ಆಸ್ಕರ್ ಅಂಗಳದಲ್ಲಿ ಭಾರತದ 2 ಸಿನಿಮಾಗಳು ಗೆದ್ದು ಬೀಗಿವೆ. ಅದರಲ್ಲಿ ರಾಜಮೌಳಿ ನಿರ್ದೇಶನದ `ಆರ್‌ಆರ್‌ಆರ್’ ಸಿನಿಮಾದ ನಾಟು ನಾಟು ಹಾಡಿಗೆ ಆಸ್ಕರ್ ಪ್ರಶಸ್ತಿ ಲಭಿಸಿದೆ. ಈ ಬಗ್ಗೆ ಮೆಗಾಸ್ಟಾರ್ ಚಿರಂಜೀವಿ ಪ್ರತಿಕ್ರಿಯೆ ನೀಡಿದ್ದು, ಮಗನ ಸಿನಿಮಾಗೆ ಬಗ್ಗೆ ಮೆಚ್ಚುಗೆ ಸೂಚಿಸಿದ್ದಾರೆ.
`ದಿ ಎಲಿಫೆಂಟ್ ಎಸ್ಪರರ್ಸ್’ ಕಿರುಚಿತ್ರ ವಿಭಾಗದಲ್ಲಿ ಆಸ್ಕರ್ ಪಡೆದುಕೊಂಡಿದೆ. ತೆಲುಗಿನ `ಆರ್‌ಆರ್‌ಆರ್’ ಸಿನಿಮಾದ `ನಾಟು ನಾಟು’ ಹಾಡಿಗೆ ಬೆಸ್ಟ್ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿ ಲಭಿಸಿದೆ.
`ನಾಟು ನಾಟು’ ಹಾಡಿನ ದೃಶ್ಯಗಳನ್ನು ಉಕ್ರೇನ್‌ನಲ್ಲಿ ಚಿತ್ರೀಕರಿಸಲಾಗಿತ್ತು. ರಾಮ್ ಚರಣ್- ಜ್ಯೂ.ಎನ್‌ಟಿಆರ್ ಜಬರ್‌ದಸ್ತ್ ಆಗಿ ಕುಣಿದಿದ್ದರು. `ಆರ್‌ಆರ್‌ಆರ್’ ತಂಡ ಆಸ್ಕರ್ ಗೆದ್ದಿರುವುದ್ದಕ್ಕೆ ಮೆಗಾಸ್ಟಾರ್ ಸಂಭ್ರಮಿಸಿದ್ದಾರೆ. ಮಗನ ಸಿನಿಮಾ ಎಂದು ಖುಷಿಪಟ್ಟಿದ್ದಾರೆ. ನಾಟು ನಾಟು ಗೆದ್ದಿರೋದು ನಮ್ಮೆಲ್ಲರಿಗೂ ಹೆಮ್ಮೆಯ ವಿಚಾರ. ರಾಜಮೌಳಿ, ಕೀರವಾಣಿ, ಚರಣ್, ಜ್ಯೂ.ಎನ್‌ಟಿಆರ್ ಸೇರಿದಂತೆ ಇಡೀ `ಆರ್‌ಆರ್‌ಆರ್’ ತಂಡಕ್ಕೆ ಅಭಿನಂದನೆಗಳು ಎಂದು ಚಿರಂಜೀವಿ ಶುಭ ಹಾರೈಸಿದ್ದಾರೆ.
ಆಸ್ಕರ್ ಗೆದ್ದಿರುವ ಸಂಭ್ರಮದಲ್ಲಿ ಮಗ ರಾಮ್ ಚರಣ್ ಕೂಡ ಪಾಲಿರೋದ್ರಲ್ಲಿ ನಮಗೆ ಗರ್ವವಿದೆ ಖುಷಿಯಿದೆ ಎಂದು ಮಾಧ್ಯಮಕ್ಕೆ ಮೆಗಾಸ್ಟಾರ್ ಚಿರಂಜೀವಿ ತಿಳಿಸಿದ್ದಾರೆ.
