ಕರುನಾಡ ಶೋಕ್ದಾರ್ ಧನ್ವೀರ್ ಗೌಡ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಬಜಾರ್ ಹುಡ್ಗನ ಜನ್ಮದಿನದ ಅಂಗವಾಗಿ ಹೊಸ ಸಿನಿಮಾ ಅನೌನ್ಸ್ ಆಗಿದೆ. ಸದ್ಯ ಶೋಕ್ದಾರ್ ಅಕೌಂಟ್ ನಲ್ಲಿ ವಾಮನ, ಕೈವ ಚಿತ್ರಗಳಿವೆ. ಈ ಸಿನಿಮಾಗಳ ಬಿಡುಗಡೆಗೆ ಎದುರು ನೋಡ್ತಿರುವ ಧ್ವನೀರ್ ಯುವ ಪ್ರತಿಭೆ ಜೊತೆ ಕೈ ಜೋಡಿಸಿದ್ದಾರೆ.
ಧನ್ವೀರ್ ಬರ್ತ್ ಡೇ ಸ್ಪೆಷಲ್ ಆಗಿ ಐದನೇ ಸಿನಿಮಾ ಘೊಷಣೆಯಾಗಿದೆ. ಈ ಚಿತ್ರಕ್ಕೆ ರಘುಕುಮಾರ್ ಆಕ್ಷನ್ ಕಟ್ ಹೇಳ್ತಿದ್ದು, ಇದು ಇವರ ಚೊಚ್ಚಲ ಪ್ರಯತ್ನ. ಕೋಟಿಗೊಬ್ಬ-3 ಸಿನಿಮಾದಲ್ಲಿ ಸಹಾಯಕ ನಿರ್ದೇಶಕರಾಗಿ ದುಡಿದಿರುವ, ದಿ ಬೆಲ್ ಎಂಬ ಕಿರುಚಿತ್ರ ನಿರ್ದೇಶಿಸಿರುವ ರಘು ಧ್ವನೀರ್ ಗೆ ಆಕ್ಷನ್ ಕಟ್ ಹೇಳ್ತಿದ್ದಾರೆ.
ಸಮೃದ್ಧಿ ಫಿಲ್ಮಂಸ್ ಲಾಂಛನದಲ್ಲಿ ಸಮೃದ್ಧಿ ಮಂಜುನಾಥ್ ನಿರ್ಮಿಸುತ್ತಿರುವ ಎರಡನೇ ಚಿತ್ರ ಇದು. ಈ ಹಿಂದೆ ಲೈಫ್ ಜೊತೆ ಸೆಲ್ಫಿ ಸಿನಿಮಾ ನಿರ್ಮಿಸಿದ್ದ ಸಮೃದ್ಧಿ ಮಂಜುನಾಥ್ ಅವರ ಎರಡನೇ ಕಾಣಿಕೆ ಈ ಸಿನಿಮಾ. ಶೀಘ್ರದಲ್ಲಿ ಈ ಚಿತ್ರದ ಟೈಟಲ್ ಹಾಗೂ ಮತ್ತಷ್ಟು ಅಪ್ ಡೇಟ್ ನೊಂದಿಗೆ ಚಿತ್ರತಂಡ ನಿಮ್ಮ ಮುಂದೆ ಬರಲಿದೆ.
