಲಾಯಿತು.
ಫಲಿತಾಂಶಗಳು
ಅಧ್ಯಯನದಲ್ಲಿ ಭಾಗವಹಿಸಿದವರ ಫಲಿತಾಂಶವನ್ನು ಗಮನಿಸಿದಾಗ ಯರು ಆಹಾರವನ್ನು ಸೇವಿಸಿ ವ್ಯಾಯಾಮ ಮಾಡಿದ್ದವರಿಗೆ ಕೊಬ್ಬು ಮತ್ತು ಅನಗತ್ಯವಾದ ಕ್ಯಾಲೋರಿಯಲ್ಲಿ ಹೆಚ್ಚಿನ ಬದಲಾವಣೆ ಕಂಡುಬಂದಿಲ್ಲ. ಅದೇ ಖಾಲಿ ಹೊಟ್ಟೆಯಲ್ಲಿ ತಾಲೀಮು ನಡೆಸಿದವರಲ್ಲಿ ಶೇ.20ರಷ್ಟು ಹೆಚ್ಚು ಕೊಬ್ಬಿನಾಂಶ ಕರಗಿತ್ತು. ಹಾಗಾಗಿ ಖಾಲಿ ಹೊಟ್ಟೆಯಲ್ಲಿ ನಡೆಸಿದ ವ್ಯಾಯಾಮವು ಕೊಬ್ಬಿನ ನಷ್ಟಕ್ಕೆ ಅತ್ಯಂತ ಅಪೇಕ್ಷಣೀಯ ಫಲಿತಾಂಶ ನೀಡಿದೆ ಎಂದು ತಿಳಿಸಿತು.
ಖಾಲಿ ಹೊಟ್ಟೆಯ ವ್ಯಾಯಾಮ
ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಅಥವಾ ತಾಲೀಮು ನಡೆಸುವುದರಿಂದ ದೇಹದಲ್ಲಿ ಸಾಕಷ್ಟು ಕೊಬ್ಬು ಮತ್ತು ಕ್ಯಾಲೋರಿ ಸುಡಲು ಸಹಾಯ ಆಗುವುದು. ಆದರೆ ದೇಹದಲ್ಲಿ ಶಕ್ತಿಯ ಪ್ರಮಾಣ ಅಧಿಕವಾಗಿದ್ದಾಗ ಇದು ಉತ್ತಮ ಫಲಿತಾಂಶ ನೀಡುವುದು. ವಯಸ್ಸಾದವರಿಗೆ ಹಾಗೂ ಅನಾರೋಗ್ಯದಲ್ಲಿ ಇದ್ದವರಿಗೆ ವ್ಯಾಯಾಮ ಪೂರ್ವದಲ್ಲಿ ಸ್ವಲ್ಪ ಆಹಾರ ಸೇವಿಸಲು ಸೂಚಿಸಲಾಗುವುದು. ಅದು ಅವರ ಆರೋಗ್ಯ ಮತ್ತು ದೇಹದ ಸ್ಥಿತಿಗೆ ಅನುಗುಣವಾದ ಶಕ್ತಿ ನೀಡುವುದು ಎನ್ನಲಾಗುತ್ತದೆ. ವಯಸ್ಸಾದವರಿಗೆ ಖಾಲಿಹೊಟ್ಟೆಯ ಆರೋಗ್ಯ ಅಷ್ಟು ಆರೋಗ್ಯಕರವಾದುದ್ದಲ್ಲ ಎಂದು ಹೇಳಲಾಗುವುದು.
ಅನುಸರಿಸಬೇಕಾದ ಕ್ರಮಗಳು
ವ್ಯಾಯಾಮ ಅಥವಾ ಕ್ರೀಡೆಯಲ್ಲಿ ಭಾಗವಹಿಸುವ ಮೊದಲು ಖಾಲಿ ಹೊಟ್ಟೆ ಬಿಡುವುದು ಕೆಲವರಿಗೆ ಕಷ್ಟವಾಗುತ್ತದೆ. ಅಂತಹ ಸಮಸ್ಯೆ ಇರುವವರು ಅರ್ಥ ಅಥವಾ ಒಂದು ಬಾಳೆಹಣ್ಣನ್ನು ಒಂದು ಟೀ ಚಮಚ ಬೆಣ್ಣೆಯೊಂದಿಗೆ ಅಥವಾ ಗಟ್ಟಿಯಾಗಿ ಬೇಯಿಸಿದ ಮೊಟ್ಟೆಯೊಂದಿಗೆ ಸವಿಯಬಹುದು. ವ್ಯಾಯಾಮ ಮಾಡಿದ ಬಳಿಕ ಸ್ವಲ್ಪ ನೀರನ್ನು ಕುಡಿಯಬಹುದು. ನಂತರ ಅಂದರೆ 60-90 ನಿಮಿಷಗಳ ಬಳಿಕ ತಿಂಡಿಯನ್ನು ಸವಿಯಬಹುದು ಎಂದು ಹೇಳಲಾಗುತ್ತದೆ. ಅದು ಆರೋಗ್ಯದ ದೃಷ್ಟಿಯಿಂದ ಉತ್ತಮವಾದ ವಿಧಾನ ಎಂದು ಪರಿಗಣಿಸಲಾಗಿದೆ.
