ತೆಲುಗು ಸಿನಿಮಾರಂಗದಲ್ಲಿ ಹನುಮಾನ್ ಸಿನಿಮಾ ದೊಡ್ಡ ಮಟ್ಟಿಗೆ ಸದ್ದು ಮಾಡಿತ್ತು. ಬಾಕ್ಸ್ ಆಫೀಸ್ ನಲ್ಲಿ ಕೋಟಿ ಕೋಟಿ ಕಲೆಕ್ಷನ್ ಮಾಡಿದ್ದು ಚಿತ್ರದ ನಿರ್ಮಾಪಕ ಸಖತ್ ಖುಷಿಯಾಗಿದ್ದರು. ಇದೀಗ ಹನುಮಾನ್ ಸಿನಿಮಾದ ನಿರ್ಮಾಪಕರ ಜೊತೆ ಕಿಚ್ಚ ಸುದೀಪ್ ಕೈ ಜೋಡಿಸಿದ್ದಾರೆ.
ಹನುಮಾನ್ ಸಿನಿಮಾದ ನಿರ್ಮಾಪಕ ನಿರಂಜನ್ ರೆಡ್ಡಿ ಸ್ಯಾಂಡಲ್ ವುಡ್ ನಲ್ಲೂ ಚಿರಪರಿಚಿತರಾಗಿದ್ದಾರೆ. ಇದೇ ನಿರ್ಮಾಪಕ ಇದೀಗ ಸ್ಯಾಂಡಲ್‌ವುಡ್‌ನ ಅಭಿನಯ ಚಕ್ರವತಿ ಬಾದ್‌ಶಾ ಕಿಚ್ಚ ಸುದೀಪ್ ಜೊತೆಗೆ ಸಿನಿಮಾ ಮಾಡಲು ಅಪ್ರೋಚ್ ಮಾಡಿದ್ದಾರೆ ಎಂ ಸುದ್ದಿ ಹೊರಬಂದಿದೆ.
ಸದ್ಯ ಈ ವಿಚಾರ ಸೋಷಿಯಲ್‌ ಮಿಡಿಯಾದಲ್ಲಿ ಸಖತ್ ವೈರಲ್‌ ಆಗಿದೆ. ಹನುಮಾನ್ ಪ್ರೊಡ್ಯೂಸರ್‌ ಜೊತೆಗೆ ಕಿಚ್ಚ ಸುದೀಪ್ ಸಿನಿಮಾ ಮಾಡುತ್ತಾರೆ ಎಂಬ ಮ್ಯಾಟರ್‌ ಲೀಕ್‌ ಆಗಿದೆ. ಹಾಗೆಯೇ ಪ್ರಡ್ಯೂಸರ್‌ ನಿರಂಜನ್ ರೆಡ್ಡಿ ಸುದೀಪ್ ಜೊತೆಗೆ ಕೌಟುಂಬಿಕ ಹಾಗೂ ಮನರಂಜನಾತ್ಮಕ ಚಿತ್ರ ಮಾಡೋ ಪ್ಲಾನ್ ಹಾಕಿದ್ದಾರೆ ಅನ್ನೋ ಮಾತು ಹರಿದಾಡುತ್ತಿದೆ. ಆದರೆ ಇದರ ಬಗೆ ಸುದೀಪ್ ಆಗಲೀ ಅಥವಾ ನಿರಂಜನ್ ರೆಡ್ಡಿಯಾಗಲಿ ಯಾವುದೇ ಅಧಿಕೃತವಾಗಿ ಯಾವುದೇ ಮಾಹಿತಿ ನೀಡಿಲ್ಲ.
ಸದ್ಯ ನಟ ಕಿಚ್ಚ ಸುದೀಪ್ ಮ್ಯಾಕ್ಸ್ ಸಿನಿಮಾದ ಕೆಲಸಗಳಲ್ಲಿ ತೊಡಗಿಕೊಂಡಿದ್ದು , ಇದಾದ ಬಳಿಕ ಡೈರೆಕ್ಟರ್‌ ಅನೂಪ್ ಭಂಡಾರಿ ಚಿತ್ರ ಮಾಡುತ್ತಾರೆ ಅನ್ನುವ ಸುದ್ದಿ ಕೂಡ ಇದೆ. ಹಾಗೆಯೇ ಕೆಆರ್‌ಜಿ ಸಂಸ್ಥೆಗೆ ಕೂಡ ಕಿಚ್ಚ ಸುದೀಪ್ ಒಂದು ಸಿನಿಮಾ ಮಾಡಲಿದೆ ಎಂಬ ಮಾಹಿತಿ ಇದೆ. ಈ ಸಿನಿಮಾಗಳು ಮುಗಿದ ಬಳಿಕ ಹನುಮಾನ್ ಸಿನಿಮಾದ ನಿರ್ದೇಶಕರ ಜೊತೆ ಕೈಜೋಡಿಸಲಿದ್ದಾರೆ ಎಂದು ಅನಿಸುತ್ತಿದೆ.
