ಬೆಂಗಳೂರು: BJP vs BJP ಧಾರಾವಾಹಿಯ ಹೊಸ ಹೊಸ ಎಪಿಸೋಡ್‌ಗಳು ಹೊರಬರುತ್ತಲೇ ಇವೆ ಎಂದು ಹೇಳುವ ಮೂಲಕ ಬಿಜೆಪಿ ವಿರುದ್ಧ ಕಾಂಗ್ರೆಸ್ ವ್ಯಂಗ್ಯವಾಡಿದೆ. ಈ ಸಂಬಂಧ ಬೆಂಗಳೂರಿನಲ್ಲಿ ಟ್ವೀಟ್ ಮಾಡಿರುವ ಕಾಂಗ್ರೆಸ್, BJPvsBJP ಧಾರಾವಾಹಿಯ ಹೊಸ ಹೊಸ ಎಪಿಸೋಡ್‌ಗಳು ಹೊರಬರುತ್ತಲೇ ಇವೆ! ಸದಾ ದ್ವೇಷ ಕಾರುವ ಬಿಜೆಪಿಯ ಹರಕು ಬಾಯಿಯವರನ್ನು ಕಂಡು ಸ್ವತಃ ಬಿಜೆಪಿಯವರಿಗೆ ಅಸಹ್ಯ ಹುಟ್ಟಿದೆ.
BSY ವಿರುದ್ಧದ ಸಂತೋಷ ಕೂಟದ ಅಸ್ತ್ರವಾಗಿರುವ ಈಶ್ವರಪ್ಪರಿಗೆ BSY ಅವರು ಆಯನೂರು ಅಸ್ತ್ರ ಬಿಟ್ಟಿದ್ದಾರೆಯೇ ಬಿಜೆಪಿ ಎಂಬುದಾಗಿ ಕರ್ನಾಟಕ ಕಾಂಗ್ರೆಸ್ ಟ್ವಿಟ್ ನಲ್ಲಿ ಪ್ರಶ್ನಿಸಿದೆ. ಪರಿಶಿಷ್ಟ ವರ್ಗಗಳ ಮೀಸಲಾತಿ ಹೆಚ್ಚಳದ ಕುರಿತು ಹಿಂದೆ ಅಬ್ಬರಿಸಿ ಬೊಬ್ಬಿರಿದಿದ್ದ ಒಳಗೊಳಗೇ ದ್ರೋಹದ ಚೂರಿ ಹಾಕಿದೆ. ಮೀಸಲಾತಿ ಹೆಚ್ಚಳದ ಕುರಿತು ಕೇಂದ್ರ ಸರ್ಕಾರಕ್ಕೆ ಪ್ರಸ್ತಾವನೆಯನ್ನೇ ಸಲ್ಲಿಸದೆ ಕಿವಿ ಮೇಲೆ ಹೂವಿಟ್ಟಿದೆ ಬಿಜೆಪಿ. ಜನರನ್ನು ಮೋಸಗೊಳಿಸುವುದರಲ್ಲಿ ಬಿಜೆಪಿ ಪಿಹೆಚ್‌ಡಿ ಮಾಡಿರುವಂತಿದೆ ಎಂದು ವ್ಯಂಗ್ಯವಾಡಿದೆ.
