ಅಂತರಾಷ್ಟ್ರೀಯ ಯೋಗ ದಿನದ ಹಿನ್ನೆಲೆಯಲ್ಲಿ ನ್ಯೂಯಾರ್ಕ್ ನ ಐಕಾನಿಕ್ ಟೈಮ್ಸೌ ಸ್ಕ್ವೇರ್‌ನಲ್ಲಿ ಸಾವಿರಾರು ಮಂದಿ ಯೋಗ ಮಾಡಿ ಗಮನ ಸೆಳೆದರು.ಆರ್ಟ್‌ ಆಫ್‌ ಲಿವಿಂಗ್‌ ಫೌಂಡೇಶನ್‌ನೊಂದಿಗೆ ಸ್ವಯಂಸೇವಕ ಮತ್ತು ಅಧ್ಯಾಪಕ ಸದಸ್ಯರಾಗಿ ಎರಡು ದಶಕಗಳ ಅನುಭವ ಹೊಂದಿರುವ ಯೋಗ ತರಬೇತುದಾರ ಮತ್ತು ಉಸಿರಾಟದ ಧ್ಯಾನ ಶಿಕ್ಷಕಿ ರಿಚಾ ಧೆಕ್ನೆ ಅವರು ನ್ಯೂಯಾರ್ಕ್‌ನಲ್ಲಿ ಭಾರತದ ಕಾನ್ಸುಲೇಟ್‌ ಜನರಲ್‌ ಆಯೋಜಿಸಿದ್ದ ಯೋಗ ಮತ್ತು ಧ್ಯಾನ ಅಧಿವೇಶನವನ್ನು ಮುನ್ನಡೆಸಿದರು.
ಹಲವಾರು ಇತರ ಯೋಗ ಶಿಕ್ಷಕರು ಮತ್ತು ತಜ್ಞರು ಟೈಮ್ಸ್‌ ಸ್ಕ್ವೇರ್‌ನಲ್ಲಿ ದಿನವಿಡೀ ವಿವಿಧ ಧ್ಯಾನ, ವ್ಯಾಯಾಮಗಳು ಮತ್ತು ಉಸಿರಾಟದ ಅವಧಿಗಳನ್ನು ಮುನ್ನಡೆಸಿದರು.ನೀವು ನೋಡುವಂತೆ, ನಾವು ಹಲವಾರು ರಾಷ್ಟ್ರೀಯತೆಗಳಿಂದ ಯೋಗದಲ್ಲಿ ಭಾಗವಹಿಸುವವರನ್ನು ಹೊಂದಿದ್ದೇವೆ ಮತ್ತು ಇದು ಇಂದು ಇಡೀ ದಿನ ಮುಂದುವರಿಯಲಿದೆ ಎಂದು ನ್ಯೂಯಾರ್ಕ್‌ನಲ್ಲಿರುವ ಭಾರತದ ಕಾನ್ಸುಲ್‌ ಜನರಲ್‌ ಬಿನಯಾ ಶ್ರೀಕಾಂತ ಪ್ರಧಾನ್‌ ಹೇಳಿದರು.
ಸ್ವಯಂ ಸಮಾಜಕ್ಕಾಗಿ ಯೋಗ ಎಂಬ ಥೀಮ್‌ ಆಧಾರದ ಮೇಲೆ ಇಲ್ಲಿ ನಡೆಸಲಾಗುತ್ತಿರುವ ಯೋಗಾದಲ್ಲಿ 10 ಸಾವಿರಕ್ಕೂ ಹೆಚ್ಚು ಮಂದಿ ಭಾಗವಹಿಸಿದ್ದರು. ಇಂದು ಇಲ್ಲಿ ಭಾಗವಹಿಸುವ ಪ್ರತಿಯೊಬ್ಬರಿಗೂ ಮತ್ತು ಯುನೈಟೆಡ್‌ ಸ್ಟೇಟ್‌್ಸನ ಇತರ ವಿವಿಧ ಭಾಗಗಳಿಗೆ ಸ್ಫೂರ್ತಿ ನೀಡಲಿದೆ ಎಂದು ನನಗೆ ಖಾತ್ರಿಯಿದೆ ಎಂದು ಪ್ರಧಾನ್‌ ತಿಳಿಸಿದರು.
ಪ್ರಧಾನ್‌ ಭಾಗವಹಿಸುವವರನ್ನು ಸ್ವಾಗತಿಸಿದರು, ದೈಹಿಕ ಆರೋಗ್ಯ ಮತ್ತು ಆಧ್ಯಾತಿಕ ಯೋಗಕ್ಷೇಮ ಎರಡಕ್ಕೂ ಯೋಗದ ಪ್ರಯೋಜನಗಳನ್ನು ಮತ್ತು ಪ್ರಕತಿಯೊಂದಿಗೆ ಸಾಮರಸ್ಯವನ್ನು ಉತ್ತೇಜಿಸುವಲ್ಲಿ ಅದರ ಪಾತ್ರದ ಬಗ್ಗೆ ಪ್ರಸ್ತಾಪಿಸಿದರು ಎಂದು ಕಾನ್ಸುಲೇಟ್‌ ಎಕ್ಸ್ ನಲ್ಲಿ ತಿಳಿಸಿದೆ.
ಭಾರತೀಯ ಕಾನ್ಸುಲೇಟ್‌ನ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ಹಾಗೂ ಸಮುದಾಯದ ಸದಸ್ಯರು ಯೋಗ ಅಧಿವೇಶನದಲ್ಲಿ ಪಾಲ್ಗೊಂಡರು. ಕಾನ್ಸುಲೇಟ್‌ ಪಾಲುದಾರ ಸಂಘಗಳೊಂದಿಗೆ, ಯೋಗ ದಿನದ ಮುನ್ನಾದಿನದಂದು ಹಲವಾರು ಯೋಗ ಸೆಷನ್‌ಗಳನ್ನು ನಡೆಸಿತು, ಇದರಲ್ಲಿ ನ್ಯೂಯಾರ್ಕ್‌ನ ಪ್ರಸಿದ್ಧ ಸಾರ್ವಜನಿಕ ಗ್ರಂಥಾಲಯದ ಬಳಿಯ ಬ್ರ್ಯಾಂಟ್‌ ಪಾರ್ಕ್‌ನಲ್ಲಿ ಮತ್ತು ಸ್ವಾಮಿ ಬ್ರಹ ನಿಷ್ಠಾನಂದ ನೇತತ್ವದ ಸೆಂಟ್ರಲ್‌ ಪಾರ್ಕ್‌ನಲ್ಲಿ ಮಹಿಳೆಯರಿಗಾಗಿ ವಿಶೇಷ ಯೋಗ ಅಧಿವೇಶನವನ್ನು ನಡೆಸಲಾಯಿತು.
