ಎಷ್ಟೇ ಬೆಳ್ಳಗಿದ್ದರೂ ಕೆಲವರ ಕತ್ತು ಮಾತ್ರ ಕಪ್ಪು! ಈ ಸಮಸ್ಯೆ ಎಲ್ಲ ಬಣ್ಣದವರಿಗೂ ಇರುತ್ತದೆ. ಇದು ನಮ್ಮ ಆತ್ಮವಿಶ್ವಾಸವನ್ನು ನಾಶಪಡಿಸಬಹುದು. ಕೆಲವರು ಅದನ್ನು ಜನರಿಗೆ ಕಾಣದಂತೆ ಮರೆಮಾಚಲು ತಮ್ಮ ಕೂದಲನ್ನು ಸಡಿಲಗೊಳಿಸುತ್ತಾರೆ. ಇನ್ನೂ ಕೆಲವರು ಶಾಲಿನಿಂದ, ದುಪ್ಪಟ್ಟದಿಂದ ಮುಚ್ಚಿಕೊಳ್ತಾರೆ. ಕೆಲವರು ವಿವಿಧ ರೀತಿಯ ಕ್ರೀಮ್ಗಳನ್ನು ಬಳಸುತ್ತಾರೆ.
ಏನೇ ಮಾಡಿದರೂ ಕುತ್ತಿಗೆ ಕಪ್ಪು ಹೋಗುತ್ತಿಲ್ಲ ಎಂದಾದರೆ, ಇದು ಆರೋಗ್ಯ ಸಮಸ್ಯೆಯಿಂದಿರಬಹುದು. ಹೆಚ್ಚು ತಡ ಮಾಡದೆ ಆರೋಗ್ಯ ತಪಾಸಣೆ ಮಾಡಿಕೊಳ್ಳುವುದು ಉತ್ತಮ ಎಂದು ರಮಿತಾ ಕೌರ್ ಹೇಳುತ್ತಾರೆ. ಯಾವ ಆರೋಗ್ಯ ಸಮಸ್ಯೆ ಬಂದಿರಬಹುದು? ಕುತ್ತಿಗೆ ಕಪ್ಪಾಗಲು ಏನು ಕಾರಣ ಎಂದು ತಿಳಿಸಿದ್ದಾರೆ.
ನಿಮ್ಮ ದೇಹ ಇನ್ಸುಲಿನ್ ಪ್ರತಿರೋಧಕವನ್ನು ಹೊಂದಿರಬಹುದು. ನಿಮ್ಮ ದೇಹದಲ್ಲಿ ಇನ್ಸುಲಿನ್ ಪ್ರತಿರೋಧಕ ಇದೆ ಎಂದ ಮಾತ್ರಕ್ಕೆ ನೀವು ಮಧುಮೇಹಿ ಎಂದು ಅರ್ಥವಲ್ಲ, ಆದರೆ ನೀವು ಭವಿಷ್ಯದಲ್ಲಿ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಆರೋಗ್ಯ ಸಮಸ್ಯೆ ಎದುರಿಸುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ. ಹಾಗಂತ ಭಯಪಡುವ ಅಗತ್ಯವೂ ಇಲ್ಲ, ಈ ಸಮಸ್ಯೆಯಿಂದ ನೀವು ಹೊರಬರುವ ಸಾಧ್ಯತೆಗಳಿವೆ ಎಂದು ರಮಿತಾ ಕೌರ್ ತಿಳಿಸಿದ್ದಾರೆ.
ಇಂಡೆಕ್ಸ್ ಟೆಸ್ಟ್ (ಹೋಮಿಯೋಸ್ಟ್ಯಾಟಿಕ್ ಮಾಡಲ್ ಅಸೆಸ್ಮೆಂಟ್ ಫಾರ್ ಇನ್ಸುಲಿನ್ ರೆಸಿಸ್ಟೆನ್ಸ್)
HOMA IR ಎಷ್ಟಿರಬೇಕು?
0.5-1.4: ನಾರ್ಮಲ್
1.9: ಅರ್ಲಿ ಇನ್ಸುಲಿನ್ ರೆಸಿಸ್ಟೆನ್ಸ್
2.9: ಇನ್ಸುಲಿನ್ ರೆಸಿಸ್ಟೆನ್ಸ್
ಈ ಟೆಸ್ಟ್ ಮಾಡಿಸಿಕೊಳ್ಳಲು 8-10 ಗಂಟೆ ಉಪವಾಸದಲ್ಲಿರಬೇಕು.
ಇನ್ಸುಲಿನ್ ಪ್ರತಿರೋಧಕವನ್ನು ಹೊಂದಿದ್ದರೆ ಯಾವೆಲ್ಲ ಸಮಸ್ಯೆಗಳಾಗಬಹುದು.
ಮಧುಮೇಹ
ಥೈರಾಯ್ಡ್
ಪಿಸಿಒಎಸ್
ಕಿಡ್ನಿ ಸಮಸ್ಯೆ
ಇನ್ಸುಲಿನ್ ಪ್ರತಿರೋಧಕವನ್ನು ಹೊಂದಿರುವ ಇತರ ಲಕ್ಷಣಗಳು
ಕಂಕುಳದ ಭಾಗ ಹೆಚ್ಚು ಕಪ್ಪಗೆ ಕಾಣಿಸುತ್ತದೆ
ಹೆಚ್ಚು ಸಿಹಿ ತಿಂಡಿ ತಿನ್ನಬೇಕೆಂದೆನಿಸುತ್ತದೆ
ನಿಮ್ಮ ಹಸಿವು ಹೆಚ್ಚುತ್ತದೆ
ಪದೇ ಪದೆ ಸುಸ್ತಾದಂತೆ ಅನುಭವವಾಗುತ್ತದೆ
ಈ ಸಮಸ್ಯೆಯಿಂದ ಹೊರಬರಲು ನಿಮ್ಮ ಆಹಾರ ಹೀಗಿರಲಿ
ಬೆಳಗ್ಗೆ ಮೊದಲನೆಯದಾಗಿ ಯಾವುದೇ ಆಹಾರ ಸೇವಿಸುವ ಮುನ್ನ ಮೆಂತ್ಯ ಬೀಜಗಳನ್ನು ನೆನೆಸಿದ ನೀರನ್ನು ಕುಡಿಯಿರಿ. ಏಕೆಂದರೆ ಇದು ಇನ್ಸುಲಿನ್ ಪ್ರತಿರೋಧವನ್ನು ಎದುರಿಸಲು ಸಹಾಯ ಮಾಡುತ್ತದೆ.
ಫೈಬರ್ಯುಕ್ತ ಆಹಾರ ಸೇವನೆಯನ್ನು ಹೆಚ್ಚಿಸಿ. ಏಕೆಂದರೆ ಇದು ಜೀರ್ಣಕ್ರಿಯೆ ಪ್ರಕ್ರಿಯೆಯನ್ನು ನಿಧಾನಗೊಳಿಸುತ್ತದೆ ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸ್ಥಿರಗೊಳಿಸಲು ಸಹಾಯ ಮಾಡುತ್ತದೆ.
ಧಾನ್ಯಗಳು, ರಾಗಿ, ದ್ವಿದಳ ಧಾನ್ಯಗಳು, ಕ್ವಿನೋವಾ ಮುಂತಾದ ಕಾರ್ಬೋಹೈಡ್ರೇಟ್ ಆಹಾರಧಾನ್ಯಗಳನ್ನು ಹೆಚ್ಚು ಸೇವಿಸಿ.
ಬೀಜಗಳು, ಕಾಳುಗಳು, ವರ್ಜಿನ್ ತೆಂಗಿನ ಎಣ್ಣೆ ಮುಂತಾದ ಆರೋಗ್ಯಕರ ಕೊಬ್ಬುಗಳನ್ನು ಸೇರಿಸಿ, ಏಕೆಂದರೆ ಇದು ಇನ್ಸುಲಿನ್ ಸೂಕ್ಷ್ಮತೆಯನ್ನು ಸುಧಾರಿಸುತ್ತದೆ ಮತ್ತು ಇನ್ಸುಲಿನ್ ಅಗತ್ಯವನ್ನು ಕಡಿಮೆ ಮಾಡುವ ಮೂಲಕ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ
ಮಧ್ಯಾಹ್ನ ಮತ್ತು ರಾತ್ರಿ ಊಟದ 30 ನಿಮಿಷಗಳ ನಂತರ ದಾಲ್ಚಿನ್ನಿ ಚಹಾವನ್ನು ತೆಗೆದುಕೊಳ್ಳಿ.
ಸಂಸ್ಕರಿಸಿದ ತಿಂಡಿಗಳು ಮತ್ತು ಸಕ್ಕರೆಯನ್ನು ಸಂಪೂರ್ಣವಾಗಿ ದೂರವಿರಿಸಿ.
ದೈಹಿಕ ಚಟುವಟಿಕೆಗೆ ಹೆಚ್ಚು ಗಮನ ನೀಡಿ. ದಿನಕ್ಕೆ ಕನಿಷ್ಠ 30-45 ನಿಮಿಷಗಳ ನಡಿಗೆಯಾಗಿರಬಹುದು ಅಥವಾ ಇನ್ನಿತರ ವ್ಯಾಯಾಮಗಳು.
ನಿಮ್ಮ ದೇಹ ಮತ್ತು ಮನಸ್ಸನ್ನು ವಿಶ್ರಾಂತಿಗೊಳಿಸಲು 8 ಗಂಟೆಗಳ ಉತ್ತಮ ನಿದ್ರೆ ಮಾಡಿ.
ನಿಮ್ಮ ಒತ್ತಡದ ಮಟ್ಟವನ್ನು ನಿರ್ವಹಿಸಿ, ಅದಕ್ಕಾಗಿ ಯೋಗ, ಧ್ಯಾನ ಮತ್ತು ಆಳವಾದ ಉಸಿರಾಟದ ಅಭ್ಯಾಸ ದೈನಂದಿನ ದಿನಚರಿಯಲ್ಲಿ ಸೇರಿಸಿಕೊಳ್ಳಿ
