ಸ್ಯಾಂಡಲ್ ವುಡ್ ನ ಖ್ಯಾತ ನಿರ್ದೇಶಕ ತರುಣ್ ಸುಧೀರ್ ಹಾಗೂ ನಟಿ ಸೋನಾಲ್ ಮೊಂತೇರೋ ಹಸೆಮಣೆ ಏರಲು ಸಜ್ಜಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಜೋಡಿ ಶೀಘ್ರವೇ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎನ್ನುವ ಸುದ್ದಿ ಎಲ್ಲೆಡೆ ಕೇಳಿ ಬರ್ತಿದೆ.
2021ರಲ್ಲಿ ತೆರೆಕಂಡ ತರುಣ ಸುಧೀರ್ ನಿರ್ದೇಶಕ ರಾಬರ್ಟ್ ಸಿನಿಮಾದಲ್ಲಿ ಸೋನಾಲ್ ನಟಿಸಿದ್ದರು. ಈ ವೇಳೆ ಇಬ್ಬರು ನಡುವೆ ಆತ್ಮಿಯತೆ ಬೆಳೆದಿದ್ದು ಎನ್ನಲಾಗುತ್ತಿದೆ. ಆದರೆ ಸುಧೀರ್ ಹಾಗೂ ಸೋನಾಲ್ ಬಗ್ಗೆ ಇದುವರೆಗೂ ಯಾವುದೇ ಸುದ್ದಿಗಳು ಕೇಳಿ ಬಂದಿರಲಿಲ್ಲ. ಇದೀಗ ಜೋಡಿ ಏಕಾಏಕಿ ಮದುವೆಗೆ ಸಜ್ಜಾಗಿದ್ದಾರೆ.
ತರುಣ್ ಸುಧೀರ್ ಜೊತೆಗಿನ ಮದುವೆ ಬಗ್ಗೆ ಕೇಳಿದ್ದಕ್ಕೆ ಸೋನಾಲ್ ನಾಚಿ ನೀರಾಗಿದ್ದರು. ಇದೆಲ್ಲವು ಜಸ್ಟ್ ಗಾಳಿ ಸುದ್ದಿಯಷ್ಟೇ ಎಂದು ಹೇಳಿದ್ದರು. ಆದರೆ ತರುಣ್ ಸುಧೀರ್ ಅವರ ತಾಯಿಯೇ ಈ ಮದುವೆ ನಡೆಯುತ್ತಿರುವುದು ಹೌದು ಎಂದಿದ್ದು, ಇನ್ನೆರಡು ತಿಂಗಳಲ್ಲಿ ಮದುವೆ ನಡೆಯಲಿದೆ ಎಂದೂ ಹೇಳಿದ್ದಾರೆ.
ತರುಣ್ ಹಾಗೂ ಸೋನಾಲ ಮದುವೆ ಸುದ್ದಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಈ ಜೋಡಿ ನಡುವಿನ ಏಜ್ ಗ್ಯಾಪ್ ಲೆಕ್ಕ ಹಾಕುತ್ತಿದ್ದಾರೆ. ಸೋನಲ್ ಅವರಿಗೆ 29 ವರ್ಷ ವಯಸ್ಸಾದರೆ ತರುಣ್ ಅವರಿಗೆ 41 ವರ್ಷ ವಯಸ್ಸು. ಇಬ್ಬರ ನಡುವೆ 12 ವರ್ಷಗಳ ವಯಸ್ಸಿನ ಅಂತರವಿದೆ.
ಸೋನಲ್ ಮೊಂತೇರೋ ಅವರು 12 ವರ್ಷ ಹಿರಿಯ ನಿದೇಶಕ ತರುಣ್ ಸುಧೀರ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಅಂತೂ ಇವರ ಮದುವೆ ಸುದ್ದಿ ಈಗ ಎಲ್ಲೆಡೆ ವೈರಲ್ ಆಗಿದೆ. ಆದರೆ ಈ ಜೋಡಿಗಳು ಮಾತ್ರ ಇದು ಜಸ್ಟ್ ಗಾಸಿಪ್ ಅಷ್ಟೇ ಎನ್ನುತ್ತಿದ್ದಾರೆ.
ಸೋನಲ್ ಮತ್ತು ತರುಣ್ ಮದುವೆ ವಿಚಾರ ಇನ್ನು ಚರ್ಚೆ ಆಗ್ಬೇಕಿದೆ. ಸೋನಲ್ ಕುಟುಂಬದವರು ದುಬೈನಲ್ಲಿದ್ದಾರೆ. ಅವರೆಲ್ಲ ಬರಬೇಕು. ಬಂದ್ಮೇಲೆ ಮಾತುಕತೆ ಆಗ್ಬೇಕು. ಡೇಟ್ ಎಲ್ಲ ಫಿಕ್ಸ್ ಆಗಬೇಕು ಬಳಿಕವಷ್ಟೇ ಮದುವೆ ಎಂದು ಮಾಲತಿ ಸುಧೀರ್ ಹೇಳಿದ್ದಾರೆ.
