ನಟಿ ಕಾರುಣ್ಯ ರಾಮ್ ಗೆ ಪ್ರವಾಸ ಹೋಗುವುದೆಂದರೆ ಅಚ್ಚುಮೆಚ್ಚು. ಸದ್ಯ ಕಾರುಣ್ಯ ಜೋರ್ಡನ್ ಪ್ರವಾಸದಲ್ಲಿದ್ದಾರೆ. ಸಹೋದರಿ ಜೊತೆ ಟೂರ್ ಮಾಡುತ್ತಿರುವ ನಟಿ ಅಲ್ಲಿನ ಸಂಗತಿಗಳನ್ನು ಅಭಿಮಾನಿಗಳಿಗೆ ತಿಳಿಸುತ್ತಿದ್ದಾರೆ. ಜೋರ್ಡನ್ ಮೃತಸಮುದ್ರ ದಂಡೆ ಮೇಲೆ ಬಿಂದಾಸ್ ಆಗಿ ಪೋಸ್ ಕೊಟ್ಟಿರುವ ಫೋಟೋಗಳನ್ನು ಕಾರುಣ್ಯ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಜೋರ್ಡನ್ ಪ್ರವಾಸ ಮಾಡಬೇಕು ಎನ್ನುವುದು ಹಲವು ವರ್ಷಗಳ ಕನಸಾಗಿತ್ತಂತೆ. ಇದೀಗ ಆ ಕನಸನ್ನು ಕಾರುಣ್ಯ ಈಡೇರಿಸಿಕೊಂಡಿದ್ದಾರೆ. ಅಲ್ಲದೇ, ಜೋರ್ಡನ್ ಇತರ ಸ್ಥಳಗಳ ಬಗ್ಗೆ ಅಭಿಮಾನಿಗಳಿಗೆ ತಿಳಿಸುತ್ತಾರಂತೆ. ಜೋರ್ಡನ್ ಪ್ರವಾಸದ ಹಲವು ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ.
ಸಿನಿಮಾ, ರಿಯಾಲಿಟಿ ಶೋಗಳನ್ನು ಮಾಡುತ್ತಲೇ ಇರುವ ಕಾರುಣ್ಯ ರಾಮ್ ಕಾರ್ಯಕ್ರಮಗಳ ಮಧ್ಯ ಬಿಡುವು ತಗೆದುಕೊಂಡು ಸಹೋದರಿ ಜೊತೆ ಪ್ರವಾಸ ಮಾಡುತ್ತಾರೆ. ಈಗಾಗ್ಎ ಸಹೋದರಿಯರಿಬ್ಬರೂ ಅನೇಕ ದೇಶಗಳನ್ನು ಸುತ್ತಿದ್ದಾರೆ.
ಇತ್ತೀಚೆಗಷ್ಟೇ ಕಾರುಣ್ಯ ರಾಮ್ ನಟನೆ ಪೆಟ್ರೋಮ್ಯಾಕ್ಸ್ ಸಿನಿಮಾ ರಿಲೀಸ್ ಆಗಿದೆ. ಸತೀಶ್ ನೀನಾಸಂ ನಾಯಕನಾಗಿ ನಟಿಸಿರುವ ಈ ಸಿನಿಮಾದಲ್ಲಿ ಕಾರುಣ್ಯ ಹೊಸ ಬಗೆಯ ಪಾತ್ರ ಮಾಡಿದ್ದರು.