ರಾತ್ರೋ ರಾತ್ರಿ ಯಾರು ಊಹಿಸಿರ ಮಟ್ಟಿಗೆ ಬೆಳೆದ ಮಲಾರ್ ಬ್ಯೂಟಿ ಸಾಯಿ ಪಲ್ಲವಿ ಸದ್ಯ ಸೌತ್ನಲ್ಲಿ ಸಿಕ್ಕಾಪಟ್ಟೆ ಕ್ರೇಜ್ ಕ್ರಿಯೇಟ್ ಮಾಡಿದ್ದಾರೆ.
ಏಕಾಕಾಲಕ್ಕೆ ನಾಲ್ಕೈದು ಸಿನಿಮಾದಲ್ಲಿ ಬ್ಯುಸಿಯಾಗಿರೋ ನಟಿ ಇದೀಗ ಬಾಲಿವುಡ್ ಚಿತ್ರರಂಗಕ್ಕೂ ಎಂಟ್ರಿಕೊಟ್ಟಿದ್ದಾರೆ. ಸಾಯಿ ಪಲ್ಲವಿ ಯಾವುದೇ ಬಿಗ್ ಬಜೆಟ್ ಸಿನಿಮಾದಲ್ಲಿ ಬಣ್ಣ ಹಚ್ಚಿಲ್ಲ, ಆಕೆ ನಟಿಸಿರೋ ಸಿನಿಮಾಗಳು ನೂರಾರು ಕೋಟಿ ಕ್ಲಬ್ ಸೇರಿಲ್ಲ. ಆದರೆ ಆಕೆಗಿರೋ ಕ್ರೇಜ್ ಮಾತ್ರ ಕೊಂಚವೂ ಕಮ್ಮಿಯಾಗಿಲ್ಲ.
ಗ್ಲಾಮರ್ ಇದ್ದರೆ ಮಾತ್ರ ಇಂಡಸ್ಟ್ರಿಯಲ್ಲಿ ನಾಯಕಿಯಾಗಲು ಸಾಧ್ಯ ಎನ್ನುವ ಕಲ್ಪನೆಯನ್ನು ಹುಸಿಯಾಗಿಸಿದ ನಟಿ ಈಕೆ. ನ್ಯಾಚುರಲ್ ಸೌಂದರ್ಯದಿಂದಲೂ ಇನ್ನಿಲ್ಲದ ಜನಪ್ರಿಯತೆ ಗಳಿಸಬಹುದು ಎಂದು ತೋರಿಸಿಕೊಟ್ಟಿದ್ದಾರೆ. ಇಂದಿನ ಪೀಳಿಗೆಯಲ್ಲಿ ಗ್ಲಾಮರ್ ಮೀರಿದ ಸಿನಿಮಾಗಳನ್ನು ಮಾಡಿ ಸ್ಟಾರ್ ಹೀರೋಯಿನ್ ಗೂ ಇಲ್ಲದ ಅಭಿಮಾನಿ ಬಳಗವನ್ನು ಸಂಪಾದಿಸಿದ ನಟಿ ಸಾಯಿ ಪಲ್ಲವಿ.
ಪ್ರೇಮಂ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಈ ಬ್ಯೂಟಿ ಸದ್ಯ ಸಿಕ್ಕಾಪಟ್ಟೆ ಸುದ್ದಿ ಮಾಡುತ್ತಿದ್ದಾರೆ. ಬಾಲಿವುಡ್ ಪ್ರಾಜೆಕ್ಟ್ ಮೂಲಕ ನಟಿ ಸಾಯಿ ಪಲ್ಲವಿ ಸಿಕ್ಕಾಪಟ್ಟೆ ಫೇಮಸ್ ಆಗಿಬಿಟ್ಟಿದ್ದಾರೆ.
ಸಾಯಿ ಪಲ್ಲವಿ ಆಯ್ಕೆ ಮಾಡಿಕೊಂಡ ಪಾತ್ರಗಳೇ ಪ್ರೇಕ್ಷಕರು ಆಕೆಯನ್ನು ಇಷ್ಟ ಪಡಲು ಕಾರಣ. ಆಕೆಯ ಚಿತ್ರಗಳು ಬಿಡುಗಡೆಯಾದಾಗ ಕುಟುಂಬ ಪ್ರೇಕ್ಷಕರು ಕೂಡ ಎರಡನೇ ಯೋಚನೆ ಮಾಡದೆ ಚಿತ್ರಮಂದಿರಕ್ಕೆ ಎಂಟ್ರಿಕೊಡ್ತಿದ್ದಾರೆ.
ಸದ್ಯ ಸಾಯಿ ಪಲ್ಲವಿ ಕೈಯಲ್ಲಿ ತಾಂಡೇಲ್ ಮತ್ತು ರಾಮಾಯಣ ಚಿತ್ರಗಳಿವೆ. ನಾಗ ಚೈತನ್ಯ ಅಭಿನಯದ ತಾಂಡೇಲ್ ಸಿನಿಮಾ ಸುಮಾರು 100 ಕೋಟಿ ಬಜೆಟ್‌ನಲ್ಲಿ ತಯಾರಾಗುತ್ತಿದೆ. ಈ ಸಿನಿಮಾದಲ್ಲಿ ನಟಿ ಸ್ಪೆಷಲ್ ಪಾತ್ರ ಮಾಡಲಿದ್ದಾರೆ. ಈ ಸಿನಿಮಾದ ಜೊತೆಗೆ ರಾಮಾಯಣದಲ್ಲಿ ಸೀತಾದೇವಿ ಪಾತ್ರ ಮಾಡಲಿದ್ದಾರೆ.
ರಾಮಾಯಣ ಚಿತ್ರಕ್ಕೆ ಸಾಯಿ ಪಲ್ಲವಿ ಪಡೆದ ಸಂಭಾವನೆ ಈಗ ಹಾಟ್ ಟಾಪಿಕ್ ಆಗಿದೆ. ಈ ಚಿತ್ರಕ್ಕೆ ಸಾಯಿ ಪಲ್ಲವಿ ರು.50 ಕೋಟಿ ತೆಗೆದುಕೊಳ್ಳುತ್ತಾರೆ ಎಂಬುದು ಸುದ್ದಿಯಾಗುತ್ತಿದೆ. ಸಾಯಿ ಪಲ್ಲವಿ ಇಷ್ಟು ದೊಡ್ಡ ಮೊತ್ತದ ಸಂಭಾವನೆ ತೆಗೆದುಕೊಂಡಿರುವುದರ ಹಿಂದೆ ದೊಡ್ಡ ಕಾರಣವೂ ಇದೆ.
ರಾಮಾಯಣ ಸಿನಿಮಾ ಮೂರು ಭಾಗಗಳಲ್ಲಿ ತಯಾರಾಗುತ್ತಿದೆ. ಈ ಲೆಕ್ಕಾಚಾರದಲ್ಲಿ ಸಾಯಿ ಪಲ್ಲವಿಯಿಂದ ಬಲ್ಕ್ ಡೇಟ್ಸ್ ಬೇಕು. ಎಷ್ಟೇ ಆದ್ರೂ ಎರಡು ವರ್ಷವಾದರೂ ಈ ಚಿತ್ರ ಮಿಸ್ ಆಗೋದಾದ್ರೆ ಇನ್ನೊಂದು ಸಿನಿಮಾ ಮಾಡಬಾರದು. ಮೇಲಾಗಿ ಸಾಯಿ ಪಲ್ಲವಿ ಕೂಡ ಸೀತಾದೇವಿ ಪಾತ್ರದಂತೆಯೇ ಮತ್ತೊಂದು ಸಿನಿಮಾಕ್ಕೆ ಗ್ರೀನ್ ಸಿಗ್ನಲ್ ನೀಡಿರಲಿಲ್ಲ.
ಸಂಭಾವನೆ ಹೊರತು ನಿರ್ಮಾಪಕರಿಂದ ಇನ್ನೂ ಒಂದು ರೂಪಾಯಿ ಖರ್ಚು ಮಾಡಬಾರದು. ತನ್ನ ಸಂಭಾವನೆಯಿಂದಲೇ ಮೇಕಪ್ ಮ್ಯಾನ್ ಮತ್ತು ತನ್ನ ಬಳಿ ಕೆಲಸ ಮಾಡುವವರಿಗೂ ಸಂಬಳ ಕೊಡುತ್ತಾರೆ. ಆ ಸಂಭಾವನೆಯಲ್ಲಿ ಪ್ರಚಾರವನ್ನೂ ಮಾಡುತ್ತಾರೆ. ಈ ವಿಷಯ ತಿಳಿದ ಹಲವು ನೆಟ್ಟಿಗರು ಸಾಯಿ ಪಲ್ಲವಿ ಗ್ರೇಟ್ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
